Maak 3:10 - Jola-Kasa

¹⁰ Emmuu Yéesu lafakenfaken bukan kameeŋe, bukanabuku feh kásomutumuu li kulako buñuññoo mantee li kugolool.

Maak 3:10 Referencias Cruzadas

Máciya 12:15

Bale nan Yéesu ahaasumuu aan Kufaaliisiyeŋaku kufanfañ min kumukool, li ayinno tan alakomuu. Bukan kameeŋe li kunab li akila. Li afaken kásomutumuu feh.

Máciya 14:14

Nan Yéesu áwalowulumuu li busaanaabu, li ajuk búsuk báamak, li áyiyen min afaken kásomutumuu li buko.

Máciya 14:36

Li kuyaakoo Yéesu mantee li akat kásomutumuu min kugo’ kabeyaku bale kata kañaku koola. Mal̥egen kago’ komuu feh li kufak.

Máciya 4:23

Yéesu li ajow tanootan li etaamayi feh yata Gálile, min anaak aliiken bukanabuku Hulimahu hata Ateemit li siluufasu sata kal̥awaku sata Kusuwifaku. Li anaak awaale Hulimahu Hásuumaahu hata Jáyiiyaju. Li afaken bukanabuku kásomutumuu li úsomutawu feh wajokiilumuu, li jilumaju jooliil feh.

Maak 5:34

Yéesu li aanool: — Añoolom, káyinenaku kooli kufakeni. Ujow li kásuumaay ban li ufak li kásomutaku kooli.

Maak 6:56

Tanootan tan Yéesu anokene, lako li básukabu batitabu, mantee li sísukasu sáamakasu, mantee foof li sitoolasu, bukanabuku li kuŋa’ kásomutumuu kukaan li waayeenawu min kuyaakoolool mantee li akatiil min kugo’ kabeyaku bale kata kañaku koola. Mal̥egen kago’ komuu feh li kufak.

Maak 8:22

Muñeˈe Yéesu li kúgoomaku koola li kujow boot li ésukayi yan koonemuu Betisayida. Nan kúliiŋ bomuu, bukan li kúŋalul Yéesu ánayine áfuume, ban li kuyaakoolool mantee li ago’ ánayinaawu áfuumumu.

Hulimahu Hásuumaahu loon Lík akiic homuu 5:3

Li ájufo li bakee li usaanaawu, li lako bata Simoŋ. Li aan Simoŋ: — Uween bo búloyi jakee katantaku. Yéesu li abah li busaanaabu min alako kaliiken búsukabu Hulimahu hata Ateemit.

Hulimahu Hásuumaahu loon Lík akiic homuu 6:19

Muñeˈe ésukayi feh li elako huŋes boot min ego Yéesu, mata sembe sinaake sífulumul li okila sanaake sifakeniil feh.

Hulimahu Hásuumaahu loon Lík akiic homuu 7:2

Li baj Káfeenawum anahaan ata kusollaali kata Lom abaje aloka an ábooliye ŋáa’. Alokaawu li ásomut boot eket.

Hulimahu Hásuumaahu loon Lík akiic homuu 7:21

Yaan no unnu, Yéesu li afaken bukan kameeŋe li úsomutawu wooliil, li jilumaju jooliil. Li afaken bukan kan uyinum wajakut újufoye, ban li akaan bukan kameeŋe káfuume kujuk.

Bakaanelabu 5:15

Bukanabuku li kunaak kútebul kásomutumuu boot li útinawu. Kúliiŋul li kukaaniil kuhinto li ukal̥ li ufeek, bájum Fiyeel ájowum tómuu, élingaayi yoola bale li eyili ego kukee li buko.

Eébulo 12:6

Mata Amaaŋenawu lacolenecolen an an ábooliye, Li atek an an ajoke loon añoolool.»