Kata Fílib 1:18 - Jola-Kasa

¹⁸ Kama waa? Uyinoolawu wooliil újakaatiwoo li újakoo, kaan min kaane kuwaaleye mata Kilisita bukanabuku. Wahawu unwu úsuumommuu ban fan unaak foof ukaanom ésuumansuum.

Kata Fílib 1:18 Referencias Cruzadas

Máciya 23:13

— Katek kujow kulako li bukuluul jaliikenemuu ésukayi Eluwaayi yata Móyiis li bukuluul Kufaaliisiyeŋaku jáhoolo muñowu! Mata jibabebab kámbiilaku kata Jáyiiyaju jata Ateemit jilaañen bo bukanabuku. Bukuluul humumuul let jinoken dó. Ban let jikat kafañumuu kunoken dó, min kunoken.

Maak 12:40

Li kunaak kubunt kaalaabuku kahokumuu kúyiniil, min kuyab wahawu feh wan kuhine kubajumuu, ban li kunaak kul̥aw fiyo ŋáa’ boot ñajuko. Mó mújimuu, katekaku kooliil fan kubil kuhaŋ másengi feh.

Hulimahu Hásuumaahu loon Lík akiic homuu 9:45

Bale kúgoomaku kuliitikenut hulimahu unhu. Wahawu wan hulimahu hufañumuu hulob, Ateemit layoliiyo wo jakum bil kuyili kúnaanum wo, ban li kúkoli kugel̥l̥en Yéesu min akitteniil waa lafañe alob.

Hulimahu Hásuumaahu loon Lík akiic homuu 9:50

Yéesu li aaniil: — Jooteenut jíhilool ákaanum mo. Li mal̥egenamu, an aletumuu alatoolawuul, booluul lalaañe.

Kata Lom 3:9

Kama waa, mantee alolaal aamaalumuu kusuwif luhaŋaale kaletumuu kusuwif? Maayeet! Li mal̥egenamu, líhihhiis kaanaku ulako asuwif li ulet asuwif, bukanabuku feh kumbuku li sembaasu sata kahoofoolaku.

Kata Lom 6:15

Muñeˈe kama waa? Mantee min uletaalumuu li kuŋen kata eluwaayi min óomiyaal li kájiyaku kata Ateemit, mó mómmuu lí múji li unaak uhoofoolaal? Maayeet!

1 Kata Koolent 10:19

Waa lifañe ilob to? Mantee eliwayi yata sínuukuleŋasu san kusilayemuu kuteemit kalet mal̥egen wah ukee éjaliŋe, mantee foof kuteemitaku humum ko kaletumuu mal̥egen wah ukee kújaliŋe?

1 Kata Koolent 14:15

Muñowu kama buu léemi li ikaan? Fan íl̥awum li buyinumom, bale foof fan íl̥awum li butuukowom. Fan ikijenum li buyinumom, bale foof fan ikijenum li butuukowom.

1 Kata Koolent 15:11

Mo emmuu, lako ínje, li lako buko, Hulimahu unhe Hásuumaahu áloli jiwaaleˈemuu, ho unhe foof bukuluul jíyinenumuu li ho.

Kata Fílib 1:19

Li mal̥egenamu, lihaase een wahawu unwumaa feh fan úbanum li kafakaku kúmbaam humum hata ul̥awawu wooluul li kalambenaku kata Buyinumabu bata Yéesu Kilisita kúji.