Bakaanelabu 11:19 - Jola-Kasa

¹⁹ Jálaatenaju jabajumuu nan kumukumuu Ecen kuban, li jíji káyinenumuu li Yéesu li kuyiisoo. Kukee li buko li kujow boot li etaamayi yata Feniisi, kaabuku li kujow boot li étebelemukayi yata Ciif, kukee li kujow boot li ésukayi yata Antiyok, ban kunaakut kuwaale Hulimahu hata Ateemit kukee kúbuti li Kusuwifaku.

Bakaanelabu 11:19 Referencias Cruzadas

Máciya 10:6

Bale jijow boot bata bukanabuku kata Isilayeel kanokoomuu li kúgalalaan kájime.

Hulimahu Hásuumaahu loon Saŋ akiic homuu 7:35

Kunahaanaku kata Kusuwifaku li kunaak kugel̥l̥enoo koon: — Kama sum bay lajeˈe boot, ban ootut uyiliyaal ujowaal utookaalool? Boot fíle min ajow boot bata bukanolaal kajowumuu kukin li kata Gilees, ajow aliiken bo kata Gilees?

Bakaanelabu 11:20

Bale kukee li bukanabuku káyinenumuu li Yéesu kata Ciif li kata Siilen, li kujow boot li ésukayi yata Antiyok, min kuwaale bo foof bukanabuku kalobemuu elobayi yata kata Gilees, Hulimahu Hásuumaahu hata Amaaŋenawu Yéesu.

Bakaanelabu 11:22

Bukanabuku kata ejanguwayi yata Yeelusalem li kujam wahawu unwu wabajumuu. Muñeˈe li kuboñ Balunabaas ajow boot Antiyok.

Bakaanelabu 13:1

Li ejanguwayi yata Antiyok, babbaj ló kufulofet, li Sóol.

Bakaanelabu 13:4

Balunabaas buko li Sóol, kan Buyinumabu Banabaabu buboñumuu, li kujow boot li ésukayi yata Sélaasi, min kújowum tó li ébato boot li étebelemukayi yata Ciif.

Bakaanelabu 13:46

Muñeˈe Fool buko li Balunabaas li kulobiil li kabaneyiil kooniil: — Hulimahu hata Ateemit bukuluul hooteenimuu hujandi lob. Bale emmuu jihoohoy ho, ban li jijok kaanaku jitookut min jiyab buloŋabu bábaneliitumuu, muñeˈe kama áloli boot min jítiiwo boot bata bukanabuku kákaanumutumuu li Ateemit balewool.

Bakaanelabu 14:26

Li kújufowum tó Atali li ébato boot Antiyok, yammuu ésukayi tan kuŋaliilumuu kukat li kájiyaku kata Ateemit boot kakaan bulokabu ban kukaanumuu.

Bakaanelabu 15:22

Muñeˈe kufootalaku. Buko kúl̥uba kukankaan bukan kan kutuyiil kuluukene ŋáa’.

Bakaanelabu 15:3

Ejanguwayi li elambeniil li wah wan kóotummuu kuŋa’ min kujow kañaahoolaku. Muñeˈe li kújowum Feniisi li Samali, min kunaak kukitten buu kákaanumutumuu li Ateemit balewool kútiiwomuu kúyinen li Ateemit. Nan kutuyiil feh káyinenumuu kujamumuu loon muñaˈa, li kubaj ésuumahukow yáamak.

Bakaanelabu 15:30

Muñeˈe li kukat bukanabuku kan kul̥usumuu min kujow boot Antiyok. Nan kúliiŋumuu, li kuwoogen bukanabuku káyinenumuu, min kuseniil eleetalayi.

Bakaanelabu 15:35

Fool buko li Balunabaas li kulako Antiyok. Li kunaak kuwaale ban li kuliiken ésukayi Hulimahu hata Amaaŋenawu, buko li bukan foof kukee kameeŋe.

Bakaanelabu 15:39

Fool buko li Balunabaas li kuñakoo to ŋáa’ yok kukatoo. Balunabaas li aŋa’ Maak kújufo li ébato, min kujow boot Ciif.

Bakaanelabu 18:22

Nan áliiŋumuu Sesaale, li ajow boot Yeelusalem ajow asaaf Ejanguwayi, aban li ahaaŋ boot Antiyok.

Bakaanelabu 21:16

Kúgoom kata Yéesu káfulumulo Sesaale li kútiŋenoli. Lí kújowetumoli boot bata ánayine akee ata Ciif an koone Munaasoŋ ban jóotimuu jiwalen. Munaasoŋ lakankaan ágoom áyinene li Yéesu nan fiyowe.

Bakaanelabu 21:2

Li jitook to ébato yáami li ejow boot li etaamayi yata Feniisi. Muñeˈe li jíjufo li yo min jijow.

Bakaanelabu 3:26

«Bukuluul jijandumuu jíji Ateemit li áboñul alokaawu oola Yéesu, boot min áfulen anoowan li bukuluul li makaanelool majakut, min lako kásooniyen boot li bukuluul.»

Bakaanelabu 4:36

Muñowu foof bajumuu ánayine akee aan koone Suseef alakowe aŋatak, ban li abuki li étebelemukayi yata Ciif. Kufootalaku li kukaanool kajawaku kaaneyimuu Balunabaas, (yo yommuu, an awankulene bukan). Suseef li abaj etaam,

Bakaanelabu 6:5

Kulimaku unku kan kufootalaku kulobumuu, li kúsuum ŋáa’ búsukabu feh balako tomuu li bajojabu. Muñeˈe li kul̥us Ecen, alakomuu an ata káyinen li an an Buyinumabu Banabaabu bulakowe li akila ŋáa’. Li kul̥us foof Fílib li Fulokool, Nikanool li Timoŋ, Falimenaas li Nikola áfulumulomuu li ésukayi yata Antiyok, ban li áyineneen no li bútinabu bata kusuwifaku tówum áyinen li Yéesu.

Kata Galasi 2:11

Bale nan Fiyeel áliiŋulomuu Antiyok, li iceeŋool bújooŋoo hákil ésukayi mata alakowut li mal̥egen.