Bakaanelabu 11:3 - Jola-Kasa

³ min koonool: — Lunokennoken bata bukan kateyut búkut, ban li utiñ li buko!

Bakaanelabu 11:3 Referencias Cruzadas

Máciya 9:11

Nan Kufaaliisiyeŋaku kujukumuu loon muñaˈa, li koon kúgoomaku kata Yéesu: — Wáa újiye anahaanawu ooluul li átiñum dín dáno li kúyababuhalabu, li kúkaanikoolaabuku?

Hulimahu Hásuumaahu loon Lík akiic homuu 15:2

Kufaaliisiyeŋaku li kaliikenemuu ésukayi eluwaayi ésukayi eluwaayi yata Móyiis súumutiil. Li kunaak koon: — Anáyinaawu ummu layabeyab jak kuhoofoola, ban li anaak atiñ dín dáno li buko.

Hulimahu Hásuumaahu loon Saŋ akiic homuu 18:28

Fúlum tó, li kúŋalum Yéesu bata Kayif kújowetum boot bata eluufayi yata águubelunaalawu, yaan no li bújom bíb. Bale kunahaanaku kata Kusuwifaku kunokenut li eluufayi jakum bil kusiko, mantee li kuyili kutiñ hutiñahu hata Faakayi.

Bakaanelabu 10:23

Muñeˈe Fiyeel li akaan kánayinaabuku kunoken li eluufayi, min kuŋot ló. Nan tikatenumuu, Fiyeel li ayito anaboo li buko kuwuj. Kukee li kánayine káyinene kata Jofe li kunab li akila.

Bakaanelabu 10:28

Fiyeel li aaniil: — Jihaase joon bútinabu bata Kusuwifaku búhihhi min asuwif kujokoo hubuke li an alet asuwif, mantee foof li anoken boola. Bale ínje Ateemit láhiisonhiis kaanaku eetut ijok an loon ajakut, mantee foof loon asetut.

Bakaanelabu 10:32

Uboñ kama kánayine boot li ésukayi yaaneyimuu Jofe, kujow koon Simoŋ an koonemuu Fiyeel abil. Bata Simoŋ alokemuu ubaŋ lawalene. Bata katantaku kata halahu lakine.»

Bakaanelabu 10:48

Mal̥egen Fiyeel li alob min kúbatiiseyiil li kajawaku kata Yéesu Kilisita. Muñeˈe buko feh li kuyaakoo Fiyeel mantee kay li alako li buko kunak.

1 Kata Koolent 5:11

Bale likiiculuukiic min eenuul jitey an aani láyinenyinen li Kilisita, ban li anaak ahinto li aletalet, li aweelo li sídalam, li amanen kuteemit kalet mal̥egen, li anaak áloboo bukan, li anaak ákaliyenoo mantee foof li anaak ákuwet. An loon muñowu jakum jitiñum dín dáno li akila.

Kata Galasi 2:12

Li mal̥egenamu, Fiyeel lanaanaak atiñ dín dáno li kutuyolaal káyinenumuu ban kulet kusuwif, tówum bukanabuku kan Saak aboñulumuu kúliiŋul. Bale nan kúliiŋulumuu, li añako min akat hutiñ li kaletumuu kusuwif, mata lákolikoli bukanabuku kalaañumuu bata kateyenaku kata búkutabu.

2 Saŋ 1:10

Nokoomuu loon an abile atookuul ban aliikenutuul nab li baliikenelabu umbu bata Kilisita, jakum jiyabool booluul, ban jakum foof jisaafool.