Maak 1:35 - Jola-Kasa

³⁵ Li líiŋ hunak hukaten li bújom bíb, to baloŋe li timooc, Yéesu li ayito min áfu’ li eluufayi ajow boot tan wayitowe boot kal̥aw Ateemit.

Maak 1:35 Referencias Cruzadas

Máciya 14:13

Nan Yéesu ajamumuu wahawu wabajumuu Saŋ Batiis, li aŋa’ busaana min ayinno tan alakomuu ajow balewool boot ban wayitowe. Bale nan búsukabu bujamumuu, li búfulumul li sísukasu, bujow koot bunabenool.

Máciya 14:23

Nan Yéesu alobumuu búsukabu min buyiisoo aban, li aŋito li huyuuy ajow al̥aw ló balewool. Banakabu li bujon, akila buloŋe ló liwoonool.

Maak 1:36

Muñeˈe Simoŋ li bukanabuku kan kunaboomuu, li kujow huŋes Yéesu.

Hulimahu Hásuumaahu loon Lík akiic homuu 5:16

Bale Yéesu li añako ajow alako ban wayitowe min al̥aw.

Hulimahu Hásuumaahu loon Lík akiic homuu 6:12

No unnu, Yéesu li ajow aŋito li huyuuy boot kal̥aw, ban li alako bo ehukaayi feh kal̥aw Ateemit.

Hulimahu Hásuumaahu loon Saŋ akiic homuu 4:34

Yéesu li aaniil: — Mutiñaayamu múmbaam mo mommuu kakaan wahawu wan anawu áboñulommuu afañumuu, ban li ihabel bulokabu ban asenommuu kakaan.

Hulimahu Hásuumaahu loon Saŋ akiic homuu 6:15

Bale nan Yéesu ahaasumuu aan boot min kubil kujokool kukaan áyii, li alaañen añako ajow balewool boot li huyuuyahu.

Kata Efées 6:18

Jil̥aw nanoonan li búlambenum bata Buyinumabu Banabaabu. Jil̥aw Ateemit min alambenuul li wahoowah feh. Jíkaanum min jijooŋoo to li kal̥awaku, ban li jinaak jil̥aw boot li bukanabuku feh kata Ateemit.

Kata Fílib 2:5

Jiloŋ li tutooluul loon bukan káyinene li Yéesu Kilisita kuloŋemuu:

Eébulo 5:7

Nan Yéesu alakomuu li buloŋ baabe li etaam, lanaanaak al̥aw ban li ayaakoo Ateemit li sikaaw butiya li muhuu ló. Lakankaan mo mata Ateemit ayiliyeenumuu afakenool li eketayi. Ateemit li ayab kal̥awaku kata Yéesu mata látuulootuul.