Eébulo 8:5 - Jola-Kasa

⁵ Bulokabu ban élambaayi inyu ekaanemuu bulakolako buliikoolum, búnokoo bata wahawu wabajumuu li mal̥egen li emitayi. Nokoonokoo loon nan Móyiis alakomuu li akaan kayuntaku, Ateemit li aanool: «Ujuke to min ukaan wahawu feh, unokoo li bukittenoolumabu ban íhiisimuu li huyuuyahu.»

Eébulo 8:5 Referencias Cruzadas

Máciya 2:12

Fúlum tó, Ateemit li alobiil li sísaahut aaniil jakum kulaañ boot bata Elod. Li kuŋa’ bútin bakee min kulaañ boot booliil.

Bakaanelabu 7:44

«Situubawolaal sihaan kayuntaku káhiisumuu kaanaku Ateemit ummu li buko, kookene li kayiinaayaku. Kayuntaku unku Móyiis lakankaan ko kunokoo li kan Ateemit aanoomuu akaan. Mata lansaan Móyiis akaan ko loon kan ajukumuu kunokoomuu.

Kata Kolos 2:17

Wahawu unwu feh hin élinga yata wahawu wammuu li ebil. Mal̥egenamu mo mummu li Kilisita.

Eébulo 10:1

Eluwaayi yata Móyiis éhiisut jak búnokoolabu bata mal̥egen bata wahawu wabajumuu. Yoonosoono kambu bale kata wahawu wajakaawu wammuu li ubil. Eluwaayi egel̥l̥engel̥l̥en min usilaawu wanolawu unaak ukaani kale emitoomit. Wahawu unwu újimuu, eyilaat ekaan bukanabuku kálohulomuu Ateemit kulako bukan káliiŋe.

Eébulo 11:7

Káyinen kújimuu Nówe li ajanten kulimaku kan Ateemit aloboolumuu ákibben mata wahawu wajukolutimuu. Li akaan to buyinumool li kulimaku kan Ateemit aloboolumuu, min akaan busaana báamak dán áfakenummuu butoŋabu boola foof bo feh. Muñowu láhiisummuu kaanaku adunaayi ekajenkajen, ban Ateemit li ajokool an acole humum hata káyinenaku koola.

Eébulo 12:25

Jijuke to, jakum jihoy bajanten ammuu li elob li bukuluul. Li mal̥egenamu, bukanabuku kahoyumuu bajanten anawu anaake alobiilumuu akat to nan kulakomuu li etaam, kufakut li katekaku, háŋum alolaal. Ubetaalumuu búsol anawu álobumulemuu li alolaal li emitayi, let ufakaal foof li katekaku.

Eébulo 13:10

Elámbaayi yalokemuu li kayuntaku káñeyimuu kata kusuwifaku, kubajut kakaañen min kutiñ wahawu wasilayimuu li husilaahu.

Eébulo 9:9

Laalu búhiisenum bata wahawu wata muñeˈe. Wahawu unwu úhihhiis kaanaku usuuhenawu li usilaawu wata sínuukuleŋasu boot li Ateemit, uyilaat úji buyinum bata an áami li múkaaniinamu ummu li buset.

Búhiisenumabu 15:5

Fúlum tó, li ijuke li ijuk haatiya emitayi Eluufayi yata Ateemit li ébabulo, yaakumuu kayuntaku kata húfaalumahu.