Bakaanelabu 3:2 - Jola-Kasa

² Muñeˈe li baj ánayine akee abobowe, anaake abah akooj kámbiilaku kata Eluufayi yata Ateemit kan koonemuu «Kámbii Kajake.» Anáyinaawu ummu kábilum nan abukimuu labobowe. Hunakoohunak li kútebul ánayinaawu abobomuu kujow kuwalen tin kámbiilaku, bánum li ayili al̥aw sídalam bukanabuku kanokenemuu li Eluufayi yata Ateemit.

Bakaanelabu 3:2 Referencias Cruzadas

Hulimahu Hásuumaahu loon Lík akiic homuu 16:20

Li baj ánayine akee agaye an koone Laasaal, an eniilayi yoola feh ebaje basonta, ajowe ahinto hákil kámbiilaku kata ánayinaawu abajaawu.

Hulimahu Hásuumaahu loon Lík akiic homuu 18:35

Nan Yéesu alehenumuu ésukayi yan koonemuu Séliko, li baj ánayine akee áfuume abahe li kakaŋaku kata bútinabu min alako kal̥aw.

Hulimahu Hásuumaahu loon Saŋ akiic homuu 9:8

Muñeˈe kukinoolool li bukanabuku kanaake kujukoolumuu okila li kal̥aw bukanabuku wah, li koon: — Inti kele ánayinaawu ummu anaake abahumuu min al̥aw bukanabuku wah?

Bakaanelabu 10:31

Li aanom: «Kooluney, Ateemit layayyab kal̥awaku kooli ban amojenut kalambenaku kan ulambenemuu kusukateenabuku.

Bakaanelabu 10:4

Kooluney li ajuke amalakaawu li ekole ló ban li aanool: — Waa ubaje, Amaaŋen? Amalakaawu li aanool: — Ateemit layayyab ul̥awawu wooli, ban súumoosuum li kalambenaku kan ulambenemuu kusukateenabuku. Amojenuti.

Bakaanelabu 14:8

Muñeˈe li baj li ésukayi yata Lisit ánayine akee ayilaat ayito, mata labobobobo. Kábilum nan abukimuu lakaje, ban afinut min abile ayili ajow.

Bakaanelabu 3:10

Nan ésukayi ejukumuu ánayinaawu, li ehaas yoon akila ammuu ánayinaawu abobomuu, anaake abahumuu tin kámbiilaku kata Eluufayi yata Ateemit kaaneyimuu «Kámbii Kajake» min anaak al̥aw wah. Muñeˈe ekole yáamak li ejokiil, li kasego káamak mata wahawu wabajoolumuu úji.

Bakaanelabu 4:22

Simitasu sata ánayinaawu an kufakenumuu jáahaleni, sihaŋe kúyii kúl̥uba.