Máciya 19:28 - Jola-Kasa

²⁸ Yéesu li aaniil: — Li mal̥egenamu fan ilobuul, nan Añool-An ammuu li abah li efenjeŋayi yoola yáyiineniyaayi nan wahawu feh wommuu ulaañen uwunkulo, bukuluul kuŋen li kúl̥ubaaku jánabulumuu lí ínje, fan jibah foof li sifenjeŋ min jitiib utoŋawu kuŋen li úl̥ubaawu wata Isilayeel.

Máciya 19:28 Referencias Cruzadas

Máciya 16:27

Mata Añool-An ummu li abil li máyiineniyamu mata Atuubawool li emalakaayi yoola ló. Fan acaam anoowan nab li waa lakaanumuu li buloŋabu boola.

Máciya 19:27

Muñeˈe Fiyeel li aan Yéesu: — Fan ujanten! Alóli jíkatuukatul bo wáholi feh min jínabul li awu. Muñowu waa jóomi li jibaj to?

Máciya 20:21

Yéesu li agel̥l̥enool aanool: — Waa lufañe? Anaalaawu li aanool: — Ulob min bañoolom búl̥uba umbe bil kubah, akee li buko kaŋeni kúli, aahu kaŋeni kamay nan ommuu ulako li jáyiiyaju jooli.

Máciya 25:31

— Nan Añool-An ammuu li abil loon áyii li máyiineniyamu moola, fan ánaboolul li kumalakaaku feh, abil abah li efenjeŋayi yata jáyiiyaju yáyiineniyaayi.

Máciya 6:33

Jijand jiyinoo mata Jáyiiyaju jata Ateemit ban li jiloŋ loon afañumuu, wah waawu feh fan asenuul wo afamen to.

Máciya 8:20

Yéesu li aanool: — Kugeewuwaku kubaje uwokaay. Basuuwabu bata haatiya bubaje useeh. Bale Añool-An abajut tan aate ahinto min ayool̥o.

Maak 10:37

Li koonool: — Jifañe nan ommuu li ulako li máyiineniyamu mooli, li úkaanoli jibah, aahu kaŋeni kúli, aahu kaŋeni kamay.

Bakaanelabu 3:21

Bale muñeˈe, Yéesu boot min afan alako li emitayi. Fan alako ló boot yok nan Ateemit ammuu alaañen wahawu feh uwunkulo, loon Ateemit humumool alobumuu kábilum nakee, li utum wata kufulofetaku, kammuu bukan kanabe.

2 Tímote 2:12

Utúkaalumuu lit, fan bil uloŋaal li jáyiiyaju joola li akila ló, Oonaalumuu uhaasutaalool, Akila foof fan abil aan ahaasutolaal.

2 Fiyeel 3:13

Fan ukobaal emitayi yawunkulayi li etaamayi yawunkulayi yan Ateemit alobumuu kakaan, dán macole móomi li mubaj.

Búhiisenumabu 11:16

Kunahaanaku áyii li kubakiilaku kahallenumuu, ban li kubah li sifenjeŋasu sooliil sata jáyiiyaju hákil Ateemit, li kuŋa’ wuuliil kuya teetaam min kumanen Ateemit

Búhiisenumabu 12:1

Fúlum tó, búhiisenum báamak li búfulumul li emitayi. Búhiisenumabu umbu li bulako anaale aŋale banakabu min águuyoo loon kañ. Hul̥eeñahu li hulako kata láala kootaku koola, ban li aaken li húkowool éjambi yata siwuut soono kuŋen li síl̥uba.

Búhiisenumabu 20:4

Muñeˈe li ijuk sifenjeŋ sata jáyii. Bukanabuku kabahumuu li so, li kuseniil sembe sata min kutiib. Li ijuk foof saalasu sata bukanabuku kan kufalenumuu kúkow mata kulollob bukanabuku hulimahu hata mal̥egen han Yéesu alobumuu, li mata Hulimahu hata Ateemit húji. Li ijuk foof bukanabuku feh kamanenutumuu énuukuleŋayi yákoyileniyaayi li kambuwaku kata yo, ban kubajut húlangumaasowahu hata yo li síjontumasu sooliil li kuŋenaku kooliil. Li kuyitowumul li eketayi kubil kulako kúyii li mano li Kilisita jow baj simit soono énjunne.

Búhiisenumabu 21:5

Muñeˈe anawu abahumuu li efenjeŋayi yata jáyiiyaju, li aan: «Jijuke, boot min ilaañen wahawu feh uwunkulo.» Li afamen aanom: — Ukiic, mata kulimaku unke kulim kata mal̥egen, ban an layilo áyinen li kó.

Búhiisenumabu 22:2

Li munaak múteyum li tut kaayeenaku kata ésukayi. Li baj li kageb kanookan kata katunkaku, bunuunukenabu bata buloŋabu. Bunuunukenabu umbu li bunaak bubuk mutiñaay ñoono ñaŋen li ñál̥uba emitoomit. Hul̥eeñoohul̥eeñ fan bubuk ñano. Etojayi yata bo yo kuŋalemuu min kubunten bukanabuku kata sihetasu feh.

Búhiisenumabu 22:5

Ehuka let elaañ ebaj ló. Let kulaañen kusohula mawuŋe mata ehiitum li mata banakabu, mata Amaaŋenawu Ateemit fan awuŋeniil, ban li kulako kúyii boot nanoonan.

Búhiisenumabu 3:21

«An ammuu li aheek, fan ikaanool abil min jibah li efenjeŋayi yúmbaam yata jáyiiyaju, loon ínje humumom ijowumuu jibah li Atuubawom li efenjeŋayi yoola yata jáyiiyaju, nan ibajumuu kaheekaku.

Búhiisenumabu 4:4

Muñeˈe kunahaan koono áyii li kubakii, kakaanowe wañ wahiite ban li kooken síjambi sata éwulus li kúkowiil, li kubah li sifenjeŋ sata kúyii kúwooñen efenjeŋayi yata áyiiyawu.

Búhiisenumabu 7:4

Muñeˈe li kulobom bukan koono keem kukaanumuu húlangumaasowahu hata Ateemit li síjontumasu sooliil: bukanabuku umbuku kan kúlangumaasomuu koono sínjunne éteemeel li kúyii kúl̥uba li kubakii, kata utoŋawu feh wata Isilayeel.