Kata Fílib 4:10 - Jola-Kasa

¹⁰ Libabbaj ésuumansuum yáamak ban lisale Amaaŋenawu, mata jikite jilaañen jiyinoolul múmbaam. Li mal̥egenamu, jiyinooleyinoo múmbaam bale jibajut bútin min jíhiisom kaanaku jiyinoolewonyinoo.

Kata Fílib 4:10 Referencias Cruzadas

2 Kata Koolent 11:9

Ban nan ilakomuu booluul, jokommuu li wah let iyoken an. Kutuyolaal kammuu li etaamayi yata Maseduwaan kunaake kulambenommuu li wahawu wan naake jokommuu li wo. Lijukejuke to jakum bil ilako búteb boot li bukuluul, ban let ikat min ilako búteb boot li bukuluul.

2 Kata Koolent 6:7

Jilollob bukanabuku hulimahu hata mal̥egenamu, ban li sembaasu sata Ateemit. Butiikumaabu bóololi bata katek li bata kafangen, bo bommuu wahawu wacolumuu hákil Ateemit.

Kata Galasi 6:10

Mó mújimuu, muñeˈe nan uyiliyaamee, ukaanaal majake boot li bukanabuku feh, háŋum bukanabuku kan ubajaalumuu káyinen kano li Yéesu Kilisita.

Kata Galasi 6:6

An an kuliikene Hulimahu, laate asen jakee li wahawu feh wan abajumuu, anawu aliikenemuu li akila.

Kata Fílib 1:1

Eleetalayi inye ínje Fool li Tímote jikiiculo yo, áloli jammuu kuloka kata Yéesu Kilisita. Jikiiculokiic yo boot li bukanabuku káamimuu kata Ateemit humum hata Yéesu Kilisita, kata ésukayi yata Fílib, boot li kunahaanaku ló kata Ejanguwayi li kujaakulaku.

Kata Fílib 1:3

Nanoonan nan iyinooluul, li isal Ateemit.

Kata Fílib 2:30

mata lalakoweene li aket boot mata bulokabu bata Kilisita. Lalakoweene li asen buloŋool min alambenom li wahawu wan bukuluul humumuul jiyilaatumuu jikaan boot lí ínje.