Filemoŋ 1:20 - Jola-Kasa

²⁰ Atuyom, liyaaki, ulambenom li wahawu unwe li kajaw kata Amaaŋenawu: Ukaanom súum li buyinum, ínje jammuu atuyi li Kilisita.

Filemoŋ 1:20 Referencias Cruzadas

1 Kata Koolent 16:18

Kútintimbenontintimben min buyinumom bubah, loon kútintimbenuulumuu foof. Joote jiluuken bukan loon umbuku.

2 Kata Koolent 2:2

Nokoomuu loon li mal̥egen ínje líjiwuuji li jibaj buyina, ayimaa aate kama ayili akaanom ibaj ésuumansuum, ábuti li bukuluul jan ikaanumuu buyina?

2 Kata Koolent 7:13

Wahawu unwu újimuu áloli li jibaj kawankulen. Nan áloli jijukumuu ésuumansuumayi yalakomuu li Tit, mata bukuluul jítintimbenootintimben, ésuumahukow yáamak li elako li áloli efamen to kawankulenaku unku kan jibajumuu.

Kata Fílib 1:8

Ateemit lahaase aan mal̥egen, líbooliwuubooli foofuul feh ŋáa’ loon Yéesu Kilisita ábooliyemuu bukan.

Kata Fílib 4:1

Kutuyom kan iboolaat, síibom ŋáa’ min ilaañen ijukuul. Bukuluul jíjiwommuu li ibaj ésuumahukow, bukuluul jommuu éjambiyayi yúmbaam yata kaheekaku. Kufaalom kan iboolaatumuu, wahawu unwu újimuu joote jítuk lit li Amaaŋenawu.

Filemoŋ 1:12

Muñeˈe boot min ílaañenuliwool, okila ammuu bugeb bata ínje humumom.

Filemoŋ 1:7

Atuyom, húbooliyahu hooli hújiwonji li ibaj ésuumansuum yáamak li kawankulen, mata lújiji uyinumawu wata bukanabuku kata Ateemit li ubah.

Eébulo 13:17

Jítuul kunahaanaku kooluul, ban koonuulumuu jikaan wah, li jikaan wo loon kulobuulumuu. Li mal̥egenamu, buko kommuu li kafooyuul, mata Ateemit fan abil agel̥l̥eniil mooluul. Jikaan manooman mantee li kuyili kukaan bulokabu booliil li ésuumansuum ló, bale inti li jíl̥okoo ló, mata kukaan momuu let lambenuul maayeet.

1 Saŋ 3:17

Bale nokoomuu loon an akaane usaanum ajuke aan atuyool jokoojok li wah, imban li ásiibool li wó, buu anawu ummu ammuu usaanum ayilo aan húbooliyahu hata Ateemit hunhu li akila?

3 Saŋ 1:4

Bajut wah wahaŋ másuumom bajam kaanaku bañoolom kumbuku li buloŋ nab li mal̥egenamu.