Maak 6:20 - Jola-Kasa

²⁰ Li mal̥egenamu, Elod lákolikoli Saŋ, ban lahaase aan Saŋ lakankaan an acole ban li anab. Okila humumool anaake afooy Saŋ. Nanoonan nan Elod ajantene kulimaku kata Saŋ Batiis, buyinumool li búguul̥oo. Bale li anaak ajantenool li ésuumansuum ló.

Maak 6:20 Referencias Cruzadas

Máciya 14:5

Elod li afañeen min amuk Saŋ, bale li ákoli ésukayi, mata bukanabuku kujoojok Saŋ loon afulofet.

Máciya 21:26

Bale oonaamuu, «Bukan kusenool ko», lootaale úkoliyaal búsukabu, mata foofiil feh kujoojok Saŋ loon afulofet.

Maak 11:18

Muñeˈe nan huhaanaahu hata élambaayi li kaliikenemuu ésukayi eluwaayi yata Móyiis kujamumuu loon muñaˈa, li kulako huŋes bútin mantee li kumuk Yéesu. Bale li mal̥egenamu kúkolikoli Yéesu, mata baliikenelabu boola bugoggo’ búsukabu feh ŋáa’.

Maak 4:16

Li manolamu, bukanabuku kanokoomuu li etaam yata bagisa, buko kommuu bukanabuku kajamemuu Hulimahu Hásuumaahu, li kuyaan kuyab ho li ésuumansuum ló.

Hulimahu Hásuumaahu loon Saŋ akiic homuu 5:35

Saŋ lanokoonokoo loon ehiitum yayabeni min ewuŋen, ban bukuluul li jifañ min jilako li ésuumansuum jatit li mawuŋaamu mata yo.

Bakaanelabu 2:12

Búsukabu feh li busego ŋáa’, ban buhaasut min boote buyinoo to. Muñeˈe bukanabuku li kunaak kugel̥l̥enoo koon: — Kama file wahawu unwu waa ufañe ulob?

Bakaanelabu 5:24

Nan anahaanawu ata kufooyaabuku kata Eluufayi yata Ateemit li kunahaanaku kata élambaayi, kujamumuu kulimaku unku, kuhaasut buu kóomi li kuyinoo eeno mata kufootalaku. Li kunaak kugel̥l̥enoo waa ubaje.