Maak 12:29 - Jola-Kasa

²⁹ Yéesu li aanool: — Eluwaayi yátinaalayi yo yommuu inye: «Isilayeel, ujanten! Amaaŋenawu Ateemit oololaal, akila bale ammuu Amaaŋen.

Maak 12:29 Referencias Cruzadas

Máciya 10:37

«An afañumuu atuubawool mantee jaawool haŋ min afañommuu, áliiŋut min aani úmbaam. An li abil afañ añoolool áyine mantee añoolool aale haŋ min afañommuu, áliiŋut min aani úmbaam.

Máciya 23:9

Ban jakum jihooñ an baabe li etaamaye, «Atúubawoli.» Mata atuuba ano bale jibaje ammuu li emitayi.

Hulimahu Hásuumaahu loon Lík akiic homuu 10:27

Anáyinaawu li aan Yéesu: — «Loote ufañ Amaaŋenawu Ateemit ooli li buyinumi feh, li yaali feh, li sembeyi feh, li kayinooli feh. Ban foof loote ufañ afaali an loon awu humumi ufañoolomuu.»

Kata Lom 3:30

Li mal̥egenamu, Ateemit ano bale abaje. Okila ammuu li akaan kusuwifaku kulako bukan kacole hákilool, humum hata káyinenaku kooliil, li akaan foof bukanabuku kaletumuu kusuwif kulako bukan kacole hákilool, humum hata káyinenaku kooliil.

1 Kata Koolent 8:4

Muñeˈe mata bútokoñabu bata eliwayi yata sínuukuleŋasu sasilayimuu kuteemit kalet mal̥egen, luhaasaale kaanaku kuteemitaku kaletumuu mal̥egen kulet wah wata mal̥egen li adunaayi inye, ban Ateemit ano bale abaje.

Kata Galasi 3:20

Mo emmuu, nan Ateemit asenumuu eluwaayi bukanabuku, li Móyiis lájowume, bale nan alobumuu kasen wah Abulaham, akila humumool ajoke min asenool wo. Ajówumut li akee.

1 Tímote 1:5

Wahawu wájimuu li ilobi loon muñaˈa wo wommuu min baj húbooli habilumulo li buyinum bajake, buyinum babahe li káyinen kata mal̥egen.

1 Tímote 2:5

Li mal̥egenamu, Ateemit ano bale abaje, ban foof an ano bale li áami li tutoo Ateemit li bukanabuku. Anawu ummu okila ammuu Yéesu Kilisita,

Saak 2:19

Inti lúyinenyinen kaanaku Ateemit ano bale abaje? Lukooŋe. Bale uhaas oon uyinumawu wajakutumuu foof úyinenyinen kaanaku Ateemit ano bale abaje, ban li unaak uteelen.

Eleetalayi yan Súd akiicumuu 1:25

Máyiineniyamu li húyiiyetowahu, sembaasu li huhaanaahu, wahawu unwu feh ujow ulako li Ateemit anolawu, áfakenumolaamuu li Yéesu Kilisita ammuu Amaaŋenawu.