Bakaanelabu 3:16 - Jola-Kasa

¹⁶ Muñeˈe bukuluul jijuke ánayinaawu ummu. Jihaasool. Sembaasu sata kajawaku kata Yéesu sifakenoolumuu, mata áloli jíyinenyinen li akila. Káyinenaku unku kan áloli jibajumuu li Yéesu, kó kújimuu ánayinaawu ummu li afak hákiluul feh.

Bakaanelabu 3:16 Referencias Cruzadas

Máciya 14:29

Yéesu li aanool: — Ubil. Mal̥egen Fiyeel li áwalowumul li busaanaabu min ájowum koot li malamu ajooŋoo ban Yéesu alakomuu.

Máciya 9:22

Muñeˈe Yéesu li ágegul li ajukool. Li aan anaalaawu: — Añoolom, sákoli, káyinenaku kooli kufakeni. Anaalaawu li ayaan afak.

Hulimahu Hásuumaahu loon Saŋ akiic homuu 14:12

Li mal̥egenamu fan ilobuul, an áyinenumuu lí ínje, fan akaan foof wahawu wan ikaanumuu. Fan ayili foof akaan wah wahaŋ to, mata ínje boot min ijow bata Atuubaawu.

Hulimahu Hásuumaahu loon Saŋ akiic homuu 7:23

Jiyilimuu jiteyen an búkut li húyiiyaayahu jakum bil jíhoogul eluwaayi yata Móyiis, wáa lí úji li jil̥eetom mata min ifakenumuu an halli li húyiiyaayahu?

Bakaanelabu 14:9

Anáyinaawu li alako bajanten kulimaku kan Fool alakomuu elobayi. Muñeˈe Fool li ajukelool súy, li ahaas aan ánayinaawu labaje káyinen kayilo kújiwool li afak.

Bakaanelabu 16:18

Jísungutaaju li jikaan mo jow baj kunak. Muñeˈe Fool huuñool li hulit, gay li átiiwowul aan buyinumabu bajakutumuu: — Leeni li kajaw kata Yéesu Kilisita, úfu’ li jísungutaaju unju! Mal̥egen buyinumabu bajakutumuu li buyaan búfu’ li jo.

Bakaanelabu 3:6

Muñeˈe Fiyeel li aanool: — Ibajut ehaaliis, ibajut éwulus iseni. Bale wahawu wan ibajumuu, liseni wo: li kajaw kata Yéesu Kilisita ata Nasalet, uyito ujow!

Bakaanelabu 3:8

Anáyinaawu abobomuu li ayaan ayitowul to háak, li átoŋ ajow. Li anab li Fiyeel buko Saŋ kunoken li Eluufayi yata Ateemit, mo lafunfumoolemaa ban li anaak asal Ateemit.

Bakaanelabu 4:10

Joote jihaas bukuluul foofuul feh, li bukanabuku feh kata Isilayeel kaanaku: ánayinaawu ummu ammuu hákiluul, li kajawaku kata Yéesu Kilisita ata Nasalet láfakume. Yéesu Kilisita an jibaaŋumuu li ekuluwaayi, ban Ateemit li ayitenumulool li eketayi.

Bakaanelabu 4:30

Uhíis sembaasu sooli mantee bukan kásomute li kufak, búhiisenum, li wah wájaahaleniye li úkaanumi li kajaw kata alokaawu uya anabaawu ammuu Yéesu.»

Bakaanelabu 4:7

Muñeˈe li kúŋalul Fiyeel buko li Saŋ kubil kukaan li tutiil min kugel̥l̥eniil kooniil: — Li sembe say, mantee foof li kajaw kata ayi jífakenume ánayinaawu aboboweenumuu?

Kata Lom 3:22

Ateemit lajoojok bukanabuku feh káyinenumuu li Yéesu Kilisita bukan kacole hákilool, humum hata káyinenaku kooliil. Lakankaan mo boot li bukanabuku feh káyinenumuu, mata kúbutoolut.

1 Kata Koolent 13:2

Li bil nokoo loon libabbaj káji kata min ilob hulim han Ateemit asenom, li ibaj káji kata kahaas mahaasutimuu ban li ihaas wahoowah feh, li ibil ibaj káyinenaku feh kammuu li kújiwom li iyili iyinnen kuyuuy, ban ibajut húbooli, ilet wahoowah.