Bakaanelabu 6:1 - Jola-Kasa

¹ No unnu, kúgoomaku li kuhaŋ mameeŋ. Muñeˈe Kusuwifaku káyinenumuu li Yéesu ban li kunaak kulob kugilekaay, li súumaatiyiil li Kusuwifaku kaabuku káyinenumuu li Yéesu ban li kubuki li etaamayi yata Falesitiin. Kunaanaak koon Kusuwifaku kata Falesitiin kujokut kanaalaabuku kooliil kahokumuu kúyiniil, loon kujokumuu kooliil nan kugambulenemuu hunakoohunak hutiñahu.

Bakaanelabu 6:1 Referencias Cruzadas

Máciya 23:13

— Katek kujow kulako li bukuluul jaliikenemuu ésukayi Eluwaayi yata Móyiis li bukuluul Kufaaliisiyeŋaku jáhoolo muñowu! Mata jibabebab kámbiilaku kata Jáyiiyaju jata Ateemit jilaañen bo bukanabuku. Bukuluul humumuul let jinoken dó. Ban let jikat kafañumuu kunoken dó, min kunoken.

Bakaanelabu 11:20

Bale kukee li bukanabuku káyinenumuu li Yéesu kata Ciif li kata Siilen, li kujow boot li ésukayi yata Antiyok, min kuwaale bo foof bukanabuku kalobemuu elobayi yata kata Gilees, Hulimahu Hásuumaahu hata Amaaŋenawu Yéesu.

Bakaanelabu 11:26

Nan ajukumuu Sóol, li ájowetumool boot Antiyok. Li kulako buko kúl̥uba emit feh, li ejanguwayi yata bo, min kuliiken Hulimahu hata Ateemit bukan kameeŋe. Li ésukayi inyu yata Antiyok, to bukanabuku kútoŋumuu kuhooñ kúgoomaku ekelecen.

Bakaanelabu 11:29

Muñeˈe kúgoomaku li kujamoo min koon anoowan li buko laate asen wah wan ammuu ayili asen, min kuboñ wo boot kalamben kutuyiil kakinumuu li etaamayi yata Súde.

Bakaanelabu 2:41

Li kúbatiise bukanabuku káyinenumuu hulimahu hata Fiyeel. Hunakahu unhu, bukanabuku kubilumuu kufamen to huwoogahu hata bukanabuku káyinenumuu li Yéesu, kuyilo kúliiŋ sínjunne síhaaji.

Bakaanelabu 2:45

Li kújula sitaamasu sooliil li wahawu wan kubajumuu, ban li kugaben sídalamasu san kubaj tomuu, min kusen anoowan loon afañumuu.

Bakaanelabu 2:47

Li kunaak kukijen ukijen wata kasal Ateemit. Li kúsuum bukanabuku feh. Amaaŋenawu li anaak afamen hunakoohunak li huwoogahu hooliil, bukanabuku kan afakenumuu.

Bakaanelabu 4:35

kusen kufootalaku. Sídalamasu unsu li kaŋa’ so kugaben anoowan loon afañumuu.

Bakaanelabu 4:4

Bale bukan kameeŋe li kalakomuu bajamabu bata Hulimahu Hásuumaahu, li kúyinen. Kánayinaabuku káyinenumuu, kuyilo kúliiŋ bukan koono sínjunne hutok.

Bakaanelabu 5:14

Búsuk báamak bata kánayine li kanaale, banaake buhaŋ mameeŋ buyinno bo, li búyinen li Amaaŋenawu min bubil bufamen huwoogahu hata káyinenumuu.

Bakaanelabu 5:28

— Jíhileenuuhi li kabane min jiliiken ésukayi wah li kajawaku kata ánayinaawu ummu. Bale muñeˈe jíjiye kata Yeelusalem feh li kujam wahawu wan jiliikenemuu li wo ésukayi. Ban jifañe min joon áloli jíjiye li aket.

Bakaanelabu 6:2

Muñeˈe kufootalaku li kuhooñ bajoj kúgoomaku feh min kooniil: — Colut min áloli jikat kawaaleyaku kata hulimahu hata Ateemit, min jijow kagambulen hutiñ.

Bakaanelabu 6:7

Hulimahu hata Ateemit li hunaak huhaŋ majamo huyinno bo. Kúgoomaku li kuhaŋ mameeŋ li ésukayi yata Yeelusalem. Kúlamba kameeŋe li kúyinen li Yéesu.

Bakaanelabu 9:29

Li alob foof li Kusuwifaku kalobemuu elobayi yata kata Gilees, ban li alako búwonnoo li buko. Bale li kuŋes jamukool.

Bakaanelabu 9:39

Fiyeel li ayaan ánabul li buko. Nan áliiŋumuu, li kújowetumool boot li káfitaku kalakomuu haatiya eluufayi. Kanaalaabuku feh kahokumuu kúyiniil li kubil kuyito téeti Fiyeel mo kul̥okemaa. Li kúhiisool wañawu, li kújufowaku kan Dolukaas akikumuu akila li buloŋ.

Bakaanelabu 9:41

Fiyeel li átukool li kaŋen min alambenool ayito. Ban, li áhooñul bukanabuku káyinenumuu li Yéesu, li kanaalaabuku kahokumuu kúyiniil, min áŋalul Tabita áhiisiil maloŋe.

Kata Lom 12:7

Li bil nokoo loon an abaje káji kata bulok boot li bukanabuku, li akaan bo. An li abaj káji kata kaliiken wah bukan, li aliikeniil wo.

1 Kata Koolent 10:10

Jakum jinaak jímummunoo loon kukee li buko kukaanumuu, min amalakaawu ata eketayi aniileniil.

2 Kata Koolent 11:22

Koonumuu buko bukanabuku kan koonemuu Eébulo koom, ínje foof. Li koon buko bukan koom kata Isilayeel, ínje foof. Li koon buko bubukoolum koom bata Abulaham, ínje foof.

Kata Fílib 3:5

Nan ibajumuu kunak hutok li kúhaaji, li kuteyenom búkut. Injé an ata Isilayeel, li kalandaku kata Bayiseme libuki. Injé asuwif an kusuwif kubuke. Ulobaalumuu mata kakaan loon eluwaayi lilakowe.

1 Tímote 5:3

Ucookoo kanaalaabuku kahokumuu kúyiniil, kabajutumuu li mal̥egen kulambena.

1 Tímote 5:9

Boot min anaale ahoke áyinool acobi li kanaalaabuku kahokumuu kúyiniil, anaalaawu ummu laate abaj simit kúyii kúhaaji, ban li alako anaale ayabowe li ánayine ano bale.

Eébulo 13:1

Húbooliwoo hata batuyaaya hoote hulako li bukuluul.

Saak 1:27

Buloŋabu ban Ateemit Atuubaawu afañumuu, boote bulako li mal̥egen buloŋ banabe. Bo bommuu: kalamben bañiil búkat, li kanaalaabuku kahokumuu kúyiniil ban li kóomi li sílaam, kahoy wahawu wajakutumuu wata adunaayi.

Saak 4:5

Jakum jiyinoo li joon Bakiicelabu umbe buhinhin bulob bukaal̥o boon: «Ateemit lafanfañ li batahaay ló Buyinumabu ban akaanumuu li alolaal.»

Saak 5:9

Kutuyom, jakum an li bukuluul ámummunoo mata afaalool, jakum bil Ateemit atiibuul. Jíkaanum, atiibaawu ummu mayitowe tin kámbiilaku.