Eébulo 5:1 - Jola-Kasa

¹ Li mal̥egenamu, álamba áamak anoowan al̥usumi li bukan, lal̥usil̥us min akaan bulok bata Ateemit boot li bukanabuku umbuku. Fan áhiis Ateemit wahawu wan kusenumuu li usilaawu wooliil boot mata uhoofoolawu.

Eébulo 5:1 Referencias Cruzadas

Kata Lom 15:17

Mó mújimuu, humum hata hujokoolahu húmbaam li Yéesu Kilisita, liyilo isaloolo mata bulokabu búmbaam boot li Ateemit.

1 Kata Koolent 15:3

Li mal̥egenamu, bukuluul lijandumuu iliiken wahawu wan ínje humumom iyabumuu, wammuu: Kilisita lakeeket mata uhoofoolawu woololaal úji, loon Bakiicelabu bulobumuu.

Eébulo 10:11

Alámba anoowan fan ayito hunakoohunak min akaan bulokabu bata Ateemit. Fan akaan ñameeŋe usilaawu wanolawu, wayilaatumuu úfulen uhoofoolawu maayeet tuf.

Eébulo 10:12

Bale Kilisita, okila kasila kano bale lakaane boot li uhoofoolawu, ban li abah kaŋen kúli Ateemit boot nanoonan.

Eébulo 11:4

Káyinen kújimuu Abel li akaan Ateemit kasila kahaŋe majak kata Kayeŋ. Káyinenaku unku kújimuu Ateemit li ajokool an acole, mata Ateemit humumool layayyab usuuhenawu wan asenoolumuu. Káyinenaku unku kújimuu Abel li aloŋ li álobul, maayeet min aketumuu.

Eébulo 2:17

Wahawu unwu újimuu li áati anokoo li kutuyool li wahoowah feh, bájum li alako álamba áamak ayilo káyiyen bukan, ban li al̥egen li bulokabu bata Ateemit min ahal uhoofoolawu wata bukanabuku.

Eébulo 7:27

Yéesu anokoolut li élamba yaayu yáamakayi. Jokutool min akaan hunakoohunak kasila boot li uhoofoo woola li wata ésukayi. Lakankaan mo ñano ban kale nan asenoolomuu okila humumool.

Eébulo 8:3

Li mal̥egenamu, álamba áamak anoowan lakaanikaan to boot kasen busuuhen li kakaan kasila, wahawu unwu újimuu álambaawu oololaal áamakawu laate foof abaj wah wan aate asen.

Eébulo 8:4

Aameenumuu baabe li etaam, let alakoween álamba maayeet, mata baje ban élamba yasenemuu busuuhen loon eluwaayi yata kusuwifaku elobumuu.

Eébulo 9:9

Laalu búhiisenum bata wahawu wata muñeˈe. Wahawu unwu úhihhiis kaanaku usuuhenawu li usilaawu wata sínuukuleŋasu boot li Ateemit, uyilaat úji buyinum bata an áami li múkaaniinamu ummu li buset.