Hulimahu Hásuumaahu loon Saŋ akiic homuu 14:13 - Jola-Kasa

¹³ Ban wahoowah wan jommuu li jil̥aw li kajawaku kúmbaam, fan ikaan wo, bájum Añiilawu li áhiis máyiineniyamu mata Atuubaawu.

Hulimahu Hásuumaahu loon Saŋ akiic homuu 14:13 Referencias Cruzadas

Máciya 21:22

Ban wahoowah feh wan jil̥awe Ateemit li káyinen ló, fan jibaj wo.

Máciya 7:7

— Jil̥awumuu, fan kusenuul. Jiŋesumuu, fan jijuk. Jikonkongenumuu, fan kúbabuluul.

Maak 11:24

Wahawu unwu újimuu boot min eenuul: Wahoowah feh wan jil̥awe Ateemit, jíyinen joon jibaj wo jiban, fan ulako wooluul.

Hulimahu Hásuumaahu loon Lík akiic homuu 11:9

«Yoo, ínje boot min eenuul: Jil̥awumuu, fan kusenuul. Jiŋesumuu, fan jijuk. Jikonkongenumuu, fan kúbabuluul.

Hulimahu Hásuumaahu loon Saŋ akiic homuu 10:30

Injé li Atuubaawu, an ano joom.

Hulimahu Hásuumaahu loon Saŋ akiic homuu 12:44

Yéesu li alob butiya aan: — An áyinenumuu lí ínje, inti lí ínje bale láyinene, bale láyinenyinen foof li Anawu áboñulommuu.

Hulimahu Hásuumaahu loon Saŋ akiic homuu 13:31

Nan Sudaas áfu’muu, Yéesu li aan: — Muñeˈe máyiineniyamu mata Añool-An mujuki, min máyiineniyamu mata Ateemit mujuki li akila.

Hulimahu Hásuumaahu loon Saŋ akiic homuu 14:14

Jil̥awumuu wah li kajawaku kúmbaam, fan ikaan wo.

Hulimahu Hásuumaahu loon Saŋ akiic homuu 14:6

Yéesu li aanool: — Injé emmuu bútinabu, li mal̥egenamu, li buloŋabu. An ayilaat ajow bata Atuubaawu, okila bájowumut lí ínje.

Hulimahu Hásuumaahu loon Saŋ akiic homuu 15:16

Let bukuluul jil̥usom, bale ínje il̥usuul. Ban ínje ikaanuul to, mata min jijow min jibaj ebukoolum, ebukoolum yáami li efiyo to, bájum wahoowah wan jommuu li jil̥aw Atuubawom li kajawaku kúmbaam, li asenuul wo.

Hulimahu Hásuumaahu loon Saŋ akiic homuu 15:7

Jilakomuu lí ínje ban kulimaku kúmbaam li kulako li uyinumuul, jil̥awumuu wahoowah wan jifañe, fan jibaj wo.

Hulimahu Hásuumaahu loon Saŋ akiic homuu 16:23

«Nan hunakahu hommuu li húliiŋ, let jigel̥l̥enom wahoowah. Li mal̥egenamu fan ilobuul: jil̥awumuu wah Atuubaawu li kajawaku kúmbaam, fan asenuul wo.

Hulimahu Hásuumaahu loon Saŋ akiic homuu 16:26

Nan hunakahu unhu hommuu húliiŋ, fan jil̥aw Atuubaawu li kajawaku kúmbaam, bale eenutuumuu ínje humumom éemi li il̥awool boot li bukuluul.

Hulimahu Hásuumaahu loon Saŋ akiic homuu 16:7

Bale boot min ilobuul mal̥egen: haŋe majak boot li bukuluul mín ínje ijow. Mata ijowutumuu Anattenaawu let abil alako li bukuluul. Bale ijowumuu, fan íboñuluul ó’.

Hulimahu Hásuumaahu loon Saŋ akiic homuu 4:10

Yéesu li aanool: — Uhaaseeneenumuu wahawu wan Ateemit esenemuu, li anawu aanemuu li awu «Usenom mal ihob», awu humumi ooteenumuu oonool aseni mal uhob, ban fan aseneeni mal masene buloŋ.

Hulimahu Hásuumaahu loon Saŋ akiic homuu 4:14

Bale an ahobumuu malamu man emmuu li isenool, bahob let bumit bulaañ bujokool. Mata malamu man emmuu li isenool, fan mulako kábulen li akila dán buloŋabu bábaneliitumuu bóomi li búfulumul.

Hulimahu Hásuumaahu loon Saŋ akiic homuu 5:19

Yéesu li aan kunahaanaku kata Kusuwifaku: — Li mal̥egenamu fan ilobuul, Añiilawu ayilaat akila humumool akaan wahoowah li húnongum hoola. Wahawu wan ammuu li ajuk Atuubaawu li akaan, wo lakaanemuu. Wahawu feh wan Atuubaawu akaanemuu, wo foof Añiilawu akaanemuu.

Hulimahu Hásuumaahu loon Saŋ akiic homuu 7:37

Nan hunakahu húbanumahu húliiŋumuu, hammuu hunakahu háamakahu hata kagaanaku, Yéesu li ayito hákil búsukabu feh min alob butiya aan: — An bahob bujokoolumuu, li abil búmbaam min ahob.

1 Kata Koolent 14:13

Wahawu unwu újimuu, an alobe silob sahaasuti laate al̥aw Ateemit min asenool kájiyaku kata kaheb ésukayi waa silobasu unsu silobe.

Kata Efées 2:18

Li mal̥egenamu, okila ájimuu ololaal foofolaal feh aamaalumuu kusuwif li kaletumuu kusuwif, li uyiliyaal ulohaal Ateemit Atuubaawu, humum hata Buyinumabu banolabu Banabaabu.

Kata Efées 3:12

Hujokoolahu hoololaal li Yéesu Kilisita habilummuu li káyinenaku koololaal li akila, hújimuu li uyiliyaal ukoojaal Ateemit li kákangum ló, babajut kákoli kanookan.

Kata Efées 3:14

Wahawu unwu újimuu li íkuntuŋ min il̥aw hákil Ateemit Atuubaawu,

Kata Fílib 4:13

liyilo ijokoo li wahoowah feh humum hata Kilisita asenewommuu sembe.

Kata Kolos 3:17

Wahoowah feh wan jikaane, lako li malobe mantee foof li makaane, jikaan wo li kajaw kata Amaaŋenawu Yéesu, min jísalum li akila Ateemit Atuubaawu.

Eébulo 13:15

Ujówumaal li Yéesu Kilisita min unaak ukaanaal nanoonan Ateemit kasila kata ukijen wata kasalool, yo yommuu ukijen wáfulumulo li utumolaal min ulobaal mata kajawaku koola.

Eébulo 4:15

Lubajaale álamba áamak ahaase mata búgootowabu boololaal. Li mal̥egenamu, álambaawu oololaal labuutoolibuutoo li wahoowah feh loon alolaal, bale akaanut kahoofoo.

Eébulo 7:25

Wahawu unwu újimuu, layilo afaken ñano ban kale bukanabuku kájowummuu li okila min kukooj Ateemit, mata okila ummu li buloŋ min anaak al̥aw Ateemit boot li bukanabuku umbuku.

Saak 1:5

Bale nokoomuu loon, akee li bukuluul abajut bújallo, laate al̥aw Ateemit min asenool bo. Ban al̥awoolumuu bújallowabu, fan asenool bo li buyinum básuume, mata Ateemit átaleneliit an átowum asenool wah.

Saak 5:16

Mó mújimuu anoowan li bukuluul laate alob afaalool uhoofoolawu wan okila humumool akaanumuu, ban anoowan li bukuluul foof li al̥aw boot li afaalool, mantee Ateemit li afakenuul. Kal̥aw kata an akaane loon Ateemit afañumuu kubabbaj sembe.

1 Fiyeel 2:5

Bukuluul humumuul jijokoolo loon kuyitik kaloŋe, ban li jikat Ateemit min aŋaluul min ateef eluuf dán Buyinumabu Banabaabu bukine, min jilako huwoog hata bukan káami élamba yakaani li kakaŋ boot li Ateemit, boot kakaanool kasila kabilumulo li Buyinumabu Banabaabu ban li kúsuumool humum hata Yéesu Kilisita.

1 Saŋ 3:22

Ateemit fan asenolaal wahawu feh wan ommuu ul̥awaalool, mata lukaanaakaan loon siluwaasu soola silobumuu, ban li ukaanaal wahawu wásuumoolumuu.

1 Saŋ 5:14

Kákangumaku unke lubajaalumuu hákil Ateemit: ul̥awaaloolumuu wah wanaboole li húnongumahu hoola, fan ajantenolaal.