Máciya 10:20 - Jola-Kasa

²⁰ Mata kulimaku kan jommuu li jilob let kubilum li bukuluul, bale fan kubilumul li Buyinumabu bata Atuubawuul.

Máciya 10:20 Referencias Cruzadas

Máciya 6:32

Mata kákaanumutumuu li Ateemit balewool, buko kuyinoolemuu mata wahawu unwu feh. Bale Atuubawuul ata haatiya lahaase aan, wahawu unwu feh jifañ wo.

Maak 12:36

Dayit humumool lansaan li búkaanum bata Buyinumabu Banabaabu: «Amaaŋenawu Ateemit lansaan Amaaŋenawu úmbaam: “Ubil ubah kaŋenom kúli, boot yok nan emmuu iŋa’ kulatoolayi ikaani úkakul.”»

Hulimahu Hásuumaahu loon Lík akiic homuu 11:13

Fan bukuluul jajakut muñowu, jiyilo jisen wah wajake bañooluul, kama háŋum Atuubawuul ata haatiya? Okila fan asen Buyinumabu Banabaabu bukanabuku kammuu li kul̥awool bo!»

Hulimahu Hásuumaahu loon Lík akiic homuu 12:12

Mata Buyinumabu Banabaabu fan busenuul yaan no unnu, kulim kacole kan jóotimuu jilob.»

Hulimahu Hásuumaahu loon Lík akiic homuu 21:15

Mata ínje humumom fan isenuul kulim kata bújallo, kan anoowan li kulatoolawuul aatut ayili aceeŋ, mantee áhoogul.

Bakaanelabu 13:9

Muñeˈe Sóol an koonemuu foof Fool, Buyinumabu Banabaabu li bumeeŋenool, li ajuke Elimaas súy,

Bakaanelabu 2:4

Nan kúlellufaku unku kata sambunasu kubilumuu kulo li buko, foofiil feh li kuyab Buyinumabu Banabaabu. Muñeˈe li kulob silob sakee, anoowan loon Buyinumabu Banabaabu bukaanimuu min ulob.

Bakaanelabu 28:25

Muñeˈe li kulako li kuyiisoo buko bayilaat kujamoo, Fool li alobiil kulimaku unke: — Buyinumabu Banabaabu bukonkooŋ nan bulobumuu situubawuul sihaan, li butum bata afulofetawu Esay!

Bakaanelabu 4:8

Fiyeel an Buyinumabu Banabaabu bumeeŋenumuu li aaniil: — Kunahaanake kata ésukayi, kuhaanake,

Bakaanelabu 6:10

Bale kuyilaat kuheek Ecen li kulim, mata lanaanaak álobum li bújallowabu ban Buyinumabu Banabaabu busenoomuu.

2 Kata Koolent 13:3

mata kama bukuluul huŋes jóomi li hó, wahawu wammuu li úhiisuul kaanaku Kilisita álobume lí ínje. Kilisita ágootowut li bukuluul, bale láhihhiis sembaasu soola li bukuluul.

1 Kata Tesalonik 2:13

Wahawu unwe foof újimuu áloli jikatut kasal Ateemit: nan jilobuulumuu Hulimahu hata Ateemit, li jijanten ho ban jiyabut ho loon hulim hata an, bale jiyayyab ho loon Hulim hata Ateemit, ban li mal̥egenamu Hulim hata Ateemit hoom, mata hunhu li bulok li bukuluul jáyinenumuu li Yéesu.

1 Fiyeel 1:12

Ateemit li áhiis kufulofetaku kaanaku hulimahu han aseniilumuu, inti boot li buko humumiil, bale boot li bukuluul. Hulimahu unhu ho bukanabuku kawaaleyemuu Hulimahu Hásuumaahu kulobewuulumuu muñeˈe. Kulobewuulob ho li búkaanum bata sembaasu sata Buyinumabu Banabaabu babilummuu li emitayi. Kumalakaabuku humumiil kufañeene min kuhaas hulimahu unhu.

2 Fiyeel 1:21

Li mal̥egenamu, bajut hulim han Ateemit álobume li an, habilumulo li húnongum hata ál̥ahukowan; bale li búlambenum bata Buyinumabu Banabaabu bukan kúlobummuu li kajaw kata Ateemit.