Hulimahu Hásuumaahu loon Saŋ akiic homuu 11:41 - Jola-Kasa

⁴¹ Mal̥egen li kúfulen húlankiinahu. Yéesu li ateb kúkilool ajuke emitayi ban li aan: — Faafa, lisali mata min úsooniyenemuu kal̥awaku kúmbaam.

Hulimahu Hásuumaahu loon Saŋ akiic homuu 11:41 Referencias Cruzadas

Máciya 11:25

Muñeˈe no unnu, Yéesu li aan: — Lisali, Ateemit Atuubawom, awu ammuu Amaaŋen ata emitayi li etaamayi, mata luyoyyo wahawu unwu bukanabuku kájallomuu li katuukomuu, min úhiis wó bañiilabu.

Máciya 11:26

Mal̥egen, Atuubawom lisalisal, mata li húfañum huya lúkaanum mó.

Máciya 27:60

Nan Suseef al̥iimumuu ehuluŋayi aban, li aŋa’ yo ajow ahok li huyaakahu hoola, han akite li awok li hugisa. Ban, li abakken húlankiin háamak hujow húfib kánokenumaku kata huyaakahu, aban li ajow.

Maak 15:46

Muñeˈe Suseef li ánoomul kábil kahiite. Ban, li áwalenul ehuluŋayi yata Yéesu li ekuluwaayi, min aŋa’ kábil min al̥iim yo aban, li aŋa’ yo ajow ahok li huyaak hawoki li hugisa. Ban, li abakken húlankiin háamak hujow húfib kánoonumaku kata huyaakahu.

Hulimahu Hásuumaahu loon Lík akiic homuu 10:21

No unnu, ésuumansuum li elako li Yéesu li búkaanum bata Buyinumabu Banabaabu, li aan: — Lisali Ateemit Atuubawom, awu ammuu Amaaŋenawu ata emitayi li etaamayi, mata luyoyyo wahawu unwu bukanabuku kájallomuu li katuukomuu, min úhiis wó bañiilabu. Mal̥egen, Atuubawom lisalisal, mata li húfañum huya lúkaanum mó.

Hulimahu Hásuumaahu loon Lík akiic homuu 18:13

Ayábabuhalabu okila li ayito lóyi, ban afanut akaañen ateb kúkilool ajuke emitayi. Bale li anaak atek li bagiŋool min aan: «Ateemit, úyiyenom, ínje ahoofoola.»

Hulimahu Hásuumaahu loon Lík akiic homuu 24:2

Nan kúliiŋumuu, li kutook hugisaahu háfibumuu kánoonumaku kata huyaakahu, ho mabakkeneli kaan li kakaŋ kánoonumaku.

Hulimahu Hásuumaahu loon Saŋ akiic homuu 11:22

Bale lihaase een maayeet muñeˈe lul̥awe Ateemit wah, fan aseni wo.

Hulimahu Hásuumaahu loon Saŋ akiic homuu 17:1

Nan Yéesu alobumuu loon muñaˈa aban, li ateb kúkilool ajooŋoo li emitayi ban li aan: — Faafa, ewaatuwayi éliiŋe. Muñeˈe úhiis máyiineniyamu mata Añooli, mantee Añooli li áhiis foof máyiineniyamu mooli.

Hulimahu Hásuumaahu loon Saŋ akiic homuu 20:1

Li líiŋ li hunakahu hútinaalahu hata esimenayi, Mali ata ésukayi yata Madala, li ajow bajuk huyaak li bújom bíb, to baloŋe li tílim. Nan áliiŋumuu, li ajuk aan hugisaahu han kuŋa’muu min kúfib kánoonumaku kata huyaakahu, hubakkenibakken kaan li kakaŋ.

Bakaanelabu 7:55

Bale Ecen Buyinumabu Banabaabu li bumeeŋenool. Li ateb kúkilool haatiya emitayi, li ajuk máyiineniyamu mata Ateemit, li Yéesu mayitowe kaŋen kúli Ateemit.

Kata Fílib 4:6

Jakum jiyina wahoowah, bale li wahoowah feh, jíjowum li kal̥aw, li kayaakoo li kasal ló, min jíhiis Ateemit wahawu wan jokuulumuu li wo.