Kata Lom 1:6 - Jola-Kasa

⁶ Bukuluul foof jumbuku ló li bukanabuku umbuku, bukuluul jan Ateemit ahooñumuu boot min jilako bukan kata Yéesu Kilisita.

Kata Lom 1:6 Referencias Cruzadas

Kata Lom 9:24

Bukanabuku umbuku buko kommuu ololaal jan Ateemit áhooñulumuu, ban let li kusuwifaku bale láhooñumulolaal, bale foof li bukanabuku kaletumuu kusuwif.

1 Kata Koolent 1:9

Ateemit alobemuu aban li átuk tó, okila ahooñuulumuu min jibaj hujamoo li Añoolool Yéesu Kilisita ammuu Amaaŋenawu oololaal.

Kata Galasi 1:6

Kaanonkaan kasego min bukuluul jiyaane jihi muñowu kabet búsol Ateemit ahooñumuulumuu li kájiyaku kata Kilisita, min jítiiwo jinab li «hulim hásuume» hukee.

Kata Efées 1:11

Ateemit lakaanekaan wahawu feh min ubaj loon afañumuu. Lál̥usolil̥us áloli Kusuwifaku nan fiyowe ŋáa’ min jilako bukan koola, li hujokoolahu hóololi li Kilisita.

Kata Kolos 1:21

Naanaŋ bukuluul jíloyiyenloyi Ateemit ban li jilako kulatoolawool, mata uyinoolawu wooluul ujakut, bakaanelabu booluul foof bujakut.

Kata Kolos 1:6

Hulimahu unhu Hásuumaahu hunhu min huyiisoolemuu, ban li húŋalul kásooniyen li adunaayi feh, loon foof hukaanumuu li bukuluul yaan li hunakahu hútinaalahu, nan jijamumuu li kulobuul mata kájiyaku kata Ateemit li mal̥egenamu mata ko feh ban li jiliitiken ko jak.

1 Kata Tesalonik 2:12

Jiwankulenuuwankulen ban li jítintimbenuul, ban jikatut kaanuul jiloŋ loon Ateemit afañumuu, akila jáhooñuluumuu boot li Jáyiiyaju joola min máyiineniyamu moola mulako mooluul.

2 Kata Tesalonik 2:14

Wahawu unwu Ateemit áhooñumuluumuu li Hulimahu Hásuumaahu han jiwaalewuulumuu, mantee li jibaj jooluul li máyiineniyamu mata Amaaŋenawu oololaal Yéesu Kilisita.

2 Tímote 1:9

Akila humumool afakenolaalumuu, ban li ahooñolaal boot ubil ulakowaal bukan koola. Ban min akaan momuu, inti eeniseen bakaanelolaal bújiye, bale okila humumool ayinoo mo ban li asenolaal li kájiyaku koola. Li Yéesu Kilisita lásenumolaamuu kájiyaku unku tówum adunaayi ejuul̥i,

Eébulo 3:1

Kutuyom, mó mújimuu bukuluul jammuu bukan kanabe, ban Ateemit li ahooñuul, joote jijuke li Yéesu ammuu anawu an Ateemit áboñulumuu li Alámbaawu áamakawu ata káyinenaku kooluul kan ulobaalemuu mata ko.

1 Fiyeel 2:21

Wahawu unwu Ateemit ahooñuulumuu boot, mata Kilisita humumool lálallaam boot li bukuluul. Lakatuukat to bukittenoolum bájum li jinab li kootaku koola.

1 Fiyeel 2:9

Bale bukuluul, bukuluul jommuu bukanabuku kal̥usimuu, kúlambaaku kata Ayíiyawu, ésukayi yanabaayi, bukanabuku kata Ateemit. Lí élimayi láhooñumuluul jibil jilako li mawuŋaamu moola máyiineniyaamu, boot kayiiŋen wahawu wan akaanumuu wajakumuu majak.

2 Fiyeel 1:10

Wahawu unwu újimuu, kutuyom jikaan manooman min jítuul li mal̥egen kahooñaku kan Ateemit ahooñuulumuu, li kal̥usaku kan al̥usuulumuu. Jikaan momuu, let jilo li kahoofoo.

Eleetalayi yan Súd akiicumuu 1:1

Injé Súd ammuu aloka ata Yéesu Kilisita li atuy ata Saak ikiiculo eleetalayi inye. Likikkiic yo boot li bukuluul kan Ateemit Atuubaawu ahooñumuu, li bukuluul kan afañumuu ban li afooyuul boot bil li Yéesu Kilisita.

Búhiisenumabu 17:14

Fan kutiik li Agálalaanawu, bale Agálalaanawu fan aheekiil, mata akila ammuu Amaaŋenawu ata kumaaŋenaku li Ayíiyawu ata kúyiiyaku. Okila Agálalaanawu li bukanabuku kan Ateemit al̥usumuu li kan ahooñumuu, li kátuulumuu Yéesu, fan kuheek kúyiiyaku kuŋenayi.»