Bakaanelabu 12:4 - Jola-Kasa

⁴ Nan Elod alobumuu min kujok Fiyeel kuban, li aŋalool akul̥, ban li alob kúmim kubakii kabaje hanoohan kusollaali kubakii, min kufooyool. Layinooleene min atiib Fiyeel hákil ésukayi, kagaanaku kata Faakayi yata Kusuwifaku ko babane.

Bakaanelabu 12:4 Referencias Cruzadas

Máciya 24:9

«Muñeˈe no unnu, bukan fan kujokuul kubet li kuŋen bukan, min kúlaamenuul ban fan kumukuul. Bukanabuku feh fan kulatuul mata ínje íji.

Máciya 26:5

Bale li koon: — Jakum ujokaalool nan kagaanaku kata Faakayi, jakum bil ésukayi éguul̥oo.

Maak 14:1

Muñeˈe li saŋo kunak kúl̥uba min kagaanaku kata Faakayi, li kata kúmbuuluwaku kakaanutimuu élebiil kúliiŋ. Huhaanaahu hata élambaayi li kaliikenemuu ésukayi eluwaayi ésukayi eluwaayi yata Móyiis, li kulako huŋes bútin mantee li kujok Yéesu an bahaasut kujow kumuk.

Hulimahu Hásuumaahu loon Lík akiic homuu 21:12

Bale, fan kujokuul ban li kúlaatenuul, fan kujokuul kujow kusen kunahaanaku kata siluufasu sata kal̥awaku kutiib, min kukul̥uul, fan kújowetumuul hákil kúyii li kunahaanaku kata sísuk mata ínje íji, tówum wahawu unwu ubaj.

Hulimahu Hásuumaahu loon Lík akiic homuu 22:33

Muñeˈe Fiyeel li aanool: — Anahaan, tan emmee li síngene min kukul̥oolom li awu, ban foof li iketoo li awu ló.

Hulimahu Hásuumaahu loon Saŋ akiic homuu 19:23

Nan kusollaaliyaku kubaaŋumuu Yéesu li ekuluwaayi kuban, li kuŋa’ wañawu woola kukaan kúmim kubakii, min anoowan li buko aŋa’ hoola. Li kuŋa’ foof húsabadoolahu hoola habajutumuu tan hukiki, mata búgit bano huhecumi kaan kañ kano haatiya boot teetaam.

Hulimahu Hásuumaahu loon Saŋ akiic homuu 21:18

Li mal̥egenamu fan ilobi, nan ulako nomuu áfu’, lunaanaak usinja min ujow ban súumi. Bale nan ommuu li uhallen, fan uteb kuŋeni min akee asinjayi ban li ájowetumi ban ufañut ujow.

Bakaanelabu 12:3

Nan áyiiyawu Elod ajukumuu kaanaku Kusuwifaku súumiisuum, li alaañen alob min kujok Fiyeel. (No unnu, li taŋayi yata kagaanaku kata kúmbuuluwaku kakaanutimuu élebiil).

Bakaanelabu 12:5

Mal̥egen li kufooy Fiyeel li hukul̥ahu jak. Bale kata ejanguwayi li kuhanken min kul̥aw Ateemit boot li akila.

Bakaanelabu 4:28

Muñowu kukaanumuu min wahawu feh wan ufinumuu min uyinoole kakaan yan no, li sembaasu sooli li húfañumahu hooli, ubaj.

Bakaanelabu 4:3

Li kujok Fiyeel buko li Saŋ kukul̥ boot yok hunak hukaten, mata banakabu bo bajone.

Bakaanelabu 5:18

Li kujok kufootalaku kujow kukul̥ li hukul̥ahu hata ésukayi.

Bakaanelabu 8:3

Bale Sóol, li alako kakajen ejanguwayi. Li anaak anoken li siluufasu ajow ájokumul ló kánayinaabuku li kanaalaabuku káyinenumuu li Yéesu, ajow akul̥.