Hulimahu Hásuumaahu loon Lík akiic homuu 8:43 - Jola-Kasa

⁴³ Muñeˈe li baj to anaale akee áfululo huña ban afosowut ho jow baj simit soono kuŋen li síl̥uba. Anaalaawu li aban wahool feh bata kubuntenaabuku, bale an li buko ayilaatool afaken.

Hulimahu Hásuumaahu loon Lík akiic homuu 8:43 Referencias Cruzadas

Maak 12:44

Mata kaabuku feh kusensen sídalamasu sawuuhumuu li buko. Bale akila, maayeet min agayimuu ŋáa’, li asen wahawu feh wan ahine abajumuu boot li buloŋool.

Maak 9:18

Tanootan tan buyinumabu bajakutumuu bommuu bujok añiilawu, fan bubetool li etaam. Butumabu boola fan buhoohet, ban li anaak akilititen úŋiiŋawu woola. Eniilayi yoola fan esay. Liyakooyakoo kúgoomaku kooli mantee li kukesoo buyinumabu umbu bajakutumuu búfu’ li akila, bale kuyilaat.

Hulimahu Hásuumaahu loon Lík akiic homuu 13:11

Li baj ló anaale an buyinum bajakut bújufoye min bukaanool ásomut simit kaat li síhaaji. Buyinumabu bajakutumu li bukaan anaalaawu ákujo ban ayilaat ál̥aalulo.

Hulimahu Hásuumaahu loon Lík akiic homuu 13:16

Ban anaalaawu umme, aanomuu bubukoolum bata Abulaham, ban Sayitaane li ajokool ajenk simit kaat li síhaaji, waa aateenut afakeni li hunakahu hata húyiiyaay?

Hulimahu Hásuumaahu loon Lík akiic homuu 8:27

Nan Yéesu áwalowumulomuu li busaanaabu, ánayine akee áfulumulo li ésukayi, an uyinum wajakut újufoye li abil kufam. Fiyofiyo ŋáa’ nan ánayinaawu ummu akate kakaano wañ, ban akinut li eluuf, bale li ajow akin li kuyaak kawoki li kugisa.

Hulimahu Hásuumaahu loon Lík akiic homuu 8:42

Mata lababbaj jiñiil jano jaale, jayilo jibaj simit kuŋen li síl̥uba, jásomute boot eket. Nan Yéesu alakomuu ejowayi boot bata Jáyilis, búsukabu li bunaak buñuññool.

Hulimahu Hásuumaahu loon Lík akiic homuu 8:44

Anaalaawu li álohul Yéesu kata búsol min ago’ kabeyaku kata kañaku koola. Huñaahu hoola li huyaan huban to.

Hulimahu Hásuumaahu loon Saŋ akiic homuu 9:1

Yéesu li alako ejow, li ajuk ánayine abuki máfuume.

Hulimahu Hásuumaahu loon Saŋ akiic homuu 9:21

Bale jihaasut buu kaane muñeˈe li ajuk, ban jihaasut foof ayi akaanool min ajuk. Jigel̥l̥enool! Lakaane anahaan. Layilo okila humumool akitten mata húkowool!

Bakaanelabu 3:2

Muñeˈe li baj ánayine akee abobowe, anaake abah akooj kámbiilaku kata Eluufayi yata Ateemit kan koonemuu «Kámbii Kajake.» Anáyinaawu ummu kábilum nan abukimuu labobowe. Hunakoohunak li kútebul ánayinaawu abobomuu kujow kuwalen tin kámbiilaku, bánum li ayili al̥aw sídalam bukanabuku kanokenemuu li Eluufayi yata Ateemit.

Bakaanelabu 4:22

Simitasu sata ánayinaawu an kufakenumuu jáahaleni, sihaŋe kúyii kúl̥uba.