Bakaanelabu 3:13 - Jola-Kasa

¹³ Ateemitawu ata Abulaham, Isaak li Sakob, ammuu Ateemitawu ata situubawolaal sihaan, láhihhiis máyiineniyamu mata Yéesu ammuu alokaawu oola. Bukuluul humumuul jibetumuu Yéesu li kuŋen kata kunaahaanaku kata ésukayi, ban li jihoyool hákil Filat afañeenumuu min akatenool.

Bakaanelabu 3:13 Referencias Cruzadas

Máciya 11:27

«Atuubawom lasenonsen wahoowah feh. Anoowan ahaasut ayi ammuu Añiilawu, Atuubaawu bale. Anoowan ahaasut ayi ammuu Atuubaawu, Añiilawu bale, li bukanabuku kan Añiilawu afañumuu min áhiisiil ó’.

Máciya 20:19

Ban fan kuŋalool kusen kákaanumutumuu li Ateemit balewool min kulekenool. Fan kuŋa’ kukaluwaas min kutekool, ban li kubaaŋool li ekuluwa. Bale hunakahu húhaajutahu fan ayitowumul li eketayi.

Máciya 22:32

«Injé emmuu Ateemitawu ata Abulaham, Ateemitawu ata Isaak, li Ateemitawu ata Sakob.» Mó mújimuu, Ateemit alet Ateemitawu ata bukanabuku kaketumuu, bale Ateemitawu ata bukanabuku kaloŋumuu.

Máciya 27:2

Muñeˈe li kujokool kujenk kuban, li kuŋalool kújowetum kujow kusen águubelunaalawu Filat.

Máciya 28:18

Yéesu li ákoojuliil min aaniil: — Ateemit lasenonsen kayile kanookan li emitayi li etaamayi.

Maak 15:11

Bale huhaanaahu hata élambaayi li hutiken búsukabu min bul̥aw Filat min ákatenuliil Balabaas.

Hulimahu Hásuumaahu loon Lík akiic homuu 22:57

Bale Fiyeel li aceeŋ min aan anaalaawu: — Ihaasutool.

Hulimahu Hásuumaahu loon Lík akiic homuu 23:4

Filat li aan huhaanaahu hata élambaayi li búsukabu: — Injé ijukut wah wan ánayinaawu umme akaane wajakut, waate úji li abaj katek.

Hulimahu Hásuumaahu loon Lík akiic homuu 6:37

— Jakum jitiib an, jakum bil Ateemit atiibuul. Jakum jiwataten an, jakum bil Ateemit awatatenuul. Jinaakumuu jibonket bukan, Ateemit fan abonketuul.

Hulimahu Hásuumaahu loon Saŋ akiic homuu 12:16

No unnu, kúgoomaku koola kufaneenut kúnaanum wahawu wabajumuu. Bale nan Yéesu ajowumuu boot li emitayi li máyiineniyamu moola ló, li kuwayil̥o koon Bakiicelabu bulollob mata wahawu unwu buya li akila, ban kukankaan wahawu wan bulobumuu boot li okila.

Hulimahu Hásuumaahu loon Saŋ akiic homuu 18:40

Muñeˈe li kulob butiya koon: — Maayeet! Inti okila, bale úkatenul Balabaas! Imban Balabaasawu ummu, an ajakut.

Hulimahu Hásuumaahu loon Saŋ akiic homuu 19:11

Yéesu li aanool: — Ubajut sembe sanoosan lí ínje, sábuti li san Ateemit ásenumulimuu haatiya emitayi. Mó mújimuu, anawu abetommuu li kuŋeni lahaŋi mabaj butila.

Hulimahu Hásuumaahu loon Saŋ akiic homuu 19:12

Nan Filat ajeˈe ajamumuu kulimaku unku aban, li alako huŋes bútin min akaten Yéesu. Bale Kusuwifaku li kulob butiya koon: — Ufak ukatenumuu ánayinaawu ummu, ulet abuke ata áyiiyawu áamakawu! An ajokoolomuu áyii, anawu ummu alatoola ata áyiiyawu áamakawu.

Hulimahu Hásuumaahu loon Saŋ akiic homuu 19:15

Bale Kusuwifaku, li kuhaŋ malob butiya koon: — Aket! Aket! Ubaaŋool li ekuluwa! Filat li aaniil: — Waa, ibaaŋ áyiiyawu ooluul li ekuluwa? Kunahaanaku kata élambaayi li koonool: — Jibajut áyii akee ábute li áyiiyawu áamakawu!

Hulimahu Hásuumaahu loon Saŋ akiic homuu 7:39

(Yéesu lalollob kulimaku unku aya li Buyinumabu Banabaabu, ban káyinenumuu li akila kóotimuu kuyab. No unnu, Buyinumabu Banabaabu bo basenoluti, mata Ateemit báhiisolut máyiineniyamu mata Yéesu.)

Bakaanelabu 22:14

Muñeˈe Ananiyaas li alaañen aanom: “Ateemit ata situubawolaal sihaan lal̥usil̥us akat to boot min uhaas húnongumahu hoola, li ujuk Yéesu acolumuu, ban li újamum li butumool hulimahu hoola.

Bakaanelabu 24:14

Bale boot eeni wahawu unwe wo mal̥egen: li bútinabu buwunkulabu ban kujokumuu loon bulet mal̥egen, linabe. Ban li eeno li bulok boot li Ateemit ata situubawolaal sihaan. Líyinenyinen li wahawu feh wakiicimuu li éliibalayi yata Eluwaayi.

Bakaanelabu 3:12

Nan Fiyeel ajukumuu loon muñaˈa, li aan ésukayi: — Kutuyom kata Isilayeel, wáa újiye li jisego mata kafakaku kan ánayinaawu ummu afakumuu? Wáa újiye li jinaak jíjukeloli loon muñaˈa, loon eenimuu li sémbewoli jífakenume ánayinaawu ummu? Mantee foof loon eenimuu mata kátuulaku kan áloli jítuulumuu Ateemit, jíkaanume ánayinaawu ummu ajow?

Bakaanelabu 3:26

«Bukuluul jijandumuu jíji Ateemit li áboñul alokaawu oola Yéesu, boot min áfulen anoowan li bukuluul li makaanelool majakut, min lako kásooniyen boot li bukuluul.»

Bakaanelabu 4:27

«Mata li mal̥egenamu, li ésukayi inye Elod, li Fons Filat, li bukanabuku kákaanumutumuu li awu Ateemit baleyi, li kata Isilayeel, kufamumuu min kutiik alokaawu ooli anabaawu ammuu Yéesu, an ul̥usumuu alako Afakenaawu.

Bakaanelabu 4:30

Uhíis sembaasu sooli mantee bukan kásomute li kufak, búhiisenum, li wah wájaahaleniye li úkaanumi li kajaw kata alokaawu uya anabaawu ammuu Yéesu.»

Bakaanelabu 7:32

“Injé emmuu Ateemitawu ata situubayi sihaan. Injé emmuu Ateemitawu ata Abulaham, ata Isaak li ata Sakob.” Móyiis li ateelen kateelen kata kákoli, ban akaañenut alaañen ajuke.

Kata Lom 9:5

ban li kubaj situubayiil sihaan. Li buko kusuwifaku Kilisita abukumimuu loon ál̥ahukowan, akila ammuu Ateemit ahaŋumuu wahoowah feh. Kásooniyenaku kujow kulako li akila boot nanoonan. Aameen!

Eébulo 2:9

Ban lujukaale kaanaku Ateemit lakankaan min emalakaayi efan ehaŋ jatit Yéesu, bale muñeˈe labaje máyiineni ban li aluukeni, humum hata eketayi yan aketumuu li sílaam ló. Wahawu unwu újimuu Yéesu li ajaken eketayi boot kafaken bukanabuku feh, humum hata kájiyaku kata Ateemit.

Búhiisenumabu 1:18

Injé emmuu anawu ammuu li buloŋ. Liketeenenket, bale muñeˈe ínje ummu li buloŋ boot nanoonan. Libaje kayile li eketayi, li tan bukanabuku kaketumuu kommuu.

Búhiisenumabu 1:5

Yéesu Kilisita, alobemuu Hulimahu Hásuumaahu li mal̥egen, asenuul foof káji li kásuumaay. Akila áamimuu átinaa li kayitowulumuu li eketayi, ban li áami áyiiyawu ata kúyiiyaku kata etaamayi. Yéesu Kilisita lafañolaafañ, ban li húsimahu hoola láfakenumolaalumuu li uhoofoolawu woololaal.