Bakaanelabu 12:17 - Jola-Kasa

¹⁷ Muñeˈe Fiyeel li aŋa’ kaŋenool min akaaniil kulu, ban li akitteniil buu Amaaŋenawu áfulenumuloomuu li hukul̥ahu. Li alaañen aaniil: — Jilob mo Saak li kutuyolaal kaabuku. Ban li áfulul ajow boot bakee.

Bakaanelabu 12:17 Referencias Cruzadas

Máciya 10:23

Kúlaatenuulumuu li ésuk, li jitey boot li ésuk yaayu. Li mal̥egenamu fan ilobuul, let jiban sísukasu feh sata Isilayeel kaŋoloo, tówum Añool-An álaañul.

Maak 6:3

Kama kele inti akila ammuu adaajaawu ata siluufasu, añiilawu ata Mali? Ban kama inti Saak, li Sóose, li Súd, li Simoŋ, kommuu kutuyool? Kama inti kúliinool kumbuku taate li ololaal? Muñeˈe wahawu unwu li úhiliil kúyinenum li Yéesu.

Hulimahu Hásuumaahu loon Lík akiic homuu 1:22

Nan Sakali áfulumuu, ayilaat alob li buko. Li kúnaanum kaanaku babbaj wah wan ajuke dán ñéyimuu li Eluufayi yata Amaaŋenawu. Sakali li anaak aŋa’ kuŋenool min anaak alob li buko. Ayilaat álobul.

Hulimahu Hásuumaahu loon Saŋ akiic homuu 10:40

Muñeˈe Yéesu li alaañen ajow boot kageb kaaka kata katunkaku kan koonemuu Suuludeŋ, ajow alako tan Saŋ átoŋumuu kábatiise bukanabuku.

Hulimahu Hásuumaahu loon Saŋ akiic homuu 11:54

Wahawu unwu újimuu Yéesu li akat káfu’ añaahoo tíyaŋ li Kusuwifaku. Li ájowum tó boot li etaamayi yakoojumuu kayiinaayaku, li ésuk yan koone Efulayim, ban ajowe alakomuu li kúgoomaku koola.

Hulimahu Hásuumaahu loon Saŋ akiic homuu 13:24

Simoŋ Fiyeel li áyiitool kaŋen min aanool agel̥l̥en Yéesu ayi lalobe li akila.

Hulimahu Hásuumaahu loon Saŋ akiic homuu 7:1

Muñeˈe nan fúlum tómuu, Yéesu li añaahoo li etaamayi yata Gálile. Afañut min ájowum li etaamayi yata Súde mata kunahaanaku kata Kusuwifaku huŋesool kulakowe boot jamuk.

Hulimahu Hásuumaahu loon Saŋ akiic homuu 8:59

Muñeˈe li kumulukul kuyitik boot min kutekool. Bale Yéesu li ayolo min ajow áfu’ li Eluufayi yata Ateemit.

Bakaanelabu 1:15

Li kunakaku unkumaa, bukanabuku káyinenumuu li Yéesu li kuwoog. Kalako tomuu kuyilo kúliiŋ téemeel li áyii. Muñeˈe Fiyeel li ayito li tutiil min aaniil:

Bakaanelabu 12:16

Bale Fiyeel okila akatut katekaku kata kámbiilaku. Nan kukite kúbabulumuu kámbiilaku, li kujukool, li kusego ŋáa’.

Bakaanelabu 12:18

Nan tikatenumuu, kusollaaliyaku li kulilliwoo ŋáa’ min kunaak kugel̥l̥enoo bay Fiyeel aam.

Bakaanelabu 13:16

Fool li ayito, li áyiit kaŋenool aban li aan: — Bukuluul jata Isilayeel li bukuluul jamanenemuu Ateemit, jijantenom!

Bakaanelabu 15:13

Nan kubanumuu elobayi, Saak li aŋa’ hulimahu min aan: — Kutuyom jijantenom!

Bakaanelabu 16:40

Nan Fool buko li Silaas kúfulumuu li hukul̥ahu, li kujow boot bata Liidi. Li kujukoo li kutuyiil feh min kuwankuleniil kuban, li kujow.

Bakaanelabu 19:33

Muñeˈe li baj ánayine akee an koone Alekusandul, an Kusuwifaku kunaake kutuuñen ayab kayooŋ. Kukee li búsukabu li kukittenool mabajumuu, li áyiit kaŋenool min afañeen alob li búsukabu.

Bakaanelabu 21:18

Li líiŋ hunak hukaten, li jijow áloli li Fool boot bata Saak, ban kunahaanaku kata ejanguwayi feh kuwoogumuu.

Bakaanelabu 21:40

Mal̥egen anahaanawu ata esollaaliyayi li akatool min alob. Muñeˈe Fool li ayito li sikabilikabasu, min ateb kaŋenool áyiit búsukabu. Nan kulumuu, li alob li buko li elobayi yata Kusuwifaku aaniil:

Bakaanelabu 28:15

Kútuyoli li káyinenaku kata Lom, li kujam móololi, li kubil boot yok tin emalisaayi yata Afíyis, li boot tin koonemuu Ufóoyum Uháaji, kubil jifam to. Nan Fool ajukiilumuu, li asal Ateemit ban li abaj kawankulen.

1 Kata Koolent 15:7

Nan fúlum tómuu, li áfu’ Saak ban kit kufootalaku feh.

Kata Galasi 1:19

Ijukut afootal akee. Saak bale lijuke ammuu atuyawu ata Amaaŋenawu.

Kata Galasi 2:12

Li mal̥egenamu, Fiyeel lanaanaak atiñ dín dáno li kutuyolaal káyinenumuu ban kulet kusuwif, tówum bukanabuku kan Saak aboñulumuu kúliiŋul. Bale nan kúliiŋulumuu, li añako min akat hutiñ li kaletumuu kusuwif, mata lákolikoli bukanabuku kalaañumuu bata kateyenaku kata búkutabu.

Kata Galasi 2:9

Muñeˈe Saak buko li Fiyeel li Saŋ, kajokimuu loon buko kommuu siyiilasu sata Ejanguwaayi, kuhahhaas koon Ateemit lasenonsen káji min ikaan bulokabu umbu. Mó mújimuu, li kúyaboli kuŋen ínje li Balunabaas, min kúhiis kaanaku dín dáno joom li buko, min lako áloli jijow jilok li bukanabuku kaletumuu kusuwif, buko li kujow kulok li kusuwifaku.

Saak 1:1

Injé Saak, ammuu aloka ata Ateemit li ata Amaaŋenawu, ikiice eleetalayi inye. Injé ummu li kasaaf bukanabuku feh kata Ateemit, kayiisoomuu kujow koono tanootan li adunaayi feh.