Kata Efées 5:2 - Jola-Kasa

² Jiloŋ buloŋ bata húbooli loon Kilisita ábooliwolaamuu, ayok asen buloŋool boot li alolaal. Lasensen buloŋabu boola loon kasila, búsimen básuume Ateemit.

Kata Efées 5:2 Referencias Cruzadas

Máciya 20:28

Mo foof Añool-An abilutumuu boot min abaj emiikeel, bale min alako amiikeel. Ban li asen buloŋool bulako búhal boot li bukan kameeŋe.

Hulimahu Hásuumaahu loon Saŋ akiic homuu 13:34

Boot min isenuul hulim huwunkul: jíbooliwoo. Joote jíbooliwoo loon ínje foof íbooliwuulumuu.

Hulimahu Hásuumaahu loon Saŋ akiic homuu 6:51

Injé emmuu húmbuuluwahu haloŋumuu, habilummuu li emitayi. An atokoñumuu húmbuuluwahu unhu, fan aloŋ boot nanoonan. Ban húmbuuluwahu han emmuu li isen bájum adunaayi li eloŋ, ho hommuu eniilayi yúmbaam.

Kata Lom 15:16

min ilako aloka ata Yéesu Kilisita boot li bukanabuku kaletumuu kusuwif. Lisenoolosenoolo boot kawaale Hulimahu Hásuumaahu hata Ateemit, mantee bukanabuku kaletumuu kusuwif li kulako loon esalah yásuume Ateemit, yan Buyinumabu Banabaabu bukaane enab.

Kata Lom 4:25

Ateemit labeebet Yéesu Kilisita li eket humum hata uhoofoolawu woololaal, ban li ayitenumulool li eketayi min akaanolaal ulakowaal bukan kacole hákilool.

Kata Lom 8:3

Wahawu wan eluwaayi yata Móyiis eyilaatumuu ekaan, mata búgootowabu bata ál̥ahukowan búhihhi yo ébajum sembe, Ateemit lakankaan wo: láboñuuboñul Añoolool min aŋa’ bóono banokoole li bata ál̥ahukowan ammuu ahoofoola, ban li akaanool aket boot káfulen kahoofoolaku, min ájowum tó atek kahoofoolaku kammuu li bóonowabu bata ál̥ahukowan.

Kata Lom 8:37

Bale li wahawu unwumaa feh, li uhaŋaal mabaj kaheek kabilumulo li Kilisita ábooliwolaamuu.

1 Kata Koolent 16:14

Jikaan wahoowah li húbooli ló.

1 Kata Koolent 5:7

Jífulen élebiilayi inyu yahaanayi li bukuluul, min jiset. Jikaan momuu, fan jinokoo loon efo’ yawunkul yasiiwi yabajut élebiil. Li mal̥egenamu, Kilisita ajokimuu loon ágalalaanawu an kusuwifaku kunaake kusilamuu min kukaan kagaanaku kata Faak, lasilayi ban.

2 Kata Koolent 2:14

Ateemit ajow asali, okila aŋalewolaamuu nanoonan unabaal li húmimahu hata kaheekaku kata Kilisita. Ban li ájowum li alolaal min akaan bukanabuku kuhaas Kilisita tanootan, loon eheeñ yan kaciiŋaku kata yo kuyiisi kuban tanootan.

2 Kata Koolent 2:15

Li Ateemit, alolaal oomaamuu li mal̥egenamu kaciiŋaku kásuumaaku kata Kilisita, hákil bukanabuku kammuu li kafak li kammuu li kájim.

2 Kata Koolent 8:9

Li mal̥egenamu, bukuluul jihaase kájiyaku kata Amaaŋenawu oololaal Yéesu Kilisita. Akila ammuu an abaje, li akat bo hubajahu hoola feh min abil alako an agaye humum hooluul, mantee bugayabu boola li bújiwuul li jilako bukan kabaje.

Kata Galasi 1:4

Kilisita lasenoolosenoolo okila humumool boot kafakenolaal li uhoofoolawu woololaal, mantee li ábotulolaal li adunaayi inye yata muñeˈe yajakutumuu, nab li húnongumahu hata Ateemit ammuu Atuubawolaal.

Kata Galasi 2:20

Min lako muñeˈe inti ínje humumom éemi li buloŋ, bale Kilisita áami li buloŋ lí ínje. Mata buloŋom bata ál̥ahukowan bata muñeˈe, lilolloŋ bo li káyinenaku kan ibajumuu li Añiilawu ata Ateemit, ábooliwommuu ban li asen buloŋool boot lí ínje.

Kata Efées 1:4

Ateemit lal̥usolaal̥us tówum adunaayi ejuul̥i, min ulakowaal bukan koola li hujokoolahu hoololaal li Kilisita, mantee li ulakowaal bukan koola kanabe ban li kucol hákilool. Húbooliyahu hoola hújimuu

Kata Efées 3:17

Lil̥awel̥aw loon muñaˈa, mantee Kilisita li akin li uyinumawu wooluul mata káyinenaku kooluul li akila kúji. Lil̥awe mantee li jibaj kuhaa’ kalite li húbooliyahu hooluul ban li jilit li ho,

Kata Efées 3:19

Maayeet min kite eenimuu bajut an ayilo ahaas buu Kilisita ábooliwolaamuu eeno, lil̥awe Ateemit mantee li jiyili jihaas húbooliyahu unhu, bájum bóonowabu booluul li buyili bunokoo li mal̥egen li bata Ateemit.

Kata Efées 4:15

Emmuu alolaal lulobaalelob mal̥egenamu li húbooli ló, fan ankaal li wahoowah feh ujow unokoolaal li Kilisita ammuu húkowahu.

Kata Efées 4:2

Jiwalenoolo, ban li jíjoobi uyinum, ban foof li jiyili hujokoo min jinaak jímuñoo li húbooli ló.

Kata Efées 5:15

Kama joote jíkaanum buu jiloŋemuu eeno. Jakum jiloŋ loon bukan kahaasut wahoowah, bale jiloŋ loon bukan kájallowe.

Kata Efées 5:25

Káyinaabuku koote kúbooli kuseekiil, loon Kilisita áboolimuu Ejanguwayi ayok aket boot li yo,

Kata Fílib 4:18

Liyabe wahawu wan jíboñulommuu feh, uhaha boot lí ínje. Muñeˈe nan Efáfulodit asenommuu wahawu wan jíboñuloomuu lí ínje, laañut jokom li wahoowah. Wahawu feh wan jíboñulumuu unokoonokoo loon esalah yásuume ŋáa’, yan Ateemit ayabe ban li ésuumool.

Kata Kolos 3:14

Ban famen to li wahawu unwumaa feh, jíbooliwoo, mata húbooli hujokemuu bukan hukaan tin tano li kajamoo kata mal̥egen.

1 Kata Tesalonik 4:9

Muñeˈe tookut min an akiiculuul mata húbooliwoo hata batuyaay, mata Ateemit lalobuulob kaanaku joote jíbooliwoo.

1 Tímote 2:6

asenumuu buloŋool humum bo min acaam boot kafaken bukanabuku feh. Wahawu unwu Kilisita akaanumuu min áhiis, nan taŋayi yan Ateemit ajokumuu yommuu li éliiŋ, kaanaku Ateemit lafanfañ min bukanabuku feh kufak.

1 Tímote 4:12

Jakum ukat an min abesi mata min ommuu áfu’, bale ulako bukittenoolum boot li káyinenumuu, li malobelamu mooli, li makaanelamu mooli, li húbooliyahu hooli, li káyinenaku kooli li manabamu mooli.

Eleetalayi yan Fool akiicumuu Tit 2:14

Lasensen buloŋabu boola humum bo boot li alolaal, boot kafakenolaal li majakut manooman min akaanolaal bukan kanabe káami koola balewool, kahankene li kakaan majake.

Eébulo 8:3

Li mal̥egenamu, álamba áamak anoowan lakaanikaan to boot kasen busuuhen li kakaan kasila, wahawu unwu újimuu álambaawu oololaal áamakawu laate foof abaj wah wan aate asen.

Eébulo 9:14

Fan wahawu unwu usetene bukan kahoofoole kama háŋum húsimahu hata Kilisita! Li mal̥egenamu, Kilisita lájowunjowum li Buyinumabu baano tomuu boot nanoonan, min asenoolo okila humumool batilut tanootan loon esalah Ateemit. Húsimahu hoola li huseten uyinumawu woololaal li makaane manooman majakut, min uyiliyaal ulokaal boot li Ateemit aloŋumuu.

Eébulo 9:23

Tookumuu min wambuwawu unwu wata mal̥egenamu mammuu li emitayi úgiilenumi li usila loon muñowu, kama mal̥egenamu humum mo mammuu li emitayi moote múgiilenumi li usila wahaŋe majak unwu.

Eébulo 9:26

Letumuu mo, kama fan álaameen ñameeŋe kábilum nan adunaayi ejuul̥imuu. Li mal̥egenamu, Kilisita lálaŋuulaŋul ñano ban kale muñeˈe, nan adunaayi ebanumee, boot kasenoolo okila humumool loon kasila, boot káfulen kahoofoolaku.

1 Fiyeel 4:8

Wahawu wan jommuu jijand jikaan, wo wommuu min jíbooliwoo ŋáa’, mata «Húbooli láhimenehimen uhoofoo wameeŋe.»

1 Saŋ 3:16

Yéesu Kilisita lasensen buloŋool boot li alolaal. Muñowu lúhaasumaamuu waa wommuu húbooli. Mó mújimuu lootaale foof usenaal buloŋolaal boot li kutuyolaal.

1 Saŋ 3:23

Ban eluwaayi yoola muñeˈe elobe: lootaale úyinenaal li kajawaku kata Añoolool Yéesu Kilisita, ban li úbooliwoolaal loon akila humumool alobolaalumuu.

Búhiisenumabu 1:5

Yéesu Kilisita, alobemuu Hulimahu Hásuumaahu li mal̥egen, asenuul foof káji li kásuumaay. Akila áamimuu átinaa li kayitowulumuu li eketayi, ban li áami áyiiyawu ata kúyiiyaku kata etaamayi. Yéesu Kilisita lafañolaafañ, ban li húsimahu hoola láfakenumolaalumuu li uhoofoolawu woololaal.

Búhiisenumabu 5:9

Muñeˈe li kukijen kakijen kuwunkul koon: «Lutootook min uŋa’ éliibalayi. Lutootook foof min úfulen bálikaañabu. Mata awu umukimuu, ban li húsimahu hooli, lúfakenummuu bukanabuku boot li Ateemit, bukanabuku kata kaland kanookan, kata elob yanooyan, kata het yanooyan, li kata etaam yanooyan.