Máciya 10:19 - Jola-Kasa

¹⁹ Bale nan kommuu kujokuul kújowetum bata tilibinaalayi, jakum jiyinoo waa jommuu li jilob, mantee foof buu jommuu li jilob wo eeno. Kulimaku kan jommuu li jilob, fan jiyab ko yaan no.

Máciya 10:19 Referencias Cruzadas

Máciya 10:18

Fan kujokuul kújowetum hákil kunahaanabuku kata ésukayi li bata kúyiiyaku mata ínje íji, min jíbajum tó bútin min jilob múmbaam hákil bukanabuku, li hákil kákaanumutumuu li Ateemit balewool.

Máciya 6:25

— Mó mújimuu li eenuul: Jakum jiyinoo ŋáa’ mata buloŋabu booluul. Jakum jiyinoo ŋáa’ waa jóomi li jitiñ, li waa jommuu li jihob. Jakum foof jiyinoo mata eniilaayi yooluul, min joon waa jóomi li jikoko. Inti buloŋ lahaŋe hutiñ? Eñiil, inti lahaŋe búkoko?

Máciya 6:31

Mo emmuu jakum jiyina min jinaak joon: “Waa lootaale utiñaal? Waa lootaale uhobaal? Waa lootaale ukokowaal?”

Máciya 6:34

Jakum jiyinoo ŋáa’ yata kajom, mata kajom fan jibaj uyinoo wakee. Hunakoohunak sílaam ho sifite.

Hulimahu Hásuumaahu loon Lík akiic homuu 12:11

«Nan kommuu kújowetumuul boot batiib li siluufasu sata kal̥awaku, mantee bata kuseefaku, mantee bata kunahaanaku kata ésukayi, jakum jiyinoo min jóotimuu jijow jicahenoolo. Jakum jiyinoo foof wáa jóomi li jilob.

Hulimahu Hásuumaahu loon Lík akiic homuu 12:12

Mata Buyinumabu Banabaabu fan busenuul yaan no unnu, kulim kacole kan jóotimuu jilob.»

Bakaanelabu 6:10

Bale kuyilaat kuheek Ecen li kulim, mata lanaanaak álobum li bújallowabu ban Buyinumabu Banabaabu busenoomuu.

Kata Fílib 4:6

Jakum jiyina wahoowah, bale li wahoowah feh, jíjowum li kal̥aw, li kayaakoo li kasal ló, min jíhiis Ateemit wahawu wan jokuulumuu li wo.

2 Tímote 4:17

Bale Amaaŋenawu okila abetutom búsol, lalitenonliten, min jíwom li iyili iwaale hulimahu hoola, ban li ikaan ho kaletumuu kusuwif feh kalako tomuu kujam. Li butum éŋaŋ láfakenumulom!

Saak 1:5

Bale nokoomuu loon, akee li bukuluul abajut bújallo, laate al̥aw Ateemit min asenool bo. Ban al̥awoolumuu bújallowabu, fan asenool bo li buyinum básuume, mata Ateemit átaleneliit an átowum asenool wah.