Kata Lom 3:28 - Jola-Kasa

²⁸ Li mal̥egenamu, wahawu wan ujokaalumuu wo wommuu unwe: an káyinenool li Yéesu Kilisita kújiwoolumuu li alako an acole hákil Ateemit, bale let bakaanelool bacole bújiye.

Kata Lom 3:28 Referencias Cruzadas

Hulimahu Hásuumaahu loon Saŋ akiic homuu 5:24

«Li mal̥egenamu fan ilobuul: an ajantenumuu kulimaku kúmbaam, ban li áyinen li anawu áboñulommuu, li abaj buloŋ bábaneliit. Let abil atiibi, bale layaane áfulumul li eketayi boot li buloŋabu.

Hulimahu Hásuumaahu loon Saŋ akiic homuu 6:40

Húnongumahu hata Atuubawom ho hommuu unhe: anoowan ammuu li ajuk Añiilawu ban li áyinen li akila, fan abaj buloŋabu bábaneliitumuu. Ban ínje fan iyitenulool li eketayi li hunakahu húbanumahu.

Kata Lom 3:26

nan alakomuu húmuñahu. Muñeˈe li taŋayi inye, Ateemit láhihhiis bukanabuku macolamu moola, min akila humumool akaan Ateemit acole, ban li akaan bukanabuku káyinenumuu li Yéesu Kilisita kulako bukan kacole.

Kata Lom 4:5

Bale an akaanutumuu bulok banooban, min áyinen bale kaanaku Ateemit lakaanekaan ahoofoola alako an acole, anawu ummu Ateemit fan ajokool an acole humum hata káyinenaku koola.

Kata Lom 5:1

Emmuu Ateemit lajokolaajok bukan kacole hákilool humum hata káyinenaku koololaal, muñeˈe lubajaale hujamoo li akila habilumulo li Amaaŋenawu.

Kata Lom 8:3

Wahawu wan eluwaayi yata Móyiis eyilaatumuu ekaan, mata búgootowabu bata ál̥ahukowan búhihhi yo ébajum sembe, Ateemit lakankaan wo: láboñuuboñul Añoolool min aŋa’ bóono banokoole li bata ál̥ahukowan ammuu ahoofoola, ban li akaanool aket boot káfulen kahoofoolaku, min ájowum tó atek kahoofoolaku kammuu li bóonowabu bata ál̥ahukowan.

1 Kata Koolent 6:11

Ban muñowu kukee li bukuluul kunokoo nomuu. Bale Ateemit oololaal lafoffos kahoofoolaku unku áfulen li bukuluul, min akaanuul to boot li akila. Li akaanuul jilako bukan kacole li kajaw kata Amaaŋenawu li Buyinumabu boola.

Kata Galasi 2:16

Ban luhaasaale oonaal, an káyinenool li Yéesu Kilisita bale kújimuu leeni lakankaan an acole hákil Ateemit, inti mata min ahankene min akaan loon eluwaayi yata Móyiis elobumuu. Mó mújimuu, alolaal foof lúyinenaayinen li Yéesu Kilisita bájum Ateemit li ajokolaal bukan kacole, mata káyinenaku koololaal li Kilisita kúji, bale inti mata min uhankenaale min ukaanaal loon eluwaayi inyu elobumuu. Li mal̥egenamu, bajut an aani lakankaan an acole hákil Ateemit, mata waa lahankenhanken min akaan loon eluwaayi elobumuu.

Kata Galasi 3:24

Min lako eluwaayi efanfan elako afooyaawu oololaal boot yok nan Kilisita ammuu li abil, mantee káyinenaku koololaal li akila li kújiwolaal li ulakowaal bukan kacole hákil Ateemit.

Kata Galasi 3:8

Bakiicelabu bulollob búkibben kaanaku, Ateemit fan akaan bukanabuku kaletumuu kusuwif kulako bukan kacole humum hata káyinenaku kooliil. Mó mújimuu, li alob no Abulaham hulimahu unhe hásuumaahu: «Fan ísooniyenum li awu bukanabuku feh kammuu li etaamayi.»

Kata Efées 2:9

Let wah wan jikaane wajake újiwuul li jifak. Kama jakum an asaloolo.

Kata Fílib 3:9

min ibaj hujokoo li mal̥egen li akila. Muñeˈe ilaañut iyinoo li een likankaan an acole mata min ikaanemuu loon eluwaayi elobumuu. Li káyinenaku kúmbaam li Kilisita léemummuu an acole. Ateemit akaanemuu an acol, ban káyinenumuu lakaanemuu bukan kacole.

Eleetalayi yan Fool akiicumuu Tit 3:7

Ateemit lakankaan mo, bájum li ujokaali bukan kacole humum hata kájiyaku koola, min buloŋabu bábaneliitumuu ban úkangumaamuu li bo bulako boololaal.

Saak 2:18

Bale akee fan aan: «Awu lubaje káyinen, ínje li ibaj makaane majake. Muñeˈe kama úhiisom buu luyilo ubaj káyinen ko banaboolut li makaane majake, mín ínje íhiisi káyinenaku kúmbaam li makaanelom majake.»

Saak 2:20

Búbaamowabe! Waa, lufañe min uhaas oon káyinen kanaboolut li makaane majake, kubajut jáliŋ?

Saak 2:24

Muñeˈe jijuke, an li makaanelool majake láanumi lacoccol, inti li káyinenool bale.