Hulimahu Hásuumaahu loon Saŋ akiic homuu 14:12 - Jola-Kasa

¹² Li mal̥egenamu fan ilobuul, an áyinenumuu lí ínje, fan akaan foof wahawu wan ikaanumuu. Fan ayili foof akaan wah wahaŋ to, mata ínje boot min ijow bata Atuubaawu.

Hulimahu Hásuumaahu loon Saŋ akiic homuu 14:12 Referencias Cruzadas

Máciya 21:21

Yéesu li aaniil: — Li mal̥egenamu fan ilobuul, jibajeenumuu káyinen ban jíwettoolut, let mantee fan jiyili jikaan wahawu wan ikaanumuu bul̥el̥uwabu umbu bale. Bale fan jiyili foof joon huyuuyahu unhu, «Uyinno taatu ujow ulo li husamuwahu,» fan hukaan mo.

Maak 11:13

Muñeˈe li aŋanden bul̥el̥u báwuloole, li ajow boot bata bul̥el̥uwabu min ajuk mantee bubabbaj mutiñaay. Nan áliiŋ tómuu, li ajuk li bul̥el̥uwabu etoj bale, mata let no unnu ul̥el̥uwawu ubukemuu.

Maak 16:17

Bújaahalenumabu umbe káyinenumuu lí ínje kommuu li kukaan: — Fan kukesoo uyinumawu wajakutumuu li kajawaku kúmbaam. Fan kulob silob sábuto li sooliil.

Hulimahu Hásuumaahu loon Saŋ akiic homuu 14:28

Jijanjam min eenuulumuu: “Boot min ijow, ban fan ílaañul ilako li bukuluul.” Nokoomuu loon jifañonfañ, joote jibaj ésuumahukow mata min emmuu li ijow boot bata Atuubaawu, mata Atuubaawu lahaŋom.

Hulimahu Hásuumaahu loon Saŋ akiic homuu 16:7

Bale boot min ilobuul mal̥egen: haŋe majak boot li bukuluul mín ínje ijow. Mata ijowutumuu Anattenaawu let abil alako li bukuluul. Bale ijowumuu, fan íboñuluul ó’.

Hulimahu Hásuumaahu loon Saŋ akiic homuu 4:37

Mata muñowu húlobuwahu húkooŋummuu, haanumuu: «Akee fan al̥uk, aahu li acac».

Hulimahu Hásuumaahu loon Saŋ akiic homuu 5:20

Mata Atuubaawu lafanfañ Añiilawu ban li áhiisool wahawu feh wan akila humumool akaanemuu. Fan áhiisool foof bulok ban áami li akaan bahaŋe maluuk umbe, ban fan jisego.

Hulimahu Hásuumaahu loon Saŋ akiic homuu 7:33

Yéesu li aan: — Boot min ifan ilako li bukuluul jatit, li ilaañ boot bata anawu áboñulommuu.

Hulimahu Hásuumaahu loon Saŋ akiic homuu 7:39

(Yéesu lalollob kulimaku unku aya li Buyinumabu Banabaabu, ban káyinenumuu li akila kóotimuu kuyab. No unnu, Buyinumabu Banabaabu bo basenoluti, mata Ateemit báhiisolut máyiineniyamu mata Yéesu.)

Bakaanelabu 10:46

Li mal̥egenamu kujanjam bukanabuku umbuku li kulob silob san kuhaasut. Li kujamiil foof li kusal maluukamu mata Ateemit. Muñeˈe Fiyeel li aaniil:

Bakaanelabu 16:18

Jísungutaaju li jikaan mo jow baj kunak. Muñeˈe Fool huuñool li hulit, gay li átiiwowul aan buyinumabu bajakutumuu: — Leeni li kajaw kata Yéesu Kilisita, úfu’ li jísungutaaju unju! Mal̥egen buyinumabu bajakutumuu li buyaan búfu’ li jo.

Bakaanelabu 19:12

Mó lí múji bukanabuku li kunaak kuŋa’ kumusuwaal mantee foof kufalen kata sileesa kagole eniilayi yata Fool, kujow kukaan li kúsontaaku kooliil, li kufak ban uyinumawu wajakutaawu li úfu’ li buko.

Bakaanelabu 2:33

Ateemit latebenooteben ajow akaan kaŋenool kúli, min asenool Buyinumabu Banabaabu ban alobumuu kasen, min aŋa’ bo akaan li alolaal loon bukuluul humumuul jijukumuu, ban foof li jijam.

Bakaanelabu 2:41

Li kúbatiise bukanabuku káyinenumuu hulimahu hata Fiyeel. Hunakahu unhu, bukanabuku kubilumuu kufamen to huwoogahu hata bukanabuku káyinenumuu li Yéesu, kuyilo kúliiŋ sínjunne síhaaji.

Bakaanelabu 4:16

Li kugel̥l̥enoo koon: — Boot min ukaanaal kánayinaabuku umbuku buu? Mata li mal̥egenamu kukankaan búhiisenum bájaahaleniye, ban bukanabuku feh kata Yeelusalem kuhaase. Alolaal humumolaal uyilaataal uceeŋaal.

Bakaanelabu 4:33

Kufootalaku Yéesu li eketayi. Ateemit li ásooniyeniil foofiil feh li káji káamak.

Bakaanelabu 4:4

Bale bukan kameeŋe li kalakomuu bajamabu bata Hulimahu Hásuumaahu, li kúyinen. Kánayinaabuku káyinenumuu, kuyilo kúliiŋ bukan koono sínjunne hutok.

Bakaanelabu 5:15

Bukanabuku li kunaak kútebul kásomutumuu boot li útinawu. Kúliiŋul li kukaaniil kuhinto li ukal̥ li ufeek, bájum Fiyeel ájowum tómuu, élingaayi yoola bale li eyili ego kukee li buko.

Bakaanelabu 6:7

Hulimahu hata Ateemit li hunaak huhaŋ majamo huyinno bo. Kúgoomaku li kuhaŋ mameeŋ li ésukayi yata Yeelusalem. Kúlamba kameeŋe li kúyinen li Yéesu.

Bakaanelabu 8:7

Mata bukan kameeŋe kan uyinum wajakut újufoweene kufaafak. Uyinumawu wajakutumuu ulakomuu li úfu’ li buko, li ukaaw butiya. Bukan kameeŋe kabobowe li kakaje, li kufak foof.

Bakaanelabu 9:34

Fiyeel li aanool: — Ene, Yéesu Kilisita lafakeni! Uyito ubooñ awu humumi bukal̥abu booli! Ene li ayaan ayito.

Bakaanelabu 9:40

Fiyeel li akaan bukanabuku feh kúfulul, ban li ákuntuŋ min al̥aw. Nan al̥awumuu aban, li átiiwo ajooŋoo li ehuluŋayi ban li aan: — Tabita, uyito! Mal̥egen Tabita li aluujul. Nan ajukumuu Fiyeel, li ayito abah.

Kata Lom 15:19

Buyinumabu bata Ateemit bújowunjowum lí ínje min bukaan búhiisenum banooban bájaahaleniye. Muñowu liwaalemuu Hulimahu Hásuumaahu hata Kilisita tanootan, kítum Yeelusalem boot yok li etaamayi yata Iliili.