Bakaanelabu 6:10 - Jola-Kasa

¹⁰ Bale kuyilaat kuheek Ecen li kulim, mata lanaanaak álobum li bújallowabu ban Buyinumabu Banabaabu busenoomuu.

Bakaanelabu 6:10 Referencias Cruzadas

Hulimahu Hásuumaahu loon Lík akiic homuu 1:17

Fan abil ló áyabul hákil Ateemit, li buyinumabu, li sembaasu sata afulofetawu Elí, min akaan bañiilabu li situubayiil kubaj hujamoo, min álaañenul kátuulutumuu Ateemit kubaj bújallo loon bata bukan kacole. Fan afale bukan boot kayab Amaaŋenawu.

Hulimahu Hásuumaahu loon Lík akiic homuu 21:15

Mata ínje humumom fan isenuul kulim kata bújallo, kan anoowan li kulatoolawuul aatut ayili aceeŋ, mantee áhoogul.

Hulimahu Hásuumaahu loon Saŋ akiic homuu 7:46

Kufooyaabuku li kooniil: — Bilut baj an alobe loon ánayinaawu ummu alobemuu!

Bakaanelabu 5:39

Bale nokoomuu loon wahawu wan kukaanemuu li wo, li Ateemit ubilumulo, let jiyili jikajen wo. Ban li jíkaanum jakum jibil jitiik li Ateemit! Bukanabuku kata hujojahu li koon hulimahu han Gamaliyel alobiilumuu hujaajak.

Bakaanelabu 6:11

Muñeˈe li kucaam kánayine min kánayinaabuku koon: — Jijamoojam li agel Móyiis li Ateemit!

Bakaanelabu 6:9

Muñeˈe kukee li bukanabuku kanaake kuwoogumuu li eluufayi yata kal̥awaku. Li kulako búwonnoo li Ecen.

Bakaanelabu 7:51

Ecen li afamen aan: — Bukuluul bukan kájamaatiye! Jiŋalut Hulimahu hata Ateemit jikaan li uyinumuul, ban li jihoy bajanten ho. Jihoohoy Buyinumabu Banabaabu. Jinokoonokoo loon situubawuul sihaan.

1 Kata Koolent 2:4

Ban kulimaku kúmbaam li bawaaleyelabu búmbaam bukaanuti li kulim kacole kata bújallo bata ál̥ahukowan, bale li búhiisenum bata sembaasu sata Buyinumabu bata Ateemit.