Bakaanelabu 12:6 - Jola-Kasa

⁶ Muñeˈe li ehukaayi yammuu ekaten, min Elod atiib Fiyeel hákil ésukayi feh, okila Fiyeel li alako kámooli majenki useel úl̥uba, li tutoo kusollaali kúl̥uba. Li kukaan kufooya kuyito tin kámbiilaku kata hukul̥ahu.

Bakaanelabu 12:6 Referencias Cruzadas

Máciya 28:4

Kusollaaliyaku kalakomuu kafooyaku kata huyaakahu li kúkoli bil gay li kunaak kuteelen ban li kunokoo loon bukan kakete.

Bakaanelabu 12:5

Mal̥egen li kufooy Fiyeel li hukul̥ahu jak. Bale kata ejanguwayi li kuhanken min kul̥aw Ateemit boot li akila.

Bakaanelabu 21:33

Muñeˈe anahaanawu li ajow akooj Fool, min ajokool ban li alob min kuŋa’ useel úl̥uba min kukokool. Ban li agel̥l̥en bukanabuku Fool ammuu ayi, li waa lakaane.

Bakaanelabu 28:20

Wahawu unwu újimuu li iŋes min ijukuul min ilob li bukuluul, mata min íjenkumimee baseelabu umbe, anawu an kata Isilayeel kúkangummuu li akila, ájimuu li íjenkumi bo.

Bakaanelabu 5:23

— Jílilliiŋ, li jitook wámbiilawu wata hukul̥ahu makul̥i jak, ban kufooyaaku kata hukul̥ahu buko to tin wámbiilawu. Bale nan jíbabulumuu wámbiilawu wata hukul̥ahu, jijukut ló an.

Kata Efées 6:20

Yéesu Kilisita lal̥usonl̥us boot min iwaale Hulimahu unhu Hásuumaahu li kajawaku koola. Hó hújimuu li éemi síyaat li hukul̥. Jil̥aw Ateemit mantee li inaak iwaale ho babajut ekole yanooyan, loon éetimuu iwaale ho.

2 Tímote 1:16

Amaaŋenawu ajow ásuum li butoŋabu bata Oneesifool, mata lanaanaak átintimbenom ñameeŋe, ban kaanutool ñisuu mín ínje emmee li hukul̥.

Eébulo 13:6

Wahawu unwu újimuu luyilo ulobaal li káwoolu ló oonaal: «Amaaŋenawu, okila abilumuu alambenom, let íkoli wahoowah. Waa ál̥ahukowan ayilo akaanom?»