Eébulo 4:16 - Jola-Kasa

¹⁶ Lootaale kama ukoojaal li káwoolu ló, efenjeŋayi yata kájiyaku yata Ateemit, mantee li ubajaal káyiyen li káji, ban li ubajaal kalamben nan emmuu jokolaal li ko.

Eébulo 4:16 Referencias Cruzadas

Kata Efées 2:18

Li mal̥egenamu, okila ájimuu ololaal foofolaal feh aamaalumuu kusuwif li kaletumuu kusuwif, li uyiliyaal ulohaal Ateemit Atuubaawu, humum hata Buyinumabu banolabu Banabaabu.

Kata Efées 3:12

Hujokoolahu hoololaal li Yéesu Kilisita habilummuu li káyinenaku koololaal li akila, hújimuu li uyiliyaal ukoojaal Ateemit li kákangum ló, babajut kákoli kanookan.

Eébulo 13:6

Wahawu unwu újimuu luyilo ulobaal li káwoolu ló oonaal: «Amaaŋenawu, okila abilumuu alambenom, let íkoli wahoowah. Waa ál̥ahukowan ayilo akaanom?»

Eébulo 3:6

Bale Kilisita lakankaan wahawu feh wan áatimuu akaan, loon ammuu Añiilawu an kukatumuu eluufayi yata Ateemit aaken. Ban alolaal oomaalumuu eluufayi yata Ateemit, nokoomuu loon lútukaatuk jak li káwooluwaku li kákangumaku kan súumolaamuu li ko.

Eébulo 7:19

mata eluwaayi yata Móyiis eyilaat ekaan wah min unab. Bale muñeˈe lubajaale kákangum kahaŋe majak, kayilo kújiwolaal li ukoojaal Ateemit.

Eébulo 7:25

Wahawu unwu újimuu, layilo afaken ñano ban kale bukanabuku kájowummuu li okila min kukooj Ateemit, mata okila ummu li buloŋ min anaak al̥aw Ateemit boot li bukanabuku umbuku.

Eébulo 9:5

Sibaaŋoot sata búwuwenum báyiineniye bata kubey ban koone Seelubeŋ, haatiya káhimenaku kata ekeesayi bulakowe. Máyiinowamu mata kubeyaku kata úwuwenumawu unwu li múhimen tan uhoofoolawu ubonketeyimuu. Uyilaataal ulobaal muñeˈe mata wahawu unwu feh uhantaal.

1 Fiyeel 2:10

Naanaŋ, bukuluul jilakowut bukanabuku kata Ateemit, bale muñeˈe bukan koola joom. Naanaŋ káyiyenaku kata Ateemit kulakowut li bukuluul, bale muñeˈe Ateemit láyiyenuuyiyen.