Bakaanelabu 11:24 - Jola-Kasa

²⁴ Balunabaas lakankaan ánayine ásuume, an ata káyinen an Buyinumabu Banabaabu bulakowe li akila. Bukan kameeŋe li kubil kufamen káyinenumuu li Amaaŋenawu.

Bakaanelabu 11:24 Referencias Cruzadas

Máciya 12:35

An ajake, li buyinumool bajake lálobume kulim kajake. An ajakut, li buyinumool bajakut lálobume kulim kajakut.

Máciya 19:17

Yéesu li aanool: — Wáa újiye li ugel̥l̥enom mata wah wajake? An ano bale ajake. Ufañumuu min unoken li buloŋabu bábaneliitumuu, ukaan loon eluwaayi yata Móyiis elobumuu.

Hulimahu Hásuumaahu loon Lík akiic homuu 23:50

Muñeˈe li baj ánayine akee an koone Suseef áfulumulo li ésuk yakee yata Kusuwifaku yaaneyi Alimate. Suseef li akaan ánayine asúume ban li acol. Li Hujojahu háamakahu hata Kusuwifaku lalakowe.

Hulimahu Hásuumaahu loon Saŋ akiic homuu 7:12

Búwonnoo báamak li bulako li búsukabu mata Yéesu. Kukee li koon: — Laalu an ajake. Kaabuku li koon: — Maayeet, kájimen ésukayi bale láami lí kó.

Bakaanelabu 11:21

Sembaasu sata Amaaŋenawu li buko silakowe, mó lí múji bukan kameeŋe li kúyinen, min kútiiwo kunab li Amaaŋenawu.

Bakaanelabu 2:4

Nan kúlellufaku unku kata sambunasu kubilumuu kulo li buko, foofiil feh li kuyab Buyinumabu Banabaabu. Muñeˈe li kulob silob sakee, anoowan loon Buyinumabu Banabaabu bukaanimuu min ulob.

Bakaanelabu 2:47

Li kunaak kukijen ukijen wata kasal Ateemit. Li kúsuum bukanabuku feh. Amaaŋenawu li anaak afamen hunakoohunak li huwoogahu hooliil, bukanabuku kan afakenumuu.

Bakaanelabu 24:16

Mó mújimuu, li eeno nanoonan li kahanken min ikaan buyinumom jak hákil Ateemit li hákil bukanabuku.

Bakaanelabu 5:14

Búsuk báamak bata kánayine li kanaale, banaake buhaŋ mameeŋ buyinno bo, li búyinen li Amaaŋenawu min bubil bufamen huwoogahu hata káyinenumuu.

Bakaanelabu 6:3

Wahawu unwu újimuu, kútuyoli, jil̥us li bukuluul kánayine hutok li kúl̥uba. Fan kulako bukan kan ésukayi éwooluwe, bukan kan Buyinumabu Banabaabu bóomi li buko ŋáa’, ban li kújallo, min ukataaliil bulokabu umbu.

Bakaanelabu 6:5

Kulimaku unku kan kufootalaku kulobumuu, li kúsuum ŋáa’ búsukabu feh balako tomuu li bajojabu. Muñeˈe li kul̥us Ecen, alakomuu an ata káyinen li an an Buyinumabu Banabaabu bulakowe li akila ŋáa’. Li kul̥us foof Fílib li Fulokool, Nikanool li Timoŋ, Falimenaas li Nikola áfulumulomuu li ésukayi yata Antiyok, ban li áyineneen no li bútinabu bata kusuwifaku tówum áyinen li Yéesu.

Bakaanelabu 6:8

Emmuu Ecen lababbaj káji káamak hákil Ateemit li sembe, li anaak akaan wah wájaahaleniye ŋáa’ li búhiisenum báamak hákil ésukayi.

Bakaanelabu 9:31

Muñeˈe bukanabuku feh káyinenumuu li Yéesu, li kubaj kásuumaay li etaamayi feh yata Súde, li yata Gálile, li yata Samali. Li kuhaŋ malit li káyinenaku, ban li kútuul Amaaŋenawu. Li kunaak kuhaŋ mameeŋ kuyinno bo li búkaanum bata Buyinum Banabaabu.

Kata Lom 15:15

Tin tameeŋe li eleetalayi inye, likiiculuukiic to kulim kal̥aal̥e, boot kawayil̥enuul wah wan jihaase. Likankaan mo, humum hata kájiyaku kan Ateemit asenommuu,

Kata Lom 5:7

Séngisengi ŋáa’ min an aket boot li an acole. Akee nikee fan afañ min aket boot li an ajake.