Eébulo 8:6 - Jola-Kasa

⁶ Bale muñeˈe bulokabu bata Yéesu buhaŋe bata kúlamba kaabuku, mata okila ammuu li tutoo húfaalum hahaŋe majak han Ateemit ajokumuu bukanabuku, ban li huhajo li wah wan alobe kasen wahaŋe majak.

Eébulo 8:6 Referencias Cruzadas

Hulimahu Hásuumaahu loon Lík akiic homuu 22:20

Manolamu, Yéesu li aŋa’ ejunkayi aseniil buko batiñe kuban, min aan: — Ejunkayi inye, yo yommuu húfaalumahu huwunkulahu hata Ateemit, hájokumimuu li húsimahu húmbaam, háyuwimuu boot li bukuluul.

Kata Lom 9:4

Buko kommuu bukanabuku kata Isilayeel. Ateemit lajokiijok bañoolool, ban li aseniil máyiineniyamu moola, li ajokiil húfaalum, li aseniil eluwaayi, li áhiisiil buu kommuu kunaak kasal Ateemit, ban li alob kaseniil wah wajake,

Kata Efées 2:12

Jiwayil̥o joon no unnu, Kilisita alakoweenut li bukuluul. Jilakoweenut no li bukanabuku kata Isilayeel, ban jikaanuti ló li wahawu wan Ateemit alobumuu kasen bukanabuku koola, kan ajokumuu húfaalum. Li jiloŋ li adunaayi inye babajut húkangum hanoohan, ban jihaasut Ateemit.

1 Tímote 2:5

Li mal̥egenamu, Ateemit ano bale abaje, ban foof an ano bale li áami li tutoo Ateemit li bukanabuku. Anawu ummu okila ammuu Yéesu Kilisita,

Eleetalayi yan Fool akiicumuu Tit 1:2

Leete ikaan mo mantee li kubaj kákangumaku kata buloŋabu bábaneliitumuu. Ateemit ámaleliitumuu, lansaan tówum taŋ yanooyan éliiŋ, fan asenolaal buloŋabu umbu.

Eébulo 12:24

Bukuluul jijowujow jikooj Yéesu ammuu li tutoo húfaalumahu huwunkulahu han Ateemit ajokumuu li alolaal. Húsimahu hoola háyuwimuu huhaŋe malob jak hata Abel.

Eébulo 7:22

Mó mújimuu foof, li Yéesu lúbajumaalumuu káwoolu kaanaku lubajaale húfaalum li Ateemit hahaŋe majak.

2 Fiyeel 1:4

Li wahawu unwu Ateemit ásenumolaamuu wahawu watiineniyaawu ban li uluuk ŋáa’, wan alobumuu kasenolaal, bájum li jiyili jífu’ li kásiibowaku kajakutumuu kammuu li adunaayi inye yakajenumuu, min jíjowum tó jiŋa’ bóonowabu bata Ateemit.