Kata Lom 3:27 - Jola-Kasa

²⁷ Muñeˈe waa wommuu li úji bukanabuku li kunaak kusaloolo? Bajut, maayeet wano! Mata wáa úji? Mantee bakaaneliil boote bújiyiil li kulako bukan kacole hákil eluwaayi? Maayeet, bale min kúyinenumuu, mó mújiye.

Kata Lom 3:27 Referencias Cruzadas

Maak 16:16

An áyinenumuu li Hulimahu Hásuumaahu ban li ábatiiseyi, fan afak; bale an áyinenutumuu, fan ajow li sambun.

Hulimahu Hásuumaahu loon Saŋ akiic homuu 3:36

An áyinenumuu li Añiilawu, li abaj buloŋ babaneliit. Bale an ahoyumuu min áyinen li Añiilawu, let abaj buloŋabu umbu, bale fan alo li katekaku kata Ateemit.

Kata Lom 10:5

Kulimaku unke Móyiis akiicumuu min alob buu an ammuu ayili ájowum li eluwaayi min alako an acole: «An akaanumuu loon eluwaayi elobumuu fan áloŋum li yo.»

Kata Lom 11:6

Lal̥usiil̥us humum hata kájiyaku koola, let bakaanelabu booliil bújiye. Letumuu mo, kama kájiyaku kata Ateemit let kulako káji kata mal̥egen.

Kata Lom 2:17

Awu atebenoolowemuu mata min uhooñimuu asuwif, lusaloolowesaloolo mata min ommuu an ata Ateemit.

Kata Lom 2:23

Awu asaloolowemuu mata min ubajumuu eluwaayi, wáa újiye li unaak uhuusul yo min usuuwen Ateemit?

Kata Lom 3:19

Luhaasaale kaanaku wahawu wan eluwaayi elobumuu, elollob wo boot li bukanabuku kammuu li kuŋenaku kata eluwaayi, jakum bil an ayili álobul to mukee mantee li ukooŋ, min ésukayi ehaas kaanaku adunaayi foof yo feh etilentilen hákil Ateemit.

Kata Lom 3:26

nan alakomuu húmuñahu. Muñeˈe li taŋayi inye, Ateemit láhihhiis bukanabuku macolamu moola, min akila humumool akaan Ateemit acole, ban li akaan bukanabuku káyinenumuu li Yéesu Kilisita kulako bukan kacole.

Kata Lom 4:2

Nokoomuu loon Abulaham bakaanelool bújiye Ateemit li ajokool an acole, kama layilo asaloolo, bale inti hákil Ateemit.

Kata Lom 7:21

Muñeˈe to líhaasummuu eluwaayi inye: ínje afañumuu kakaan majake, wah wajakut bale liyilo ikaan.

Kata Lom 7:23

Bale lijuke kaanaku baje lí ínje eluwa yakee yatiiken eluwaayi yan buyinumabu búmbaam bufañumuu. Eluwaayi inyu ekaanonkaan ilako an an eluwaayi yata kahoofoolaku yammuu lí ínje, ejoke yooken.

Kata Lom 7:25

Ateemit ajow asali: li Yéesu Kilisita ammuu Amaaŋenawu oololaal. Muñowu léemummuu amiikeel ata eluwaayi yata Ateemit li buyinumom, ban li éemi amiikeel ata eluwaayi yata kahoofoolaku li eniilayi yúmbaam.

Kata Lom 8:2

Li mal̥egenamu, eluwaayi yata Buyinumabu Banabaabu yasenemuu buloŋ babilumulo li hujokoolahu hoololaal li Yéesu Kilisita, efakenolaafaken li kuŋen kata eluwaayi yata kahoofoolaku, li eketayi.

Kata Lom 9:11

Wahawu wáhiisumuu kaanaku bal̥usabu bata ano li bañiilabu bulakolako li mal̥egen húnongumahu hata Ateemit, wo wommuu Ateemit humumool lansaan Lobeka: «Añiilawu ahaanawu fan alako amiikeel ata ahaŋumuu mañiilo.» Ateemit lalollob kulimaku unku tówum kubuki, tówum kuyili kukaan majake mantee foof majakut. Min lako, Ateemit al̥usumuu bukan, let ajuke li wahawu wan bukanabuku umbuku kukaanumuu, bale fan ahooñiil naboo li húnongumahu hoola.

Kata Lom 9:31

Bale bukanabuku kata Isilayeel kalakomuu huŋes min kújowum li eluwaayi min kulako bukan kacole hákil Ateemit, kubilut kuyili kújowum lí yó min kulako bukan kacole.

Kata Lom 9:32

Wáa újimuu kuyilaat? Mata kusuwifaku kuyinoolut kaanaku macolamu ummu li káyinen muyilimuu mubilumul, min buko kuyinoo li koon kuyilo kulako bukan kacole humum hata bakaanelabu booliil. Li kujonten li huyitikahu hájiyiilumuu li kulo,

1 Kata Koolent 4:7

Kama ayimaa akaani uhaŋ kaabuku? Waa lubaje wan Ateemit asenuti? Ban nokoomuu loon wahawu wan ubajumuu kusenisen wo, wáa lí úji lí óoti uteben ubandi loon eenimuu wah wan kusenuti?

Kata Galasi 2:16

Ban luhaasaale oonaal, an káyinenool li Yéesu Kilisita bale kújimuu leeni lakankaan an acole hákil Ateemit, inti mata min ahankene min akaan loon eluwaayi yata Móyiis elobumuu. Mó mújimuu, alolaal foof lúyinenaayinen li Yéesu Kilisita bájum Ateemit li ajokolaal bukan kacole, mata káyinenaku koololaal li Kilisita kúji, bale inti mata min uhankenaale min ukaanaal loon eluwaayi inyu elobumuu. Li mal̥egenamu, bajut an aani lakankaan an acole hákil Ateemit, mata waa lahankenhanken min akaan loon eluwaayi elobumuu.

Kata Galasi 3:22

Bale Bakiicelabu bulollob kaanaku adunaayi foof yo feh amiikeel yoom ata kahoofoolaku. Wahawu unwu újimuu kájiyaku kan Ateemit alobumuu kasen, li kuseni káyinenumuu bale, humum hata min kúyinenumuu li Yéesu Kilisita.