Maak 10:17 - Jola-Kasa

¹⁷ Muñeˈe Yéesu li alako li ajow, ánayine akee li áteyul áliiŋul li ákuntuŋ hákilool min agel̥l̥enool aanool: — Anahaan ajake, waa leete ikaan min ibaj buloŋabu bábaneliitumuu?

Maak 10:17 Referencias Cruzadas

Máciya 17:14

Nan Yéesu li kúgoomaku kúhaajiyaku kúlaañulumuu boot ban búsukabu bulakomuu, ánayine akee li ákoojul Yéesu, ban li ákuntuŋ hákilool min aanool:

Máciya 25:34

Banumuu, áyiiyawu fan aan bukanabuku kammuu kulako kaŋenool káli: «Jibil, bukuluul jan Atuubawom ásooniyenumuu. Jiŋa’ jáyiiyaju jan akaanumuu boot li bukuluul, yaan no nan ajuul̥umuu adunaayi, jitowo.

Máciya 28:8

Mal̥egen kanaalaabuku li kúfulul li huyaakahu li esommen li ekole ló, bale foof li ésuumahukow yáamak, kutey kujow kulob kúhebenaku kúgoomaku kata Yéesu.

Maak 1:40

Muñeˈe ánayine an háhaayee ejoke, li abil akooj Yéesu min ákuntuŋ hákilool min ayaakoolool aanool: — Ufañumuu, luyilo ufakenom li kásomutaku kúmbaam.

Maak 10:18

Yéesu li agel̥l̥enool aanool: — Wáa újiye li uhooñom anahaan ajake? Bajut an ajake, Ateemit bale ajake.

Maak 12:14

Mal̥egen li kujow kúliiŋ, li koon Yéesu: — Anahaan, jihaase joon awu an alobe mal̥egen, ban úkoliwut anoowan mata újukeleliit li buul. Ban luliikeneliiken bukanabuku li mal̥egen buu kommuu li kunaak kuloŋ loon Ateemit afañumuu. Ulóboli, mantee Eluwaayi yata Móyiis yonsoon lootaale uhalaal búhalabu bahaleyimuu áyiiyawu áamakawu Sesaal, mantee a’aa’? Mantee lootaale usenaal búhalabu, mantee ootutaal usenaal bo?

Maak 9:25

Nan Yéesu ajukumuu búsukabu li búteyoolul, li anuuloo buyinumabu bajakutumuu aan bo: — Buyinumabe bajakutumuu bájimuu añiilawu umme ayilaat alob, ayilaat foof ajam, úfu’ li akila ban jakum ulaañen újufowool!

Hulimahu Hásuumaahu loon Lík akiic homuu 10:25

Muñeˈe akee li kaliikenemuu ésukayi eluwaayi ésukayi eluwaayi yata Móyiis li ayito agel̥l̥en Yéesu, kagel̥l̥en kata kabuutoolool, aanool: — Anahaan, waa léemi li ikaan min ibaj buloŋabu bábaneliitumuu?

Hulimahu Hásuumaahu loon Saŋ akiic homuu 3:2

Li líiŋ hanak hukee, li abil li huk ajuk Yéesu min aanool: — Anahaan, jihaase joon Ateemit áboñuli boot káliikenoli Hulimahu hoola. Mata bajut an ayilo akaan búhiisenumabu umbu bájaahaleni muñowu ban ukaanemuu, Ateemit balet li akila.

Hulimahu Hásuumaahu loon Saŋ akiic homuu 5:39

Bukuluul fan jinaak jígituloo Bakiicelabu min jiliiken bo jak, mata jiyinooyinoo li joon fan jíbajum li bo buloŋabu bábaneliitumuu. Ban Bakiicelabu umbu humum bo, múmbaam bulobe!

Hulimahu Hásuumaahu loon Saŋ akiic homuu 6:40

Húnongumahu hata Atuubawom ho hommuu unhe: anoowan ammuu li ajuk Añiilawu ban li áyinen li akila, fan abaj buloŋabu bábaneliitumuu. Ban ínje fan iyitenulool li eketayi li hunakahu húbanumahu.

Bakaanelabu 16:30

Fúlum tó, li akaaniil kúfulul, ban li agel̥l̥eniil aaniil: — Kunahaan, buu leete ikaan min ifak?

Bakaanelabu 2:37

Nan bukanabuku kujamumuu kulimaku kan Fiyeel alobumuu, li goliil li uyinum ŋáa’. Muñeˈe li kugel̥l̥en Fiyeel li Kufootal kaabuku kooniil: — Kútuyoli, kama muñowu áloli boot min jikaan buu?

Bakaanelabu 20:32

«Ban muñeˈe boot min ikatuul li kuŋen kata Ateemit, li hulimahu hata kájiyaku koola. Ateemit layilo alitenuul ban li asenuul bútowaabu ban akat tomuu boot li bukanabuku feh kammuu koola.

Bakaanelabu 9:6

Bale uyito unoken li ésukayi. Fan kulobi wahawu wan óotimuu ukaan.

Kata Lom 2:7

Fan asen buloŋabu bábaneliitumuu bukanabuku kahankenumuu li kakaan majake, ban li kuŋes máyiineni, kasal li buloŋ bata boot nanoonan.

Kata Lom 6:23

Li mal̥egenamu, bacaamabu bata kahoofoolaku bo bommuu eketayi, bale kájiyaku kan Ateemit asenumuu montoŋ ko kommuu buloŋabu bábaneliitumuu li Yéesu Kilisita ammuu Amaaŋenawu oololaal.

Kata Efées 1:18

Lil̥awe mantee Ateemit li ahiiten uyinumawu wooluul, min jínaanum húkangumahu han asenuulumuu nan ahooñuulumuu, ban li jíhaasum tó foof buu wahawu wan Ateemit alobumuu kasen bukanabuku koola, utiinenimuu eeno.

Eleetalayi yan Fool akiicumuu Tit 3:7

Ateemit lakankaan mo, bájum li ujokaali bukan kacole humum hata kájiyaku koola, min buloŋabu bábaneliitumuu ban úkangumaamuu li bo bulako boololaal.

Eébulo 1:14

Kama inti kumalakaaku uyinum koom wáami li bulok boot li Ateemit? Inti Ateemit laboñeboñ kumalakaaku kujow kulamben bukanabuku káatimuu kuyab kafakaku kutowo?

1 Fiyeel 1:4

min ukobaal wahawu wajakaawu wayilaatumuu ukajen, uyilaat usiko, ban majakamu mata wo muyilaat mújim, wan Ateemit ahahenumuu li emitayi boot li bukuluul.

1 Saŋ 2:25

Ban wahawu wan Kilisita alobumuu kasenolaal, wo wommuu buloŋ bábaneliit.