Kata Lom 1:7 - Jola-Kasa

⁷ Likiiculuukiic bukuluul foofuul feh jammuu Lom, bukuluul jan Ateemit afañumuu ban li ahooñuul min jilako bukan koola. Ateemit Atuubawolaal li Amaaŋenawu oololaal Yéesu Kilisita, kujow kusenuul káji li kásuumaay.

Kata Lom 1:7 Referencias Cruzadas

Máciya 5:16

Muñaˈa foof jóotimuu jiwuŋen loon ehiitum hákil bukanabuku feh. Bájum li kujuk makaanelamu mooluul majakaamu, min kusal Atuubawuul ammuu haatiya.

Hulimahu Hásuumaahu loon Saŋ akiic homuu 20:17

Yéesu li aanool: — Jakum útukom ukat taate, mata ijowolut boot bata Atuubaawu. Bale ujow oon kutuyom, boot min ijow boot bata Atuubawom ammuu foof Atuubawuul, boot bata Ateemitawu úmbaam ammuu foof Ateemitawu ooluul.

Bakaanelabu 15:23

Muñeˈe li kukiic kulimaku unke kuseniil kújowetum: «Kufootalaku li kunahaanaku kata ejanguwayi, li kutuyuul kusaafuluul feh, bukuluul jammuu kutuyiil káfummulomuu li kákaanumutumuu li Ateemit balewool, kakinumuu Antiyok, li etaamayi yata Siili li yata Silisi.

Bakaanelabu 9:13

Ananiyaas li aan: — Amaaŋen, bukan kameeŋe kulobonlob mata ánayinaawu ummu. Kuhebonheb majakutamu feh man akaanumuu bukanabuku kooli kammuu Yeelusalem.

Kata Lom 1:6

Bukuluul foof jumbuku ló li bukanabuku umbuku, bukuluul jan Ateemit ahooñumuu boot min jilako bukan kata Yéesu Kilisita.

Kata Lom 5:1

Emmuu Ateemit lajokolaajok bukan kacole hákilool humum hata káyinenaku koololaal, muñeˈe lubajaale hujamoo li akila habilumulo li Amaaŋenawu.

Kata Lom 5:5

Kákangumaku kúkaaneliit an áyeko, mata Ateemit li Buyinumabu Banabaabu ban asenolaamuu, lákaanummuu húbooliyahu hoola li uyinumawu woololaal.

Kata Lom 8:28

Luhaasaale foof oonaal wahoowah feh wabaje, ubabbaj boot li majakaamu mata bukanabuku kafañumuu Ateemit, bukanabuku kan ahooñumuu naboo li húnongumahu hoola.

Kata Lom 8:39

let sata wahawu wammuu haatiya, let foof sata wammuu li etaam, let búwuwenum banooban. Wahawu unwumaa feh uyilaat úgaatuloololaal li húbooliyahu hata Ateemit, han áhiisummuu li Yéesu Kilisita ammuu Amaaŋenawu oololaal.

Kata Lom 9:25

Wahawu unwu Ateemit alobumuu li éliibalayi yata afulofetawu Oóse kaanaku: «Bukanabuku kaletumuu kúmbaam, fan ihooñiil bukanom, ehet yan ifañeenut, fan ihooñ yo ehet yan íbooliye ŋáa’.

1 Kata Koolent 1:24

Bale bukanabuku kan Ateemit ahooñumuu, lako Kusuwif mantee foof kaletumuu kusuwif, li buko Kilisita ammuu sembaasu sata Ateemit, ban li áami foof bújallowabu bata Ateemit.

1 Kata Koolent 16:23

Kájiyaku kata Amaaŋenawu Yéesu kujow kulako li bukuluul.

Kata Galasi 6:18

Kutuyom, kájiyaku kata Amaaŋenawu oololaal Yéesu Kilisita, kujow kulako li buyinumuul. Aameen.

Kata Efées 1:2

Ateemit Atuubawolaal li Amaaŋenawu Yéesu Kilisita kúsooniyenuul ban li kusenuul kásuumaay.

Kata Efées 6:23

Ateemit Atuubaawu li Amaaŋenawu Yéesu Kilisita, kujow kusen kutuyolaal feh kásuumaay, húbooli, li káyinen.

Kata Fílib 1:2

Ateemit Atuubawolaal li Amaaŋenawu Yéesu Kilisita kujow kusenuul káji ban li kukatuul kásuumaay.

Kata Fílib 4:13

liyilo ijokoo li wahoowah feh humum hata Kilisita asenewommuu sembe.

Kata Fílib 4:20

Kasalaku kujow kulako li Ateemit Atuubawolaal boot nanoonan. Aameen.

Kata Fílib 4:23

Kájiyaku kata Amaaŋenawu kujow kulako li bukuluul foofuul feh.

Kata Kolos 1:2

boot li bukanabuku kata Ateemit kammuu kutuyolaal káyinenumuu li mal̥egen li Kilisita, kata ésukayi yata Kolos: Ateemit Atuubawolaal ajow asenuul káji ban li akatuul li kásuumaay.

Kata Kolos 3:12

Muñeˈe bukuluul bukan kata Ateemit. Ateemit lal̥usuul̥us ban li afañuul. Wahawu unwu újimuu kama joote jilako bukan káyiyene bukan, bukan kásuume, bukan kawalenoolowe, bukan kájoobiye uyinum li bukan kayilo húmuñ.

Kata Kolos 3:15

Kásuumaayaku kata Kilisita kulako li uyinumawu wooluul li sembe. Kásuumaayaku unku kújimuu Ateemit li ahooñuluul boot min jilako an ano. Naak jisalool nanoonan.

1 Kata Tesalonik 1:1

Injé Fool, famen to Silibeŋ. Kájiyaku li kásuumaayaku kata Ateemit kujow kulako li bukuluul.

1 Kata Tesalonik 1:3

Li mal̥egenamu, jiwayil̥owewayil̥o hákil Ateemit Atuubaawu buu káyinenaku kooluul kujukimuu li baloŋelabu booluul, buu húbooliyahu hooluul hújiwuulumuu li jihanken min jilok, li buu kákangumaku kan jibajumuu li Amaaŋenawu kájiwuulumuu li jítuk lit.

1 Kata Tesalonik 1:4

Kutuyom, áloli jihaase kaanaku Ateemit lafañuufañ ban li al̥usuul jilako bukanool.

1 Kata Tesalonik 4:7

Mata Ateemit ahooñutolaal boot min unaak uloŋaal buloŋ bajakut, bale min uloŋaal buloŋ banabe.

1 Kata Tesalonik 5:28

Kájiyaku kata Amaaŋenawu oololaal Yéesu Kilisita kujow kulako li bukuluul.

2 Kata Tesalonik 1:2

Ateemit Atuubawoolaal li Amaaŋenawu Yéesu Kilisita kujow kúsooniyenuul ban li kusenuul kásuumaay.

2 Kata Tesalonik 3:16

Amaaŋenawu asenemuu kásuumaay, ajow asenuul akila humumool kásuumaay kanookan ban nanoonan. Amaaŋenawu ajow alako li bukuluul foofuul feh.

2 Kata Tesalonik 3:18

Kájiyaku kata Amaaŋenawu oololaal Yéesu Kilisita kujow kulako li bukuluul foofuul feh.

1 Tímote 1:2

ínje ikiiculo eleetalayi inye boot li awu Tímote, ammuu añoolom ata mal̥egen li káyinenaku: Ateemit atuubaawu li Yéesu Kilisita ammuu Amaaŋenawu oololaal, kujow kuseni káji, kabonket li kásuumaay.

1 Tímote 6:2

Emiikeelayi yabajumuu kunahaan káyinene li Yéesu, jakum kubes kunahaanaku kooliil mata waa kutuyiil koom. Bale koote kuhaŋ malok jak boot li buko, mata kunahaanaku kooliil kammuu li kúbajum wah li bulokabu booliil, bukan káyinene li Yéesu koom, ban Yéesu lafañiifañ ŋáa’. Wahawu unwu lommuu li uliiken bukanabuku ban li ulobiil min kukaan wo.

2 Tímote 1:2

ínje ikiiculo eleetalayi inye boot li awu Tímote ammuu añoolom an iboolaatumuu: Ateemit Atuubaawu li Yéesu Kilisita ammuu Amaaŋenawu oololaal kujow kuseni káji, kabonket li kásuumaay.

2 Tímote 4:22

Amaaŋenawu ajow alako li awu. Kájiyaku kata Ateemit kujow kulako li bukuluul foofuul feh.

Eleetalayi yan Fool akiicumuu Tit 1:4

Injé ikiiculi eleetalayi inye, awu Tit ammuu añoolom ata mal̥egen li káyinenaku kan ubajamuu foofola: Ateemit Atuubaawu buko li Yéesu Kilisita ammuu Afakenaawu oololaal, kujow kúsooniyeni ban li kuseni kásuumaay.

Filemoŋ 1:25

Kájiyaku kata Amaaŋenawu kujow kulako li bukuluul.

Filemoŋ 1:3

Ateemit Atuubawolaal li Amaaŋenawu Yéesu Kilisita kujow kusenuul káji li kásuumaay.

Saak 1:1

Injé Saak, ammuu aloka ata Ateemit li ata Amaaŋenawu, ikiice eleetalayi inye. Injé ummu li kasaaf bukanabuku feh kata Ateemit, kayiisoomuu kujow koono tanootan li adunaayi feh.

1 Fiyeel 1:15

Loon Ateemit ahooñuulumuu Anabumuu, bukuluul foof joote jilako bukan kanabe li bakaanelabu booluul feh.

1 Saŋ 3:1

Jijuke buu Atuubaawu afañoolaalumuu ŋáa’! Hufañahu han afañolaalumuu huluuluuk gay li uhooñaali bañiil bata Ateemit. (Ban mal̥egen bañiil Ateemit loomaal.) Bukanabuku kata adunaayi kuhaasut Ateemit, wahawu unwu újimuu kuhaasutolaal.

2 Saŋ 1:3

Ateemit Atuubaawu li Yéesu Kilisita, ammuu Añiilawu ata Atuubaawu, kujow kusenolaal káji, kabonket li kásuumaay, min uyili uloŋaal li mal̥egenamu li húbooliyahu.

Búhiisenumabu 2:1

— Ukiic eleetal amalakaawu ata Ejanguwayi yata Efées oonool: «Anawu átukumuu siwuutasu hutok lí síl̥ubaasu li kaŋenool kúli, ban lí ájowum li tut sihiitumasu hutok lí síl̥ubaasu sata éwulusayi, hulimahu unhe lalobe:

Búhiisenumabu 2:12

— Ukiic amalakaawu ata Ejanguwayi yata Feelugam oonool: «Anawu átukumuu ékunduwayi yañekaayi hulimahu unhe lalobe:

Búhiisenumabu 2:18

— Ukiic amalakaawu ata Ejanguwayi yata Tiyatiil oonool: «Añiilawu ata Ateemit, an kúkilaku koola kútifumuu loon sambun ban kootaku koola li kuleñ loon fálam, hulimahu unhe lalobe:

Búhiisenumabu 2:29

«An áakimuu sijan, li ajanten wahawu wan Buyinumabu bulobumuu Sijanguwasu.»

Búhiisenumabu 2:8

— Ukiic amalakaawu ata Ejanguwayi yata Simiin oonool: «Anawu ammuu átinaalawu li ábanumawu, aketeenumuu ban li ayitowumul li eketayi, hulimahu unhe lalobe:

Búhiisenumabu 22:21

Kájiyaku kata Amaaŋenawu Yéesu kulako li bukuluul foofuul feh.

Búhiisenumabu 3:14

— Ukiic amalakaawu ata Ejanguwayi yata Lawodise oonool: «Anawu aaneyimuu Aameen, alobemuu Hulimahu Hásuumaahu li mal̥egen, an Ateemit áwuwenummuu wahawu feh li akila, laane:

Búhiisenumabu 3:22

«An áakimuu sijan, li ajanten wahawu wan Buyinumabu bulobumuu Sijanguwasu.»

Búhiisenumabu 3:7

— Ukiic amalakaawu ata Ejanguwayi yata Filadelifi oonool: «Anawu Anabaawu ammuu an ata Mal̥egen, aakumuu ekul̥umayi yata áyiiyawu Dayit, ábabulemuu ban an let ayili abab, li abab ban an let ayili ábabul, laane: