Hulimahu Hásuumaahu loon Lík akiic homuu 8:2 - Jola-Kasa

² li foof kanaale kakee kan akesoole uyinum wajakut úfu’ li buko, li kan afakene li úsomut: Mali aaneyimuu Mali Madala, an Yéesu akesoomuu uyinum wajakut woono hutok li úl̥uba úfu’ li okila.

Hulimahu Hásuumaahu loon Lík akiic homuu 8:2 Referencias Cruzadas

Máciya 4:24

Mó lí múji Yéesu li ajamo li etaamayi feh yata Siili. Muñeˈe li kunaak kúŋalulool bukan kata úsomut wanoowan, li jilum janoojan; bukan kan Sayitaane ájufoye, bukan katujowe, li kubob. Yéesu li afakeniil.

Maak 16:1

Muñeˈe nan húyiiyaayahu hata Kusuwifaku hubanumuu, Mali ata ésukayi yata Madala, li Salome, li Mali jaaw ata Saak, li kúnoomul éki’ yaciiŋowe bájum li kuŋa’ yo kujow kúki’ ehuluŋayi yata Yéesu.

Maak 16:9

[Muñeˈe li bújom bíb, nan Yéesu ayitowumulomuu li eketayi hunak hukaten húyiiyaayahu hata Kusuwifaku, li ajand áfu’ Mali ata ésukayi yata Madala. Okila Yéesu akesoomuu uyinumawu hutok li úl̥ubaawu wajakutumuu úfu’ li akila.

Hulimahu Hásuumaahu loon Lík akiic homuu 23:27

Búsuk báamak li bunab li Yéesu li foof kanaale kalakowe jíl̥ok li kanaake kul̥okoo mata Yéesu áji.

Hulimahu Hásuumaahu loon Lík akiic homuu 23:49

Kubuke Yéesu feh, li kanaalaaku kánabulumuu li okila fin to Gálile, li kulako lóyi min kunaak kujukelul wahawu wabajumuu.

Hulimahu Hásuumaahu loon Lík akiic homuu 23:55

Kanaalaabuku kánabulumuu li Yéesu li etaamayi yata Gálile, li kunab li Suseef min kujuk huyaakahu, li foof buu ehuluŋayi yata Yéesu ehinteni lómuu eeno.

Hulimahu Hásuumaahu loon Lík akiic homuu 8:30

Yéesu li agel̥l̥en ánayinaawu aanool: — Kajawi buu? Anáyinaawu li aanool: — Kajawom «Jameeŋ». Li mal̥egenamu, uyinum wajakut wameeŋe újufowool.

Hulimahu Hásuumaahu loon Saŋ akiic homuu 19:25

Bútefoo ekuluwaayi yata Yéesu, kayito tomuu buko kommuu, jaawool, atuy jaawool, Mali ammuu anaalaawu ata Kilewofaas, li Mali ata ésukayi yata Madala.

Bakaanelabu 1:14

Buko feh kunaanaak kujamoo min kuwoog boot kal̥aw, famen to kanaale kukee. Li kanaalaabuku umbuku Mali ammuu jaaw ata Yéesu to lalakowe, li kutuyaku foof kata Yéesu.