Bakaanelabu 12:19 - Jola-Kasa

¹⁹ Ayíiyawu Elod li alob min kuŋes Fiyeel, bale kujukutool. Muñeˈe li alob min kugel̥l̥enoo kufooyaaku kata hukul̥ahu, ban li alob min kumukiil. Fúlum tó, Elod li ájowum Súde boot Sesaale, min alako bo kunak.

Bakaanelabu 12:19 Referencias Cruzadas

Máciya 2:1

Yéesu li abuki li ésukayi yata Betilehem, li etaamayi yata Súde, nan Elod alako nomuu áyii. Muñeˈe kánayine kájallowe, li kubilumul akiw min kujow boot Yeelusalem.

Máciya 2:13

Nan kánayinaabuku kájallomuu kúbalomuu, amalaka ata Amaaŋenawu li áfu’ Suseef li sísaahut min aanool: — Suseef, uyito uŋa’ añiilawu li jaawool min utey boot li etaamayi yata Ejíf. Ulako bo boot yok nan emmuu li eeni úlaañul; mata Elod fan aŋes añiilawu boot jamuk.

Máciya 2:16

Nan Elod ajukumuu aan kánayinaabuku kájallomuu kubuntoobunt, etindihuuñ yáamak li ejokool. Muñeˈe li aboñ kujow kumuk bañiilabu báyinaabu feh bata ésukayi yata Betilehem, li bata sísukasu sakooj yomuu, kabajumuu simit síl̥uba wálowul teetaam. Lalollob mo naboo li taŋayi yan kánayinaabuku kájallomuu kuloboolumuu, nan ewuutayi éfululumuu.

Bakaanelabu 12:18

Nan tikatenumuu, kusollaaliyaku li kulilliwoo ŋáa’ min kunaak kugel̥l̥enoo bay Fiyeel aam.

Bakaanelabu 12:4

Nan Elod alobumuu min kujok Fiyeel kuban, li aŋalool akul̥, ban li alob kúmim kubakii kabaje hanoohan kusollaali kubakii, min kufooyool. Layinooleene min atiib Fiyeel hákil ésukayi, kagaanaku kata Faakayi yata Kusuwifaku ko babane.

Bakaanelabu 12:6

Muñeˈe li ehukaayi yammuu ekaten, min Elod atiib Fiyeel hákil ésukayi feh, okila Fiyeel li alako kámooli majenki useel úl̥uba, li tutoo kusollaali kúl̥uba. Li kukaan kufooya kuyito tin kámbiilaku kata hukul̥ahu.

Bakaanelabu 16:27

Muñeˈe afooyaawu li áliwo. Nan ajukumuu min wámbiilawu úbabulomuu, li áñakul ékunduwayi yoola boot min amukoolo, mata lanaanaak aan bukanabuku kan kukul̥umuu kuteyitey kuheek.

Bakaanelabu 21:8

Li líiŋ hunak hukaten, li jilaañen jijow boot Sesaale. To untu, li jinoken li eluufayi yata Fílib ammuu awaaleya ata Hulimahu Hásuumaahu, min jilako boola. Fílib buko kommuu bukanabuku hutok li kúl̥ubaaku kan kul̥usumuu Yeelusalem.

Bakaanelabu 25:13

Li baj kunak, áyiiyawu Agilifa buko li áliinool Beleniis li kujow boot Sesaale basaaf Fésitiis.

Bakaanelabu 27:42

Esollaaliyayi li kufañeen min kumuk bukanabuku kan kujokumuu jakum bil an li buko awaj alimb min afak.

Bakaanelabu 8:40

Muñeˈe Fílib li ajuk aan li ésukayi yaaneyimuu Asot laam. Fúlum tó, li añaahoo li sísukasu min anaak awaale Hulimahu Hásuumaahu tanootan, boot yok nan áliiŋumuu Sesaale.