Maak 10:18 - Jola-Kasa

¹⁸ Yéesu li agel̥l̥enool aanool: — Wáa újiye li uhooñom anahaan ajake? Bajut an ajake, Ateemit bale ajake.

Maak 10:18 Referencias Cruzadas

Máciya 19:17

Yéesu li aanool: — Wáa újiye li ugel̥l̥enom mata wah wajake? An ano bale ajake. Ufañumuu min unoken li buloŋabu bábaneliitumuu, ukaan loon eluwaayi yata Móyiis elobumuu.

Maak 10:17

Muñeˈe Yéesu li alako li ajow, ánayine akee li áteyul áliiŋul li ákuntuŋ hákilool min agel̥l̥enool aanool: — Anahaan ajake, waa leete ikaan min ibaj buloŋabu bábaneliitumuu?

Maak 10:19

Luhaase kulimaku kan eluwaayi yata Móyiis elobumuu: «Jakum umuk an. Jakum uhinto li anaale mantee li ánayine alet ooli. Jakum úkuwet. Jakum úmal uya li an. Jakum ukaan an súumaatiwool. Uluuken atuubayi li jaawi.»

Hulimahu Hásuumaahu loon Lík akiic homuu 18:19

Yéesu li aanool: — Wáa újiye li uhooñom anahaan ajake? Bajut an ajake, Ateemit balewool ajake.

Kata Lom 3:12

Bukanabuku feh kubeebet búsol Ateemit, buko foofiil feh kújoseejoset. Bajut an li buko akaane majake, maayeet ano.

Saak 1:17

Mata busuuhen bajake li káji kanabe li emitayi ubilumule. Bata Ateemit Atuubaawu úwalowumulo, an emmuu mawuŋe manooman li akila mubilumulo. Ateemit akila anolawu boot nanoonan, ban élim elet li akila mata ábutooleliit.

1 Saŋ 4:16

Ban ololaal luhaasaahaas húbooliyahu han Ateemit abajumuu li ololaal, ban lúyinenaayinen lí hó. Ateemit húbooli laam. An áamimuu nanoonan li húbooliyahu, anawu ummu, ummu nanoonan li Ateemit ban Ateemit ummu nanoonan li akila foof.

1 Saŋ 4:8

An abajutumuu húbooli, ahaasut Ateemit mata Ateemit húbooli laam.