Maak 1:39 - Jola-Kasa

³⁹ Mal̥egen Yéesu li ajow tanootan li etaamayi feh yata Gálile, min anaak awaale bo Hulimahu Hásuumaahu li siluufasu feh sata kal̥awaku sata halaabahu unhu, ban li akesoo uyinumawu wajakutumuu úfu’ li bukanabuku kan újufomuu.

Maak 1:39 Referencias Cruzadas

Máciya 4:23

Yéesu li ajow tanootan li etaamayi feh yata Gálile, min anaak aliiken bukanabuku Hulimahu hata Ateemit li siluufasu sata kal̥awaku sata Kusuwifaku. Li anaak awaale Hulimahu Hásuumaahu hata Jáyiiyaju. Li afaken bukanabuku kásomutumuu li úsomutawu feh wajokiilumuu, li jilumaju jooliil feh.

Máciya 9:35

Yéesu li anaak añaahoo li sísukasu feh, min anaak aliiken bukanabuku li siluufasu sata kal̥awaku. Li afaken kásomut kanookan, li jilum janoojan li ésukayi.

Maak 1:21

Muñeˈe Yéesu li kúgoomaku, min alako ló kaliiken bukanabuku Hulimahu hata Ateemit.

Maak 1:23

Muñeˈe li baj híndo eluufayi yata kal̥awaku ánayine an buyinum bajakut bújufowe, anaake akaaw butiya aan:

Maak 1:38

Bale Yéesu li aaniil: — Ujowaal boot bakee, li sísukasu sakoojumuu, bájum li iwaale bo foof Hulimahu Hásuumaahu. Li mal̥egenamu, wahawu unwu újimuu li ibil.

Maak 3:1

Nan fúlum tómuu, Yéesu li alaañen ajow boot li eluufayi yata kal̥awaku. Muñeˈe li baj dó ánayine ata kaŋen kakete.

Maak 6:6

Yéesu li asego mata buu kúyinenutumuu li akila. Fúlum tó, Yéesu li añaahoo li básukabu feh bakoojumuu, min aliiken bo bukanabuku Hulimahu hata Ateemit.

Maak 7:30

Muñeˈe nan anaalaawu ábalomuu áliiŋ, li atook jísungutaaju mahintowe li elalayi, buyinumabu bajakutumuu bo báfule li akila.

Hulimahu Hásuumaahu loon Lík akiic homuu 4:41

Uyinum wajakut li úfu’ foof li bukan kameeŋe kan újufoyeenumuu. Li unaak ukaaw, wo li káfulaku woon: — Awu ommuu Añiilawu ata Ateemit! Bale Yéesu li anuuloo wo ban akatut wo min ulob, mata wo uhaase woon okila ammuu Afakenaawu.