Hulimahu Hásuumaahu loon Lík akiic homuu 8:1 - Jola-Kasa

¹ Muñeˈe li fiyo jakee, Yéesu li ajow li sísukasu sáamakasu li básukabu batitabu, ajow ayiiŋen ban li awaale bo Hulimahu Hásuumaahu hata Jáyiiyaju jata Ateemit. Kúgoomaku koola kuŋen li kúl̥ubaabuku, li kunab li okila,

Hulimahu Hásuumaahu loon Lík akiic homuu 8:1 Referencias Cruzadas

Máciya 11:1

Nan Yéesu akittenumuu kulimaku unku kúgoomaku aban, li áfulum tó ajow aliiken bukanabuku mata Ateemit ban li awaale li sísukasu sata halaabahu unhu.

Máciya 13:19

An ajantenumuu Hulimahu Hásuumaahu hata Jáyiiyaju jata Ateemit ban ánaanumut ho, Sayitaane fan abil áfulen li buyinumabu bata anawu Hulimahu han ajamumuu. Anawu ummu, akila ammuu kagendenaku kata bútinabu tan sígulasu silomuu.

Máciya 4:23

Yéesu li ajow tanootan li etaamayi feh yata Gálile, min anaak aliiken bukanabuku Hulimahu hata Ateemit li siluufasu sata kal̥awaku sata Kusuwifaku. Li anaak awaale Hulimahu Hásuumaahu hata Jáyiiyaju. Li afaken bukanabuku kásomutumuu li úsomutawu feh wajokiilumuu, li jilumaju jooliil feh.

Máciya 9:35

Yéesu li anaak añaahoo li sísukasu feh, min anaak aliiken bukanabuku li siluufasu sata kal̥awaku. Li afaken kásomut kanookan, li jilum janoojan li ésukayi.

Maak 1:39

Mal̥egen Yéesu li ajow tanootan li etaamayi feh yata Gálile, min anaak awaale bo Hulimahu Hásuumaahu li siluufasu feh sata kal̥awaku sata halaabahu unhu, ban li akesoo uyinumawu wajakutumuu úfu’ li bukanabuku kan újufomuu.

Hulimahu Hásuumaahu loon Lík akiic homuu 1:80

Muñeˈe añiilawu Saŋ li ankoo li sembewool li buyinumool ló. Li ajow akin ban wayitomuu, boot yok hunakahu nan áfululumuu hákil ésukayi feh, min kata Isilayeel kuhaasool.

Hulimahu Hásuumaahu loon Lík akiic homuu 20:1

Li líiŋ hunak hakee, Yéesu li alako kaliiken ésukayi li eluufayi yata Ateemit li kawaale Hulimahu Hásuumaahu, huhaanaahu hata élambaayi li kaliikenemuu ésukayi eluwaayi ésukayi eluwaayi yata Móyiis, li kuyaan kúŋejul li kunahaanaku kata ésukayi ló.

Hulimahu Hásuumaahu loon Lík akiic homuu 4:18

«Buyinumabu Banabaabu bata Amaaŋenawu bumbu lí ínje, mata lal̥usonl̥us boot kawaale Hulimahu Hásuumaahu kusukateenabuku. Amaaŋenawu láboñulomboñul boot elob mata kafakenaku kata kajokimuu. Min íji káfuumumuu li kulaañ kujuk, boot kákotul kágootenimuu.

Hulimahu Hásuumaahu loon Lík akiic homuu 9:6

Mal̥egen kúgoomaku kata Yéesu li kuwuj. Li kujow li sísukasu feh min kuwaale Hulimahu Hásuumaahu, ban li kufaken banooban kásomutumuu.

Bakaanelabu 10:38

Jihaase buu Ateemit akaanumuu sembaasu sata Buyinumabu Banabaabu li Yéesu ata ésukayi yata Nasalet. Jihaase foof buu Yéesu ajowumuu tanootan li etaamayi inye, min anaak akaan majake, li afaken bukanabuku feh kan Sayitaane ájufomuu li buko, mata Ateemit li okila lalakowe.

Bakaanelabu 13:32

Olóli húmumoli jibiibil kalobuul Hulimahu unhu Hásuumaahu: wahawu wan Ateemit alobumuu kasen situubawolaal sihaan,

Kata Lom 10:15

Buu koote kuyili kuwaale moola, bukan baboñuti boot kawaale moola? Loon Bakiicelabu bulobumuu: «Mo kite súum nan bukanabuku kawaaleyemuu Hulimahu Hásuumaahu kúliiŋulemuu!»