Bakaanelabu 19:9 - Jola-Kasa

⁹ Bale kukee li buko kufañut kujam, min kuhoy báyinen ban li kunaak kulob kulim kajakut kuya li Bútinabu bata Amaaŋenawu hákil ésukayi. Muñeˈe Fool li ajow akatiil to, ban li aŋa’ kúgoomaku ájowetum, min anaak ajow awaale hunakoohunak li elekoolayi yata Tíilanus.

Bakaanelabu 19:9 Referencias Cruzadas

Máciya 15:14

Jikatiil bo. Laalu bukan káfuume kayabe hákil bukan káfuume boot min kúhiisiil bútinabu! Ban an áfuume ajowumuu ayab hákil afaalool áfuumandiin boot min áhiisool bútinabu, buko kúl̥uba feh fan kulo li buwokaay.

Máciya 16:4

Bukanabuku kata muñeˈe kajakutumuu ban kútuulut Ateemit, kóomi li huŋes min kujuk búhiisenum bájaahaleniye. Bale let kujuk búhiisenum bakee bájaahaleniye bábuto li wahawu wabajumuu Sonaas. Ban Yéesu li akatiil to min ajow.

Máciya 26:55

Fúlum tó, Yéesu li aan búsukabu: — Waa, jibil boot kajokom li síkundu li sigol ló loon eenimuu ínje ákuu? Hunakoohunak linaanaak ibah li Eluufayi yata Ateemit, min inaak iliiken bukanabuku mata Ateemit, ban jijokutom.

Hulimahu Hásuumaahu loon Saŋ akiic homuu 12:40

«Ateemit lámibiimíb kúkil, ban li akaaniil kul̥aal̥ uyinum, bájum li kújukaati li kúkiliil, li kúnaanumaati li uyinumiil, jakum bil kútiiwowul kúlaañul boot búmbaam, min ifakeniil.»

Bakaanelabu 11:26

Nan ajukumuu Sóol, li ájowetumool boot Antiyok. Li kulako buko kúl̥uba emit feh, li ejanguwayi yata bo, min kuliiken Hulimahu hata Ateemit bukan kameeŋe. Li ésukayi inyu yata Antiyok, to bukanabuku kútoŋumuu kuhooñ kúgoomaku ekelecen.

Bakaanelabu 14:4

Muñeˈe bukanabuku kata ésukayi li kutiiloo: kukee li kulaañ bata Kusuwifaku, kaabuku bata Kufootalaku.

Bakaanelabu 17:4

Kusuwif kukee li buko li kúyinen, min kulaañ bata Fool buko li Silaas. Bukan kameeŋe kata Gilees kanaake kumanen Ateemit, li kanaale kameeŋe káami bukan káamak li ésukayi, li kulaañ foof bata Fool buko li Silaas.

Bakaanelabu 19:23

Muñeˈe no unnu, li baj búgugguloo báamak mata Bútinabu bata Amaaŋenawu búji.

Bakaanelabu 19:30

Fool li afañeen min ajow bata búsukabu, bale káyinenumuu li kúhi’.

Bakaanelabu 20:31

Ban di jíkaanum, min jiwayil̥o joon simit síhaaji feh, bajut etihunaka bajut ehuka, ikatut kasaabuul ikat to, li jíl̥ok ló.

Bakaanelabu 22:4

Litiikentiiken bukanabuku kanabumuu li bútinabu bata Amaaŋenawu yok kuket. Li ijok káyine li kanaale ikul̥.

Bakaanelabu 24:21

Mantee yo yommuu hulimahu unhe bale, han ilobumuu butiya mayitowe hákiliil een: “Mata min íyinenumuu kaanaku kaketumuu fan kuyitowul li eketayi, mó mújimuu li eeno li itiibi síyaat hákiluul.”»

Bakaanelabu 28:22

Bale jifaañe min awu humumi úloboli min jijam kayinooli, mata jihaase kaanaku tanootan bukanabuku kuhoohoy hujojahu unhu dán ommuu.

Bakaanelabu 7:51

Ecen li afamen aan: — Bukuluul bukan kájamaatiye! Jiŋalut Hulimahu hata Ateemit jikaan li uyinumuul, ban li jihoy bajanten ho. Jihoohoy Buyinumabu Banabaabu. Jinokoonokoo loon situubawuul sihaan.

Bakaanelabu 9:2

Nan áliiŋumuu, li alobool min asenool sileetal sammuu síjiwool li ayili anoken li siluufasu sata kal̥awaku.

Kata Lom 11:7

Kama boot min oonaal buu? Bukanabuku kata Isilayeel kujukut wahawu wan kulakomuu huŋesahu. Bukanabuku kan Ateemit al̥usumuu li buko, buko bale kubaj womuu. Bukan kaabuku Ateemit lal̥aal̥enl̥aal̥en uyinumawu wooliil.

Kata Lom 9:18

Mó mújimuu, Ateemit fan áyiyen an an afañe, li al̥aal̥en buyinum bata an an súumool.

1 Kata Koolent 16:9

mata libabbaj tó bútin bata kakaan bulok báamak, maayeet min kulatoolaaku kumeeŋumuu.

1 Tímote 6:5

búceeŋoolabu bábaneliitumuu bata bukanabuku kata uyinumawu wacolutumuu, kahaasutumuu mal̥egen. Kuyinooyinoo li koon kátuul Ateemit senesen hubaj.

2 Tímote 1:15

Loon uhaasumuu, bukanabuku feh kata etaamayi yata Aasi kubetombet búsol, ban Fiseel li Elimosen bukomuu.

2 Tímote 3:5

Fan kukaan loon kúyinenyinen li Ateemit, bale fan kuhoy wahawu wasenumuu sembe káyinenaku li Ateemit. Utey foof bukanabuku umbuku!

2 Tímote 4:2

uhanken min uwaale bukanabuku Hulimahu hata Ateemit, súum súumut. Uceeŋiil, li uwatateniil ban li uwankuleniil, ban li ubeben min uliikeniil ho.

Eébulo 3:13

Joote kama jinaak jiwankulenoo nanoonan nan uyiliyaale oonaal «síyaat» yan Bakiicelabu bulobemuu mata yo, bájum jakum an li bukuluul ahoy bánaanum, min akat kahoofoolaku min kubuntool.

2 Fiyeel 2:12

Bukanabuku umbuku kukaanekaan loon bukan kaakut uyinum, loon sínuukuleŋ sabukeyimuu boot jajok jow muk.

2 Fiyeel 2:2

Bukan kameeŋe fan kunab li bakaanelabu booliil basuuneniyaabu, ban bakaanelabu booliil fan búji bukanabuku li kulob kulim kajakut kuya li bútinabu bata mal̥egenamu.

Eleetalayi yan Súd akiicumuu 1:10

Bale bukanabuku umbuku kátuulutumuu Ateemit buko fan kugel wahawu wan kuhaasutumuu. Wahawu wan kuhine kuhaasumuu, kuhahhaas wo bale loon sínuukuleŋasu saakutumuu uyinum sihaasemuu wah. Ban wahawu unwu humum wo, wo wommuu li újimeniil.