Hulimahu Hásuumaahu loon Lík akiic homuu 7:39 - Jola-Kasa

³⁹ Nan afaaliisiyeŋawu ahooñumuu Yéesu boot boola, ajukumuu loon muñaˈa, li aan li buyinumool: «Anáyinaawu ummu alakoweenumuu li mal̥egen afulofet, fan ahaaseen anaalaawu ummu agolemuu loo, okila ammuu ayi. Fan ahaaseen aan laalu anaale ata buloŋ bajakut.»

Hulimahu Hásuumaahu loon Lík akiic homuu 7:39 Referencias Cruzadas

Máciya 20:16

Mó mújimuu bukanabuku kúsolaabuku fan kubil kulako kútinaa, min bukanabuku kútinaalabuku kulako kúsola.»

Máciya 21:11

Búsukabu banabumuu li akila li boon: — Laalu afulofetawu Yéesu. Nasalet láfummulo, li etaamayi yata Gálile.

Maak 7:21

Mata kata láala an, li buyinum bata an uyinoolawu wajakutaawu úfumulemuu, wata kahinten kanaale kalet kooliil, ékuwet, jamuk bukan,

Hulimahu Hásuumaahu loon Lík akiic homuu 12:17

Muñeˈe li abil ayinoo jow fit, li aan: «Kama file buu leete ikaan? Mata muñeˈe ibajut tan eete itah wahawu wan eenomuu li ícacul.»

Hulimahu Hásuumaahu loon Lík akiic homuu 15:2

Kufaaliisiyeŋaku li kaliikenemuu ésukayi eluwaayi ésukayi eluwaayi yata Móyiis súumutiil. Li kunaak koon: — Anáyinaawu ummu layabeyab jak kuhoofoola, ban li anaak atiñ dín dáno li buko.

Hulimahu Hásuumaahu loon Lík akiic homuu 16:3

Alokaawu li ayinoo li aan: «Anahaanawu úmbaam fan áfulenom li bulokabu búmbaam. Kama muñowu boot min ikaan buu? Ibajut sembe boot ewañ, ban fan isuu bajow kal̥aw.

Hulimahu Hásuumaahu loon Lík akiic homuu 18:4

Atiibaawu li afan anaak ahoy bakaan wahawu wan anaalaawu aloboolumuu jow fiyo, li aan li buyinumool: «Maayeet min íkoliwutumuu Ateemit ban isuuwut an,

Hulimahu Hásuumaahu loon Lík akiic homuu 3:8

Muñeˈe kama jikaan majake, min jíhiis kaanaku jibabbaj buloŋ buwunkul. Ban jakum jibuntoolo min joon: «Abulaham ammuu átuubawoli ahaan.» Mata fan ilobuul kaanaku Ateemit layilo áfunnumul li kuyitikaku unku bañiil bata Abulaham!

Hulimahu Hásuumaahu loon Lík akiic homuu 7:16

Bukanabuku kalako tomuu feh li kúkoli. Li kunaak kusal Ateemit koon: — Afulofet áamak láfululo li alolaal. Li koon foof: — Ateemit labile kalamben bukanool.

Hulimahu Hásuumaahu loon Lík akiic homuu 7:37

Li baj li ésukayi inyu anaale ata buloŋ bajakut. Nan ajamumuu kaanaku Yéesu ummu li hutiñ li eluufayi yata afaaliisiyeŋawu, li áŋalul ateefaay ajake mameeŋe eheeñ.

Hulimahu Hásuumaahu loon Lík akiic homuu 7:38

Nan áliiŋulumuu, li alako kata búsol Yéesu, bata kootool. Li alako jíl̥ok, min anaak aŋa’ muhuuwamu moola min anecen kootaku kata Yéesu, ban li aŋa’ walawu woola min átil̥ kó. Li anaak áfoon kó, ban li áyu lí kó eheeñayi.

Hulimahu Hásuumaahu loon Lík akiic homuu 7:40

Yéesu li aŋa’ hulimahu, li aan afaaliisiyeŋawu: — Simoŋ, libaje wah wan éemi li ilobi. Afaaliisiyeŋawu li aanool: — Ulóbul, Anahaan.

Hulimahu Hásuumaahu loon Saŋ akiic homuu 4:19

Muñeˈe anaalaawu li aan Yéesu: — Anahaan, lijuke een awu afulofet loom.

Hulimahu Hásuumaahu loon Saŋ akiic homuu 7:12

Búwonnoo báamak li bulako li búsukabu mata Yéesu. Kukee li koon: — Laalu an ajake. Kaabuku li koon: — Maayeet, kájimen ésukayi bale láami lí kó.

Hulimahu Hásuumaahu loon Saŋ akiic homuu 9:24

Kufaaliisiyeŋaku li kúhooñul búl̥ubut ánayinaawu áfuumeen nómuu, min koonool: — Ulob mal̥egen hákil Ateemit. Olóli jihaase joon ánayinaawu ummu ahoofoola.