Bakaanelabu 8:35 - Jola-Kasa

³⁵ Muñeˈe Fílib li aŋa’ hulimahu, min ájowum li Bakiicelabu bata Hulimahu hata Ateemit tan ánayinaawu alakomuu kajangaaku, min awaalewool Hulimahu Hásuumaahu halobumuu mata Yéesu.

Bakaanelabu 8:35 Referencias Cruzadas

Máciya 5:2

Yéesu li aŋa’ hulimahu min awaaleyiil aan:

Hulimahu Hásuumaahu loon Lík akiic homuu 24:27

Fúlum tó, Yéesu li akitteniil wahawu feh walobimuu uya li okila li Bakiicelabu foof bo feh, kítum li síliibalasu sata Móyiis ló li sata kufulofetaku feh.

Bakaanelabu 10:34

Muñeˈe Fiyeel li aŋa’ hulimahu, li aan: — Muñeˈe lihaase kaanaku Ateemit ajokut bukan kukee kuhaŋ kaabuku.

Bakaanelabu 11:20

Bale kukee li bukanabuku káyinenumuu li Yéesu kata Ciif li kata Siilen, li kujow boot li ésukayi yata Antiyok, min kuwaale bo foof bukanabuku kalobemuu elobayi yata kata Gilees, Hulimahu Hásuumaahu hata Amaaŋenawu Yéesu.

Bakaanelabu 17:18

Bale li baj bukan kukee kata sihekej kan koone Efíkiiliyeŋ, kaabuku Sitoyiisiyeŋ kabile kulob foof li Fool. Kukee li kunaak kugel̥l̥enoo koon: — Kama waa kaŋaaŋaalaku unku kahaasutumuu wahoowah kufañe kulob? Kaabuku li koon: — Kankaan loon mata kuteemit kata bakee láami li elob. Kulollob loon muñaˈa mata kujanjam Fool li awaale mata Yéesu, li mata kayitowulaku li eketayi.

Bakaanelabu 18:28

mata lanaanaak áhiis Kusuwifaku jak, hákil ésukayi feh, kaanaku kulet li mal̥egen. Li anaak aŋa’ Hulimahu hata Ateemit min áhiisiil kaanaku Yéesu ammuu Afakenaawu.

Bakaanelabu 19:13

Li baj no Kusuwif kukee kanaake kuñaahoo li sísukasu min kunaak kukesoo uyinumawu wajakutumuu úfu’ li kásomutumuu. Muñeˈe li kufañ kuŋa’ kajawaku kata Amaaŋenawu Yéesu min kukaan wo úfu’ li bukanabuku. Li kunaak koon uyinumawu wajakutaawu: — Leenuul jífu’ li kajaw kata akila Yéesu an Fool awaaleyemuu!

Bakaanelabu 28:23

Kusuwifaku li kusen Fool hunak nan kommuu li kufam. Nan hunakahu húliiŋumuu, li kuhaŋ mabil kumeeŋ, kubil kutookool tan akinumuu. Fool li akitteniil mata Jáyiiyaju jata Ateemit kábilum li bújom boot yok kátiim. Li ájowum li eluwaayi, min alobiil mata Yéesu ban li alako huŋes min akaaniil kúyinen.

Bakaanelabu 3:20

Jikaan momuu, Amaaŋenawu Ateemit fan asenuluul taŋ yata kayool̥o, ban fan aboñuluul Afakenaawu an afimmuu min al̥useene boot li bukuluul, ammuu Yéesu.

Bakaanelabu 5:42

Muñeˈe hunakoohunak, kufootalaku li kunaak kuliiken bukanabuku, ban li kuwaaleyiil Hulimahu Hásuumaahu, li Eluufayi yata Ateemit li siluufasu, kaanaku Yéesu ammuu Afakenaawu.

Bakaanelabu 8:34

Anáyinaawu áfummulomuu Ecofi li agel̥l̥en Fílib aanool: — Liyaaki, ubonket uhebom ayimaa afulofetawu alobe li okila? Mantee akila humumool, mantee akee ábuto?

Bakaanelabu 9:20

Li ayaan anaak awaale li siluufasu sata kal̥awaku sata kusuwifaku aan Yéesu ammuu Añiilawu ata Ateemit.

1 Kata Koolent 1:23

Alolaal, Kilisita abaaŋimuu li ekuluwaayi okila luwaaleyaalemuu moola. Kulimaku unku kan uwaaleyaalemuu kulakolako busiisijan boot li Kusuwifaku, li kulako bul̥uuhoo boot li kaletumuu kusuwif.

1 Kata Koolent 2:2

Mata li mal̥egenamu, nan ilakomuu li bukuluul lijoojok li buyinumom kaanaku ifañut min ihaas wah ukee wábute li Yéesu Kilisita, háŋum Yéesu Kilisita abaaŋimuu li ekuluwaayi.

2 Kata Koolent 6:11

Bukuluul jata Koolent, áloli jilobuulob li mál̥egenoli. Jilobuulob wahawu feh wammuu li úyinumoli.

Kata Efées 4:21

Manooman jijanjam li kulob moola, li hujokoolahu hooluul li akila, ban kuliikenuuliiken moola naboo li mal̥egenamu mammuu li akila.