Hulimahu Hásuumaahu loon Lík akiic homuu 7:40 - Jola-Kasa

⁴⁰ Yéesu li aŋa’ hulimahu, li aan afaaliisiyeŋawu: — Simoŋ, libaje wah wan éemi li ilobi. Afaaliisiyeŋawu li aanool: — Ulóbul, Anahaan.

Hulimahu Hásuumaahu loon Lík akiic homuu 7:40 Referencias Cruzadas

Máciya 26:49

Muñeˈe Sudaas li ayaan ajow boot tan Yéesu alakomuu, áliiŋ li aanool: — Lisaafi, Anahaan! Ban li agaabool.

Máciya 7:22

Li hunakahu hata batiibabu, bukan kameeŋe fan koonom: «Amaaŋen, Amaaŋen», kama inti li kajawaku kooli, jílobummu kulimaku kata Ateemit? Inti li kajawaku kooli, jíkesoolummuu uyinumawu wajakutaawu? Inti foof li kajawaku kooli, jíkaanummuu wah wájaahaleniye?

Hulimahu Hásuumaahu loon Lík akiic homuu 18:18

Muñeˈe anahaan akee ata Kusuwifaku li agel̥l̥en Yéesu aanool: — Anahaan ajake, waa leete ikaan min ibaj buloŋabu bábaneliitumuu?

Hulimahu Hásuumaahu loon Lík akiic homuu 5:22

Bale Yéesu li ahaas uyinoolawu wooliil, li aaniil: — Kama wáa újiye li jibaj uyinoolawu unwu?

Hulimahu Hásuumaahu loon Lík akiic homuu 5:31

Yéesu li aaniil: — Inti bukan kásomutut joke li abuntena, bale kásomutumuu joke li abuntena.

Hulimahu Hásuumaahu loon Lík akiic homuu 6:8

Bale Yéesu li ahaas uyinoolawu wooliil, li aan ánayinaawu ata kaŋenaku kaketumuu: — Uyito, ubil ulako taatu, hákil ésukayi feh. Mal̥egen ánayinaawu li ayitowul abil ayito to acol.

Hulimahu Hásuumaahu loon Lík akiic homuu 7:39

Nan afaaliisiyeŋawu ahooñumuu Yéesu boot boola, ajukumuu loon muñaˈa, li aan li buyinumool: «Anáyinaawu ummu alakoweenumuu li mal̥egen afulofet, fan ahaaseen anaalaawu ummu agolemuu loo, okila ammuu ayi. Fan ahaaseen aan laalu anaale ata buloŋ bajakut.»

Hulimahu Hásuumaahu loon Lík akiic homuu 7:41

Yéesu li aan: — Bile baj ánayine acaagene sídalam bukan kúl̥uba. Atínaalawu li aakenool sihanjal sata sídalam soono téemeel, ál̥ubutawu soono kúyii kúl̥uba li kuŋen.

Hulimahu Hásuumaahu loon Saŋ akiic homuu 13:13

Jihooñewonhooñ «Aliikena», li jihooñom foof «Anahaan», ban mal̥egen jikooŋe, mata ínje Aliikena, ínje Anahaan.

Hulimahu Hásuumaahu loon Saŋ akiic homuu 16:19

Yéesu li ahaas aan kúgoomaku kufanfañ min kugel̥l̥enool hulim, li aaniil: — Lilobuulob eenuul: «Muñeˈe let jilaañen jijukom, ban let fiyo li jilaañen jijukom.» Waa, kulimaku unku jigel̥l̥enoolemuu mata ko?

Hulimahu Hásuumaahu loon Saŋ akiic homuu 16:30

Muñeˈe jihaase joon awu luhaase wahawu feh, ban jokuti min an agel̥l̥eni wah. Mó mújimuu, jíyinene kaanaku li Ateemit lúfulumulo.

Hulimahu Hásuumaahu loon Saŋ akiic homuu 3:2

Li líiŋ hanak hukee, li abil li huk ajuk Yéesu min aanool: — Anahaan, jihaase joon Ateemit áboñuli boot káliikenoli Hulimahu hoola. Mata bajut an ayilo akaan búhiisenumabu umbu bájaahaleni muñowu ban ukaanemuu, Ateemit balet li akila.