Bakaanelabu 10:9 - Jola-Kasa

⁹ Li líiŋ hunak hukaten, nan bukanabuku kan Kooluney aboñumuu kulakomuu ejowayi kujow kulehen ésukayi yata Jofe, Fiyeel okila li aŋito haatiya eluuf yaakut kasond ajow kal̥aw Ateemit, banakabu bakel̥e.

Bakaanelabu 10:9 Referencias Cruzadas

Máciya 20:5

Anáyinaawu li alaañen áfulul, banakabu bayitene, li bo foof bakel̥e, li alaañen akaan manolamu.

Máciya 24:17

An alakomuu haatiya eluuf, jakum áwalowul abil kaŋa’ wah li eluufayi yoola átowum atey.

Máciya 27:45

Nan banakabu buyitenumuu, etaamayi feh li élim boot yok ewaatuwayi éhaajutayi banakabu bakel̥e.

Máciya 6:6

Bale awu, ufañumuu kal̥aw, li ujow ubaboo li káfitaku kooli, min ul̥aw Atuubayi aano tomuu tan yolomuu. Atuubayi Ateemit, ajukemuu wah wakaani li huyoloo, fan alaañeni wo.

Maak 1:35

Li líiŋ hunak hukaten li bújom bíb, to baloŋe li timooc, Yéesu li ayito min áfu’ li eluufayi ajow boot tan wayitowe boot kal̥aw Ateemit.

Maak 6:46

Nan Yéesu alobumuu búsukabu min buyiisoo aban, li aŋito li huyuuyahu ajow ló kal̥aw.

Bakaanelabu 10:3

Li líiŋ hunak hakee tinak bakel̥e, ewaatuwayi éhaajutayi balehene, Kooluney li ajuk li kahimmo amalaka ata Ateemit feet, ánokenulo boola min aanool: — Kooluney!

Bakaanelabu 6:4

Bale áloli, fan jijooŋoo to li kal̥awaku li kawaaleyaku kata hulimahu hata Ateemit.

Kata Efées 6:18

Jil̥aw nanoonan li búlambenum bata Buyinumabu Banabaabu. Jil̥aw Ateemit min alambenuul li wahoowah feh. Jíkaanum min jijooŋoo to li kal̥awaku, ban li jinaak jil̥aw boot li bukanabuku feh kata Ateemit.

1 Tímote 2:8

Lifañe kama tanootan feh, kánayinaabuku li kuteb kuŋeniil kanabe min kul̥aw, ban jakum kukaan mo li etindihuuñ ló mantee foof li búñakoo kulim ló.