Hulimahu Hásuumaahu loon Saŋ akiic homuu 11:42 - Jola-Kasa

⁴² Injé lihaase een lúsooniyenesooniyen nanoonan kal̥awaku kúmbaam, bale búsukabu umbu báguutommuu bújimuu li ilob, mantee li kúyinen kaanaku awu úboñulom.

Hulimahu Hásuumaahu loon Saŋ akiic homuu 11:42 Referencias Cruzadas

Máciya 26:53

Kama uhaasut oon liyilo ihooñ Atuubawom mata min alambenom, li ayaan ásenulom muñeˈe uyooŋ wata emalaka wahaŋe kuŋen li úl̥uba?

Hulimahu Hásuumaahu loon Saŋ akiic homuu 11:22

Bale lihaase een maayeet muñeˈe lul̥awe Ateemit wah, fan aseni wo.

Hulimahu Hásuumaahu loon Saŋ akiic homuu 11:31

Nan Kusuwifaku kalakomuu li eluufayi buko li Mali min kunaak kútintimbenool, kujukoolumuu li ayito cab áfu’, li kunab li akila. Kunaanaak kuyinoo li koon boot min ajow bata huyaakahu ajow alako bo min al̥ok.

Hulimahu Hásuumaahu loon Saŋ akiic homuu 11:43

Nan Yéesu alobumuu loon muñaˈa aban, li alob butiya aan: — Laasaal, úfulul láalu!

Hulimahu Hásuumaahu loon Saŋ akiic homuu 12:11

mata okila ájimuu Kusuwif kameeŋe li kúfu’ li buko min kúyinen li Yéesu.

Hulimahu Hásuumaahu loon Saŋ akiic homuu 12:17

Bukanabuku feh kalako tomuu nan Yéesu ahooñumuu Laasaal áfulul li huyaakahu min ayitenulool li eketayi, kukittenkitten wahawu wan kujukumuu.

Hulimahu Hásuumaahu loon Saŋ akiic homuu 17:21

Lil̥awe mantee buko foofiil feh li kulako an ano. Faafa, kujow kulako an ano li alola, loon foof awu ommuu lí ínje, ínjé li éemi li awu. Kujow kulako an ano bájum adunaayi li éyinen kaanaku awu úboñulom.

Hulimahu Hásuumaahu loon Saŋ akiic homuu 17:25

Faafa, awu jacolumuu, adunaayi ehaasuti, bale ínje lihaasi, ban umbuke kuhaase koon awu úboñulom.

Hulimahu Hásuumaahu loon Saŋ akiic homuu 17:8

Mata liseniisen kulimaku kan usenommuu, ban kuyayyab ko. Kuhaase li mal̥egenamu koon ínje li awu lífulumulo, ban kúyinenyinen koon awu úboñulom.

Hulimahu Hásuumaahu loon Saŋ akiic homuu 20:31

Bale wahawu wakiicimuu li éliibalayi inye, ukiicikiic mantee li jíyinen kaanaku Yéesu ammuu Kilisita, okila ammuu Añiilawu ata Ateemit. Ban jíyinenumuu li akila, fan jíbajum buloŋabu li kajawaku koola.

Hulimahu Hásuumaahu loon Saŋ akiic homuu 3:17

Ateemit áboñuloot Añoolool li adunaayi boot batiib bukanabuku kammuu li adunaayi, bale min áfakenum bukanabuku kammuu li adunaayi li akila.

Hulimahu Hásuumaahu loon Saŋ akiic homuu 8:16

Ban éetimuu itiib an, fan itiibool nab li mal̥egenamu, mata ilet liwoonom, bale Atuubaawu áboñulommuu ummu lí ínje.

Hulimahu Hásuumaahu loon Saŋ akiic homuu 8:29

Anawu áboñulommuu ummu lí ínje. Akatutom balewom, mata li kaanekaan nanoonan wahawu wásuumoolumuu.

Hulimahu Hásuumaahu loon Saŋ akiic homuu 8:42

Yéesu li aaniil: — Ateemit aameenumuu li mal̥egen Atuubawuul, faneen jifañom, mata li Ateemit libilumulo, ban akila léemum taate. Ibilumut li kajawom humum ko, bale akila áboñulom.

Kata Lom 8:3

Wahawu wan eluwaayi yata Móyiis eyilaatumuu ekaan, mata búgootowabu bata ál̥ahukowan búhihhi yo ébajum sembe, Ateemit lakankaan wo: láboñuuboñul Añoolool min aŋa’ bóono banokoole li bata ál̥ahukowan ammuu ahoofoola, ban li akaanool aket boot káfulen kahoofoolaku, min ájowum tó atek kahoofoolaku kammuu li bóonowabu bata ál̥ahukowan.

Kata Galasi 4:4

Bale nan taŋayi yan Ateemit asenumuu éliiŋumuu, li áboñul Añoolool. Anaale abukool, ban li alako li kuŋen kata Eluwaayi yata Móyiis.

Eébulo 5:7

Nan Yéesu alakomuu li buloŋ baabe li etaam, lanaanaak al̥aw ban li ayaakoo Ateemit li sikaaw butiya li muhuu ló. Lakankaan mo mata Ateemit ayiliyeenumuu afakenool li eketayi. Ateemit li ayab kal̥awaku kata Yéesu mata látuulootuul.

Eébulo 7:25

Wahawu unwu újimuu, layilo afaken ñano ban kale bukanabuku kájowummuu li okila min kukooj Ateemit, mata okila ummu li buloŋ min anaak al̥aw Ateemit boot li bukanabuku umbuku.

1 Saŋ 4:14

Alóli húmumoli jijuke li kúkiloli, ban li jilob bukanabuku kaanaku Atuubaawu láboñuuboñul Añoolool abil alako Afakenaawu ata adunaayi.