Hulimahu Hásuumaahu loon Lík akiic homuu 8:44 - Jola-Kasa

⁴⁴ Anaalaawu li álohul Yéesu kata búsol min ago’ kabeyaku kata kañaku koola. Huñaahu hoola li huyaan huban to.

Hulimahu Hásuumaahu loon Lík akiic homuu 8:44 Referencias Cruzadas

Máciya 20:34

Yéesu li áyiyeniil ŋáa’. Li ago’ kúkilaku kooliil, li kuyaan kujuk ban li kunab li akila.

Máciya 8:3

Yéesu li atooken kaŋenool agolool, aban li aanool: — Lifañe. Ufak. Anáyinaawu ata háhaayeeyayi li ayaan afak.

Máciya 9:20

Li baj anaale áfululo huña ban afosowut ho jow baj simit soono kuŋen li síl̥uba. Anaalaawu li abilumul kata búsol Yéesu, min ago’ kabeyaku kata kañaku koola.

Maak 6:56

Tanootan tan Yéesu anokene, lako li básukabu batitabu, mantee li sísukasu sáamakasu, mantee foof li sitoolasu, bukanabuku li kuŋa’ kásomutumuu kukaan li waayeenawu min kuyaakoolool mantee li akatiil min kugo’ kabeyaku bale kata kañaku koola. Mal̥egen kago’ komuu feh li kufak.

Hulimahu Hásuumaahu loon Lík akiic homuu 13:13

Muñeˈe Yéesu li aŋa’ kuŋenool awalen li anaalaawu, li ayaan ál̥aalulo acol min alako kasal Ateemit.

Hulimahu Hásuumaahu loon Lík akiic homuu 7:38

Nan áliiŋulumuu, li alako kata búsol Yéesu, bata kootool. Li alako jíl̥ok, min anaak aŋa’ muhuuwamu moola min anecen kootaku kata Yéesu, ban li aŋa’ walawu woola min átil̥ kó. Li anaak áfoon kó, ban li áyu lí kó eheeñayi.

Hulimahu Hásuumaahu loon Lík akiic homuu 8:43

Muñeˈe li baj to anaale akee áfululo huña ban afosowut ho jow baj simit soono kuŋen li síl̥uba. Anaalaawu li aban wahool feh bata kubuntenaabuku, bale an li buko ayilaatool afaken.

Hulimahu Hásuumaahu loon Lík akiic homuu 8:45

Muñeˈe Yéesu li agel̥l̥en aan: — Ayimaa agolom? Bukanabuku feh li koon inti buko. Fiyeel li aan Yéesu: — Anahaan, lujuke buu búsukabu búwooñenimuu, ban li bunaak buñuññuli.

Hulimahu Hásuumaahu loon Saŋ akiic homuu 5:13

Bale ánayinaawu an kufakenumuu ahaasut anawu afakenoomuu, mata Yéesu lanokennoken li búsukabu balako tomuu min ájim ló.

Bakaanelabu 19:12

Mó lí múji bukanabuku li kunaak kuŋa’ kumusuwaal mantee foof kufalen kata sileesa kagole eniilayi yata Fool, kujow kukaan li kúsontaaku kooliil, li kufak ban uyinumawu wajakutaawu li úfu’ li buko.

Bakaanelabu 5:15

Bukanabuku li kunaak kútebul kásomutumuu boot li útinawu. Kúliiŋul li kukaaniil kuhinto li ukal̥ li ufeek, bájum Fiyeel ájowum tómuu, élingaayi yoola bale li eyili ego kukee li buko.