Bakaanelabu 19:10 - Jola-Kasa

¹⁰ Fool li akaan mo jow baj simit síl̥uba, yok bukanabuku feh kata etaamayi yata Aasi, Kusuwifaku li kata Gilees, kujam hulimahu hata Amaaŋenawu.

Bakaanelabu 19:10 Referencias Cruzadas

Bakaanelabu 13:12

Nan águubelunaalawu ajukumuu wahawu wabajumuu, li áyinen li Yéesu, mata kulimaku kan kuliikenoomuu mata Amaaŋenawu kugoloogo’ ŋáa’.

Bakaanelabu 16:6

Buyinumabu Banabaabu li buhi’ Fool buko li Silaas kúwaalewum Hulimahu hata Ateemit li etaamayi yata Aasi. Muñeˈe li kújowum li etaamayi yata Filiisi li yata Galasi.

Bakaanelabu 18:11

Fool li alako li ésukayi yata Koolent emit li kul̥eeñ hutok li hano, min anaak aliiken bukanabuku Hulimahu hata Ateemit.

Bakaanelabu 18:4

Li húyiiyaay mantee li akaan Kusuwifaku li kugilekaku kúyinen.

Bakaanelabu 19:20

Muñaˈa Hulimahu hata Ateemit huhaŋumuu majamo ban li huhaŋ mabaj sembe, li búkaanum bata sembaasu sata Amaaŋenawu.

Bakaanelabu 19:22

Muñeˈe li aboñ kúl̥uba li kulambenaaku koola, Tímote buko li Elasit, boot li etaamayi yata Maseduwaan. Bale akila humumool li afan alako jakee li etaamayi yata Aasi.

Bakaanelabu 19:8

Fúlum tó, Fool li ajow boot li eluufayi yata kal̥awaku, ban li aŋes min akaan min kajantenoomuu kúyinen.

Bakaanelabu 2:9

Baje li alolaal bukan káfulumulo li etaamayi yata Faat, yata Medi li yata Elaam, yata Mesofotami, yata Súde li yata Kafados, yata Font li yata Aasi.

Bakaanelabu 20:18

Nan kúŋejulumuu boola, li aaniil: — Jihaase buu liloŋumuu li bukuluul taŋayi feh yan ikaanumuu li bukuluul, kítum li hunakahu hútinaalahu nan ibilumuu li etaamayi yata Aasi.

Bakaanelabu 20:31

Ban di jíkaanum, min jiwayil̥o joon simit síhaaji feh, bajut etihunaka bajut ehuka, ikatut kasaabuul ikat to, li jíl̥ok ló.

Bakaanelabu 6:9

Muñeˈe kukee li bukanabuku kanaake kuwoogumuu li eluufayi yata kal̥awaku. Li kulako búwonnoo li Ecen.

Kata Lom 1:16

Li mal̥egenamu, isuuwut kawaale Hulimahu Hásuumaahu. Ho hommuu sembaasu sata Ateemit boot kafaken anoowan áyinene, kítum li kusuwifaku ban kit kuletumuu kusuwif.

Kata Lom 10:12

Mó mújimuu asuwif ábutoolut li an alet asuwif. Buko foofiil kúl̥uba Amaaŋenawu anolawu kubaje, asenemuu wah wajake bukanabuku feh kákangummuu li akila.

Kata Lom 10:18

Kama boot min igel̥l̥en een: Kama kusuwifaku kujamut hulimahu unhu? Kujanjam ho feh! Bakiicelabu bonsoon: «Hulimahu hooliil hujamijam li etaamayi feh, balobelabu booliil li bujow boot yok tan etaamayi ekibumuu.»

Kata Galasi 3:28

Kama muñeˈe bajut akee asuwif laam, akee alet asuwif, bajut akee amiikeel laam, akee alet amiikeel, bajut akee ánayine laam, akee anaale, mata bukuluul foofuul feh an ano joom li Yéesu Kilisita.

Kata Kolos 3:11

Muñeˈe jáliŋ yanooyan elet to an balet asuwif ammuu wahoowah feh li anoowan feh.

2 Tímote 1:15

Loon uhaasumuu, bukanabuku feh kata etaamayi yata Aasi kubetombet búsol, ban Fiseel li Elimosen bukomuu.

1 Fiyeel 1:1

Injé Fiyeel, ammuu afootal ata Yéesu Kilisita, ikiiculo eleetalayi inye boot li bukuluul jammuu bukanabuku kan Ateemit al̥usumuu, ban li jiyiisoo jijow jóomi li buloŋ loon ejawoola li sísukasu sata etaamayi yata Font, yata Galat, yata Kafados, yata Aasi li yata Bitini.

Búhiisenumabu 1:11

Hulimahu unhu li hoon: — Ukiic li éliibal wahawu wan ujukumuu, ban li uboñ yo Sijanguwasu unse hutok li síl̥uba: yata Efées, yata Simiin, yata Feelugam, yata Tiyatiil, yata Saalud, yata Filadelifi li yata Lawodise.

Búhiisenumabu 1:4

Injé Saŋ ikiiculo sijanguwasu hutok li síl̥ubaasu sata etaamayi yata Aasi: Ateemit asenuul káji li kásuumaay, akila áami tomuu, alako to nomuu, áamimuu li abil. Uyinumawu hutok li úl̥ubaawu wammuu hákil efenjeŋayi yoola yata jáyiiyaju usenuul foof káji li kásuumaay.