Kata Fílib 4:9 - Jola-Kasa

⁹ Wahoowah feh wan jiliikenume lí ínje, wan jíyabume lí ínje, wan jíjamume lí ínje, mantee foof wan jijukume lí ínje, jikaan wo. Jikaan momuu, Ateemit asenemuu kásuumaay fan alako li bukuluul.

Kata Fílib 4:9 Referencias Cruzadas

Máciya 1:23

«Asúngutaawu ahaasutumuu ánayine, fan ahalet ban fan abaj añiil áyine. Fan kuhooñool Emanuweel.» (Yo yommuu «Ateemit ummu li ololaal.»)

Máciya 28:20

Jiliikeniil kátuul kulimaku feh kan ilobuulumuu. Jihaas joon ínje humumom ummu li bukuluul nanoonan boot yok nan adunaayi yommuu li eban.

Máciya 7:21

— Inti bukanabuku feh kaanewommuu: «Amaaŋen, Amaaŋen», kóomi li kunoken li Jáyiiyaju jata Ateemit. Bale bukanabuku kakaanemuu loon hulimahu hata Atuubawom hulobumuu, buko kommuu li kunoken li Jáyiiyaju jata Ateemit.

Hulimahu Hásuumaahu loon Lík akiic homuu 6:46

— Wáa újiye li jinaak jihooñom Amaaŋen, Amaaŋen, ban let jikaan wahawu wan ilobumuu?

Hulimahu Hásuumaahu loon Lík akiic homuu 8:21

Bale Yéesu li aaniil: — Jaawom li kutuyom buko koonomuu bukanabuku kajantenemuu Hulimahu hata Ateemit ban li kukaan loon hulobumuu.

Hulimahu Hásuumaahu loon Saŋ akiic homuu 13:17

Muñeˈe emmuu jihaase wahawu unwu, áwolowuul bukuluul bakaane wo loon íhiisuul womuu.

Hulimahu Hásuumaahu loon Saŋ akiic homuu 15:14

Jikaanumuu wahawu wan ilobuulumuu, kubukewom joom.

Hulimahu Hásuumaahu loon Saŋ akiic homuu 2:5

Jaaw ata Yéesu li aan kulokaabuku: — Wahawu wan ammuu aanuul jikaan, li jikaan wo.

Bakaanelabu 9:6

Bale uyito unoken li ésukayi. Fan kulobi wahawu wan óotimuu ukaan.

Kata Lom 15:33

Ateemit an kásuumaay kubilummuu li akila, ajow alako li bukuluul foofuul feh. Aameen.

Kata Lom 16:20

Ateemit ata kásuumaay muñeˈe li agunj Sayitaane li kootaku kooluul. Kájiyaku kata Amaaŋenawu oololaal Yéesu kujow kulako li bukuluul!

1 Kata Koolent 10:31

Mó mújimuu, jítiñoo li jíhoboo, wahoowah wan joote jikaan, li jikaan wo feh boot li máyiineniyamu mata Ateemit.

1 Kata Koolent 14:33

Li mal̥egenamu, Ateemit alet Ateemit ata búguul̥oo, bale Ateemit ata kásuumaay laam. Loon kaanemuu li sijanguwasu feh sata bukanabuku kata Ateemit,

1 Kata Koolent 4:16

Muñeˈe kama lil̥awuul min jinaak jikaan loon ínje ikaanemuu.

2 Kata Koolent 13:11

Kutuyom, muñeˈe ésuumansuum elako li bukuluul. Jiŋes min jihaŋ malako bukan kajake. Jinaak jiwankulenoo ban li jikaan kulimuul dín dáno. Jibaj buloŋ bata kásuumaay. Jikaan momuu, Ateemit ata húbooli li ata kásuumaay fan alako li bukuluul.

Kata Fílib 3:17

Kutuyom, jiliikoo lí ínje foofuul feh. Alóli jisenuusen bukittenoolum. Jiŋa’ kúkiluul jibet li bukanabuku kan buloŋabu booliil bunabumuu li bukittenoolumabu umbu.

Kata Fílib 4:7

Jikaan momuu, kásuumaayaku kata Ateemit kahaŋumuu butuuko banooban, fan kufooy sísigilasu sooluul li uyinumawu wooluul mata bukuluul bukan kata Yéesu Kilisita joom.

1 Kata Tesalonik 1:6

Jinannab li bakaanelabu bóololi li bata Amaaŋenawu mata jiyayyab hulimahu li sílaam sáamak, bale foof li ésuumansuumayi yan Buyinumabu Banabaabu busenemuu.

1 Kata Tesalonik 2:14

Kutuyom, li mal̥egenamu jikankaan loon bukanabuku káyinenumuu li Yéesu Kilisita kata Sijanguwasu sata Ateemit sammuu li etaamayi yata Súde. Sílaamasu san bukanuul kan jikinumuu li etaam yano kúlaamenuulumuu, so foof kusuwifaku kúlaamenumuu bukanabuku kata Sijanguwasu unsu sata Súde.

1 Kata Tesalonik 5:23

Ateemit asenemuu kásuumaay ajow akaan min jilako li mal̥egen bukan koola, ban li afooy humumahu hooluul foof ho feh, li uyinumawu wooluul, saalasu li siniilasu sooluul, jakum bil an ajuk majakut li bukuluul, boot li hunakahu nan Amaaŋenawu oololaal Yéesu Kilisita ammuu li abil.

2 Kata Tesalonik 3:4

Amaaŋenawu lákaanolikaan jibaj húkangum li bukuluul kaanaku bukuluul jumbuku li kakaan wahawu wan jilobuulumuu ban let jikat kakaan wo.

2 Tímote 4:22

Amaaŋenawu ajow alako li awu. Kájiyaku kata Ateemit kujow kulako li bukuluul foofuul feh.

Saak 1:22

Bale jakum jibuntoolo, li kajanten hulimahu hata Ateemit bale, ban let jikaan loon hulobumuu.

2 Fiyeel 1:10

Wahawu unwu újimuu, kutuyom jikaan manooman min jítuul li mal̥egen kahooñaku kan Ateemit ahooñuulumuu, li kal̥usaku kan al̥usuulumuu. Jikaan momuu, let jilo li kahoofoo.

1 Saŋ 3:22

Ateemit fan asenolaal wahawu feh wan ommuu ul̥awaalool, mata lukaanaakaan loon siluwaasu soola silobumuu, ban li ukaanaal wahawu wásuumoolumuu.