Bakaanelabu 9:6 - Jola-Kasa

⁶ Bale uyito unoken li ésukayi. Fan kulobi wahawu wan óotimuu ukaan.

Bakaanelabu 9:6 Referencias Cruzadas

Máciya 19:30

Bale kameeŋe li kútinaalabuku fan kulako kúsola. Kameeŋe li kúsolaabuku fan kulako kútinaa.

Hulimahu Hásuumaahu loon Lík akiic homuu 3:10

Búsukabu li bugel̥l̥en Saŋ boonool: — Kama waa joote jikaan?

Bakaanelabu 10:22

Kánayinaabuku li koonool: — Li kajawaku kata anahaanawu ata kusollaaliyaku an koonemuu Kooluney, jibilume. Lakankaan an acole, ákoliye Ateemit ban Kusuwifaku feh kulobelob majake kuya li akila. Amalaka ata Ateemit aane Kooluney áboñul bukan kubil kooni ujow boot boola, min ajanten kulimaku kan ommuu li ulobool.

Bakaanelabu 10:32

Uboñ kama kánayine boot li ésukayi yaaneyimuu Jofe, kujow koon Simoŋ an koonemuu Fiyeel abil. Bata Simoŋ alokemuu ubaŋ lawalene. Bata katantaku kata halahu lakine.»

Bakaanelabu 10:6

Fiyeel bata ánayine akee an koone Simoŋ aloke ubaŋ, lawalene. Eluufayi yata ánayinaawu ummu bata katantaku kata halahu yoom.

Bakaanelabu 2:37

Nan bukanabuku kujamumuu kulimaku kan Fiyeel alobumuu, li goliil li uyinum ŋáa’. Muñeˈe li kugel̥l̥en Fiyeel li Kufootal kaabuku kooniil: — Kútuyoli, kama muñowu áloli boot min jikaan buu?

Bakaanelabu 22:10

Muñeˈe li igel̥l̥en een: «Muñeˈe boot min ikaan buu, Amaaŋen?» Amaaŋenawu li aanom: «Uyito ujow boot Damaas, úliiŋ bomuu fan kukitteni wahawu feh wan Ateemit afañumuu min ukaan.»

Bakaanelabu 26:16

Bale úl̥aalulo min uyito. Lífulifu’ boot min iŋali ikaan alokawom. Fan ulako an áami li alob múmbaam bukanabuku, min uhebiil buu lujukommuu síyaat, ban li ulobiil foof wahawu wan emmuu li ilaañen íhiisi.

Bakaanelabu 9:5

Sóol li agel̥l̥en aan: — Awu ommuu ayi, Amaaŋen? Hulimahu li hoonool: — Injé emmuu Yéesu an ommuu li jálaatenaju.

Kata Lom 10:20

Esay akila li akaañen aan: «Likaakat bukanabuku kalakowutommuu huŋes min kujukom. Li ílaŋul hákil bukan kaŋesut min kuhaas múmbaam.»

Kata Lom 10:3

Li mal̥egenamu, Kusuwifaku kuhaasut buu Ateemit akaanemuu min bukanabuku kulako bukan kacole hákilool, min buko humumiil kuŋes min kulako bukan kacole. Wahawu unwu újimuu kukaanut wahawu wan Ateemit afañumuu min bukanabuku kukaan min kulako bukan kacole hákilool.

Kata Lom 5:20

Eluwaayi ebiibil, kahoofoolaku li kuhaŋ mameeŋ, bale tan kahoofoo kumeeŋe, kabonketaku kata Ateemit fan kuhaŋ to maluuk.

Kata Lom 7:9

Naanaŋ nan eluwaayi ebajutumuu, lilolloŋ; bale nan eluwaayi ebilumuu, kahoofoolaku li kuloŋ,

Kata Fílib 2:12

Kutuyom kan iboolaat, wahawu unwu újimuu, loon jifiyomuu li jilako bukan kátuulom, muñeˈe jinaak jihaŋ mátuul, ban jakum lako ínje to bale, bale háŋum ínje balet to. Jilok li ekole li kateelen ló, mantee kafakaku kooluul li kujuki.

Saak 4:6

Bale Ateemit li amit asenolaal káji káamak, mata Bakiicelabu bonsoon: «Ateemit lahoohoy bukanabuku katebenoolomuu, min ásuum li kawalenoolomuu.»